咁上下, Eric Kwok就會走返去架車睇吓兩隻狗狗有冇事,食咗半個鐘,行咗三轉。

同你吟一吟

Eric Kwok排隊食燒鵝

贊助商連結

早個禮拜五,午飯時間,《壹》仔响中環史丹利街見到 Eric Kwok同佢經理人,一齊戙咗响「一樂」出面等位。

點解揀個咁 rush嘅鐘數?原來有朋友由馬來西亞嚟咗香港,仲話因為當地冇鵝更加冇燒鵝食,所以 Eric Kwok除咗去「太興」,仲專登帶咗對方去「一樂」食番餐燒鵝餐。
只要喺香港,每日都一定同兩隻狗狗去遊車河嘅 Eric Kwok,當日亦有帶埋 Toro同 Nana去中環,不過狗狗唔入得去「一樂」,只可以留响車上望街街。唔想焗親兩隻寶貝, Eric Kwok絞低晒兩隻窗,仲幫最近皮膚有事,要睇醫生搽藥嘅 Toro戴番個燈罩(頸箍),以免老豆行開咗, Toro舔毛食咗啲藥落肚。
終於等到位坐低食咗半個鐘,其間 Eric Kwok行出嚟睇咗三次狗,狗仔當人仔,心頭肉!




Toro皮膚病搽咗藥, Eric Kwok幫狗狗戴番頸箍,以防 Toro舔毛。


兩隻狗狗遊慣車河,就算老豆行開咗, Toro同 Nana(右)只會乖乖坐定望街,唔會跳車。


永遠都要等位嘅「一樂」,飯市更加墟冚, Eric Kwok叫朋友企埋一邊,自己就同經理人(箭嘴)排隊。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()