娛樂偵訊

梅小青回巢平起平坐 曾勵珍 50集大劇大卡士撼劉心悠

贊助商連結

由李寶安拉線,金牌夫妻檔監製梅小青和劉家豪四月正式回巢無綫,升做製作總監跟曾勵珍平起平坐外,並重金禮聘女神劉心悠處女下海拍大台古裝劇《深宮計》省招牌。唔想坐以待斃,曾勵珍即時做嘢,挖盡大台一哥一姐埋班開拍 50集大劇《跨世代》(暫名),力撼劉心悠。

獨立部門

無綫近年被網民狂插拍膠劇冇新意,助理總經理杜之克上場後銳意改革,又自己落場傾劇本搞製作,年初更成功游說舊將梅小青、劉家豪回巢,幫手救收視。
「佢哋兩公婆而家個職位同(曾勵)珍姐一樣,大家咁高咁大,可以自己話事,唔使好似以前咁,吓吓睇人面色;兩個仲要平日唔需要返 TVB,因為公司喺將軍澳工業邨另外租咗層樓俾佢哋做 office,佢哋個部門好獨立,唔使同其他組開會,淨係向杜之克匯報就得。」一名無綫人說。




有指梅小青和劉家豪因跟曾勵珍不和而離開無綫,四年後再回巢,兩人直接隸屬杜之克,無需再向前上司曾勵珍匯報。


梅小青監製的《宮心計》,曾經創下 50點收視,所以開拍續集作為回巢頭炮,再加女神劉心悠孭飛,大家信心十足。


無綫數年前開始搵劉心悠拍劇,不過一直傾唔成,今次終於合作成功,據知市價每集十五萬人仔的她,減到五萬一集。


一同賀台慶

原以為梁家樹離開可以一統天下,不過隨着余詠珊坐大踩過界,加上昔日被指功高蓋主,有收視保證的梅小青又回巢,早已被削權的曾勵珍亦不敢怠慢,趁無綫踏入五十周年,度了一個五十集的大劇,安排與梅小青回巢頭炮《深宮計》做明年台慶劇,硬撼!
「暫定嘅卡士有歐陽震華、陳豪、蕭正楠、張繼聰,女角就有田蕊妮、邵美琪,麥明詩,全部都係珍姐愛將,不過佢覺得未夠睇頭,仲搵緊啲阿姐級返嚟幫拖,好似陳慧珊、趙雅芝呢啲級數都會搵。呢套劇要拍半年,總之邊個有時間都可以返嚟客串幾集。珍姐今次玩晒冷,誓要撼贏劉心悠套古裝劇。」一名無綫人說。




電影《使徒行者》收得,杜之克即拍板開拍網劇,更大手筆到泰國取景,唔再慳住拍。


十優女狀元麥明詩算係新人中最有人氣,今次都有被欽點拍大劇。


在無綫拍了唔少劇集的張繼聰,都在大劇演員名單之內。


陳豪跟邵美琪都是實力派,有一定師奶粉絲。


有指陳慧珊早前跟經理人老公齊齊返無綫斟拍大劇,成數頗高。


歐陽震華跟田蕊妮都是珍姐愛將,兩個都是 50集大劇鐵膽之一。

撰文、攝影、攝錄:娛樂組

, , , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()