探熱針

結婚同佗 B一樣 雞年新娘孫慧雪:呢啲嘢好小氣

贊助商連結

宅男女神孫慧雪跟闊少 Edwin Lo拍拖四年,七月宣布分手又火速復合,近日更屢傳婚訊,數日前再有報導指二人在愉景灣行婚禮,當日要開工的阿雪即時否認。據知,現年 34歲的雪雪 BB的確好事近,正計劃跟男友拉埋天窗做雞年新娘,對於明年做人妻,她說:「呢啲嘢好小氣,唔想講太多。」收到,明白晒!

接男友放工

上週一(十月二十四日)晚,新劇《幕後玩家》首播,劇中一班演員在西貢邊擦海鮮邊睇劇。在外地開工的黃宗澤及黃翠如缺席外,蕭正楠、張繼聰、劉佩玥、龔嘉欣以及在劇中負責晒 33C的孫慧雪等都有出席。
八點人齊開飯,食到十點左右陸續散,跟老婆謝安琪前後腳到酒樓的張繼聰離開時全程護住大肚老婆,細心的他更預早安排司機在門口等候,扶老婆上車後,他才跟大隊講拜拜離去。
至於另一女神雪雪 BB先坐宋熙年順風車到南圍,然後再坐陳華鑫的 Mini Cooper過海,在銅鑼灣落車後,又孖住同行曾敏坐的士到北角。




宋熙年在南圍放低阿雪(箭嘴)、陳華鑫及曾敏,再由陳揸車送二人去銅鑼灣。


接男友收工,阿雪在門口等了二十分鐘也沒有表現不耐煩。


女人愛撒嬌,差幾步返到屋企,阿雪仍然忍唔住笑晒挨實男友傾偈。 好掛住你

原來當晚雪雪 BB接男友收工,在門口等了二十分鐘, Edwin終於出現,見男友攞住一大桶蒸餾水,雪雪 BB不單沒有表現不耐煩,還向男友撒嬌:「我好掛住你。」之後二人雙雙返回嘉亨灣愛巢。
為慶祝入行十年,七月出完處女寫真集後,一度人氣急升的雪雪 BB隨即變宅男女神,為配合宣傳,她表示甩拖半年 dry爆。
「其實當時佢同 Edwin係有少少問題,不過好快無事,之後俾人影到佢哋兩個行街拍拖,阿雪都即刻坦白話同 Edwin好番,佢一直都好緊張 Edwin,因為呢個男仔好好,做嘢叻又錫自己,係結婚對象。」知情者說。




阿雪好體貼,自動波幫男友攞住大堆書返屋企。


阿雪經常被拍到跟男友拍拖放閃,她亦指 Edwin是 100分男友。


7月出處女寫真,人氣急升成宅男女神。 打本做生意

有個女神女友, Edwin對雪雪 BB亦十分支持,數年前,他便打本給女友做生意。
「有段時間,阿雪想學做生意, Edwin就俾錢佢搞時裝店,不過阿雪劇接劇,根本冇時間,最後都搞唔成。出咗寫真集後,仲愈來愈多嘢做, Edwin都係工作狂,大家見面時間唔算多。」知情者說。
三十有四,加上遇到 Mr.Right,雪雪 BB亦不敢怠慢,向閨密透露決定明年結婚,二人早前更被拍到孖住買戒指及床上用品。有指她明年嫁有米闊少。雪雪 BB曲線回答:「呢啲嘢好小氣,唔想講得太多,我哋都有咁嘅方向,不過近排大家工作好忙,未有時間。而家兩個人感情好好,如果結婚,我一定會同大家講嘅。(有冇諗過即刻生 B?)呢個太遠嘞,未諗到。」




正在拍攝的《撒嬌的女人》,阿雪(右二)一樣要三點式上鏡。


阿雪在新劇中要性感打扮,她亦唔介意騷身材。


當晚一班藝人連同監製阿 Joe,邊食海鮮邊睇首播。 同場加演:謝安琪大肚出巡

 




食飯中途,張繼聰跟《幕後玩家》監製、導演和莊思敏在露台食煙吹水。


離開時,張繼聰全程護住老婆。


待脹了兩個碼的老婆坐穩後,張繼聰才安心上車。


10月出席楊怡羅仲謙婚宴時,拖住老公的謝安琪仍算靈活。


被爆佗 B女後,謝安琪也有在 ig上載大肚相,分享喜悅。


謝安琪大肚後,鮮有孖住老公同仔仔張瞻出席公開場合。

撰文、攝影、攝錄:娛樂組

 

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()