90

同你吟一吟

吳綺莉 施綺蓮 楊玉梅 冠亞季坐埋一枱

贊助商連結

亞視換老細又換老細,到今年執埋笠, 85年舉辦第一屆嘅亞姐, 00年至 03年停辦,舊年最後一屆更加因為冇錢,連決賽都冇舉行。

傳奇亞姐已成歷史,不過,同屆( 90年)嘅冠亞季軍:吳綺莉、施綺蓮同楊玉梅,人在人情在!早排《壹》仔見到佢哋三個約埋喺銅鑼灣食飯敍舊,同枱仲搭咗個前大台綠葉王梁健平。
由鬥靚變為閨密!施綺蓮同《壹》仔講,廿幾年來,佢哋都會約埋見吓面,關係好好。嫁咗個有錢老公生咗三個仔女嘅施綺蓮,舊年疑因家暴,搞到要報警,但出席老友飯局,大露背加 fully makeup,撐行!
至於吳綺莉同楊玉梅就素顏出動,搞美容生意嘅楊玉梅,皮光肉滑,唔係講笑, 51歲仲靚過以前。







同屆嘅吳綺莉、施綺蓮同楊玉梅久不久就會約出嚟見面,是夜仲有前大台綠葉王梁健平做陪客。


一男三女,只有楊玉梅唔係煙民,坐戶外,三女有備而戰,一律冇袖,施綺蓮最少布,大露背。


一枱人,以扯住煙嘅施綺蓮最 talk得,講足全晚。 陳綺明不再完美

同師姐楊玉梅一樣, 92年參加亞姐嘅陳綺明都攞咗最上鏡同完美體態兩個獎。但時至今日,無論身材樣貌,都已經大走樣,唔似得吳綺莉佢哋,仲 keep得好好。認得佢出,你本事!




92年選亞姐嘅陳綺明雖然冇名次,但就得到最上鏡小姐同最完美體態兩獎。


喺 ifc超市買完嘢,陳綺明企定放番張信用咭同收據入背囊。


見肉唔見骨,冇腰仲要一節節肥膏,勁發福。


約滿亞視後,陳綺明一度投身影圈,但只有呢幕著白色泳衣出席電台活動,上水露點五分鐘最令大家留有印象。

撰文︰八珍

 

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()