娛樂偵訊

葉翠翠四個月現晒巨肚 生完即追隨時退出

贊助商連結

葉翠翠去年跟建築師兼公司董事周曉東( Raymond)結婚後,即不設防密密造人,雖然食過詐胡,但努力一年終於得米!葉翠翠已經有餡四個月,感動到喊的 Raymond落令老婆停工;原來早前拍劇體力透支,一度病倒入院。為求老婆輕鬆佗 B同繼續追,計劃生四個的 Raymond決定落閘,要翠翠退出娛樂圈。

幸福小女人

十幾日前,本刊拍到葉翠翠同老公周曉東在太古廣場拍拖入貨,著平底鞋鬆身衫的葉翠翠挺住四個月肚,人逢喜事,將升呢做老豆的 Raymond邊揀食物,邊攬錫老婆, sweet爆。
在超市轉了幾個圈, Raymond在凍櫃掃了大堆芝士,之後去買果汁,大部分都是適合孕婦的營養食品,放入手推車前,他必定細心做 QC,睇清楚食物標籤及成分;有愛妻號把關,葉翠翠一於做幸褔小女人,一切交由老公決定。
行了半個鐘,在雪糕櫃前徘徊了好一陣的翠翠,突然又改變主意走去買麵包和朱古力冬甩。




揀食物飲品前,老公做 QC睇產品成分,然後才放入手推車。


在賣凍飲的雪櫃前望了一輪,葉翠翠突然左手放上肚,四個月巨肚即刻現形。


到停車場攞車,葉翠翠急不及待在大袋食品中開了一樽橙汁即時飲,補充體力。

 




翠翠後排攬在超市半個鐘,葉翠翠跟老公不斷放閃,上電梯、揀食物,好多時都變連體嬰。


挨實老公


老公錫錫 肥肚唔肥人


週一,葉翠翠在 IG正式宣布有喜,朋友不斷留言祝福。

「翠翠同 Raymond都話 BB係上天送俾佢哋嘅禮物,因為翠翠喺生日前知道有咗,預產期就同老公生日日子好接近。有咗之後,大肚婆胃口不知幾好,但佢 keep住做啲簡單運動,所以都係肥咗落個肚,手腳都冇乜長肉。」知情者說。
為了做媽咪,葉翠翠年多前開始睇中醫調理身體,加上老公改變飲食習慣全面配合,兩公婆都十分謹慎,不過自從六月埋位拍《愛.回家之八時入席》後,早開夜收,體力透支,幾乎前功盡廢。

入院吊鹽水


辭演電視劇後,葉翠翠跟老公到外地度假充電,又再積極造人。

「翠翠近年都係做主持多,已經有一段時間冇拍電視劇,就算拍,都係輕輕鬆鬆客串幾集,所以監製搵佢開新劇仲要個角色度身訂造,就即刻應承。但因為太耐冇試過咁長時間開工,朝早六點入廠,凌晨四點半要起身,跟住拍到夜晚八、九點;佢試過一個月內睇咗八次醫生,好容易就感冒,有次仲辛苦到要入醫院吊鹽水。
「嗰次之後,翠翠同監製商量過決定辭演,一來身體真係頂唔順,加上 Raymond唔想老婆捱得咁辛苦,兩公婆為咗生 B做咗咁多準備,真係唔想身體又再變差。九月生日後翠翠足三十五歲,已經步入高齡產婦階段,所以愈早生愈有着數。」

望生四個

老公講明想生四個,葉翠翠全面配合,打算生完即追第二個,肚皮有排忙,生完仲要湊, Raymond早已游說老婆退出。
「翠翠做嘢好上心,容易緊張,有咗之後, Raymond已經叫老婆即刻停工,最好就退出幕前唔好再做。翠翠雖然口頭應承,但同無綫仲有約,不過嚟緊呢一年就一定開唔到工。其實兩公婆傾好咗生完即刻又嚟過,最理想係一年一個,生夠四個先收工。所以之後會唔會再做娛樂圈,翠翠自己都唔敢講到咁實在。」知情者說。




早前出席邵氏舉行的大型記者會,她刻意穿了鬆身裙,遮三個月肚。


9月中,葉翠翠生日, Raymond特地為老婆炮製美味大餐。


老公五月生日,葉翠翠製造驚喜,特地帶蛋糕上公司,邀請同事一起慶祝。


去年婚宴上,愛妻號 Raymond為氹老婆,特地用小結他彈了一曲送給她。


有機會拍《八時入席》,葉翠翠十分珍惜機會,但奈何身體未能配合。 養生全面睇

 







拍處境劇時,葉翠翠不時上載「生病了」、「好咳」以及入醫院的辛苦病相。





開工期間,她也不忘燉湯給老公進補,為造人做準備功夫。 一追再追

藝人偏向遲婚,所以婚後都不設防趕造人,唔少更生完一個緊接再一個,追到夠數為止。

陳豪 三年抱三
13年,陳豪與陳茵媺奉子成婚,同年 12月誕下長子陳梓燁, 15年 2月次子陳浩鋒出世,今年更成功追埋個女 Camilla,三年抱三,證明陳豪造 B能力超強、陳茵媺更好生養。



徐子淇 好字起孖
06年尾,徐子淇下嫁李家誠成為千億新抱。翌年 7月先誕下長女李晞彤, 09年再添一女李晞兒, 11年長子李俊熹出世後,五年抱三,徐子淇休息四年,去年再誕下幼子李建熹,兩個「好」字在手,收得工!



林盛斌 逢三進一
阿 Bob與老婆黃碧玲 08年 5月誕下大女林霏兒後, 11年才誕下次女林熹兒,之後又係隔三年, 14年誕下細細女林機兒,喜歡「逢三進一」的他坦言仲要追多個。

雞年旺生 B

歌仔都有得唱,「雞,全部都係雞,全部都係雞……」冇錯,明年出生的 BB,全部都係雞 BB,無論雞仔還是雞女,總之雞年旺生 B。

楊愛瑾
今年四月下嫁永安太子爺郭永淳,結束八年愛情長跑,婚後不設防的 Miki本月初在 ig留言:「 Hey little thing, you make us go wild!」公布有喜。



Angelababy
去年十月和黃曉明結婚後,已多次傳出 Baby懷孕消息,上月廿一日,黃曉明在微博上載與老婆的出海背影照,並寫下:「三個人的旅行,以後還要一起很多次,感恩,媳婦兒∼」,向外證實將為人父。



謝安琪
育有一子張瞻的 Kay,老公張繼聰一直想追個女,難得老婆願意停工配合,今年九月,宣布追女成功,湊成「好」字。



林心如
四十歲的林心如於今年七月下嫁霍建華時已經佗 B,雖然雙喜臨門,但因未夠三個月,九月才承認有喜。



陳嘉樺
台灣女子組合 S.H.E成員陳嘉樺( Ella),和老公賴斯翔結婚四年多,上月廿二日上載拿着驗孕棒的照片,親證好消息。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()