探熱針

豪俾迪士尼 城城出動私伙林寶

贊助商連結

女鍾意儲飾品玩具名牌包包,仔不外是模型,但富貴如郭富城,愛車如命,架架大玩具貴過層樓!城城屋企車庫架架收藏都係限量版,法拉利、林寶、平治、幽靈之子,數之不盡,一班愛車男,望吓都好!
最近城城獲邀接拍迪士尼新餐廳廣告,拍攝當日,他更乘機晒珍藏,出動價值 788萬的私伙林寶堅尼助陣。揸住跑車埋位的他不停 chok pose,兩個字:型爆!

《寒戰》導演落場

今次廣告商好揼本,除動用七位數天價請郭富城拍廣告,仲搵埋《寒戰》導演陸劍青負責操刀。廣告情節需要動用一架跑車,廣告商原本打算租用法拉利,但城城主動提出用私伙。
「劇組搵咗架法拉利做道具,但城城睇過相覺得唔夠靚仔,寧願出私伙。佢架車咁貴,拍嗰陣刮花就麻煩,所以廣告商事先都買重保險㗎。」劇組工作人員透露。
被貢獻出來做道具車的林寶,被譽為「牛中之王」,是城城一四年送給自己的生日禮物;車廠更特別為他噴上墨綠專色,命名「 Aaron tone」,夠晒珍貴!這部戰車更曾獲城城「點燈」,在倫敦個唱登場。




Chok住擺 pose,對城城嚟講冇難度,話咁快收工!


拍完一個 shot,城城即刻睇 playback,好認真!


城城架墨綠色林寶,曾經在倫敦個唱登場。 差啲釀成意外

週日(十月三十日)晚,城城親自揸住架墨綠色林寶現身中環龍和道。到場後,工作人員即刻落手加工,將原本掛住的「 Aaron」車牌,換成「 JAN11」。
道具準備好,城城換上皮褸加黑超,單是造型,已經夠 chok;不過,第一個 shot就差點出事。城城要揸住戰車兜一圈,但落車時,他竟然唔小心入錯波,戰車失控流前,幸好城城反應快,即刻跳上車踩 brake,有驚無險!
拍攝到中段,在場圍觀市民愈聚愈多,最後劇組要圍上黑布封場,才可以繼續拍攝。




辣跑加埋 chok樣城城,兩個字,型爆!吸引大量市民圍觀。


大意入錯波,林寶失控流前,城城即刻跳返上車踩 brake,好驚險。





舊愛熊黛林嫁人,城城大方送「祝福」。


最近有傳 Moka有咗,不過城城話「言之尚早」。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()