娛樂偵訊

未講掂數 大台唔出工作證 亞軍劉穎鏇「被遣返」美國

贊助商連結

今屆港姐冠軍馮盈盈當選後爆粗成功搶到人氣,就算事後即時被高層照肺,依然有機會出席活動 keep住曝光,反而網民勁 like的亞軍劉穎鏇自 9月中做完港姐官方活動就開始消失;事出有因,原來她拒簽長約,大台於是以「未申請到工作證」為由,下令她暫時停工。今年升讀大學二年班的劉穎鏇,自願被遣返美國。

台慶亮燈冇份

往年無綫台慶亮燈儀式,應屆出爐港姐例必出席做人肉布景,不過今年亞軍劉穎鏇卻影都唔見。據了解,自從上月十四號出席領獎活動,一直「失蹤」至今。
「其實 Tiffany(劉穎鏇)已經好耐冇出嚟,唔單止台慶亮燈,就連中華小姐宣傳活動都見唔到佢。聽講公司早排要佢簽多一份五年約,但 Tiffany覺得長,所以心大心細仲未有決定簽定唔簽。佢喺美國出世,冇香港身份證,要正式開工就要有 working visa,公司見佢唔聽話,咪大條道理叫佢唔好開工。」一名無綫人說。




劉穎鏇跟上屆亞軍龐卓欣都在外國長大,無獨有偶都不喜歡被長約綁死。


早前無綫為來年國際中華小姐選舉搞宣傳活動,今屆港姐只有馮盈盈(中)、季軍陳雅思(左)以及友誼小姐張寶兒(右)出席。 返美國讀書

大台一貫作風,去年的亞軍龐卓欣,便因拒絕加簽長約,被無綫掟入雪櫃,但有個富貴老豆撐腰,她亦樂得無 job,周圍旅行轉做 blogger分享扮靚心得。
「 Tiffany想入娛樂圈做戲同做主持,所以的起心肝減咗十幾磅選港姐,佢亦有諗過做 model,不過一日未落筆簽約,就乜都唔使傾。反正屋企人同男友都喺美國,所以 Tiffany最後決定先返去美國讀書,見步行步。其實公司同樂小姐都有叫佢唔使咁急返美國,不過 Tiffany得十九歲女,一個人喺香港,又冇工開,留响度日日都唔知做乜,加上掛住屋企人,嗰段時間佢好唔開心。」一名無綫人說。
已經返美國半個月的劉穎鏇,重拾學生生活,冇壓力心情馬上靚番晒!




上年台慶亮燈儀式,麥明詩跟同屆亞、季軍有份出席兼排第一行。今年劉穎鏇返了美國,三缺一下,索性只安排冠軍出席。





向來鍾意做運動的她,在美國即大解放,著粉紅 bra top跑上山。


劉穎鏇並唔似一般女藝人鍾意收收埋埋,早已公開有個同年的大學男友。


返到美國,劉穎鏇生猛晒,在床上自拍的她好索。


離開香港後,她在 ig po選美期間的舊照,並表示十分懷念。


出席完官方安排的領獎活動後,劉穎鏇已經沒有再蒲頭。


簽長約後,馮盈盈即有機會在《星光熠熠耀保良》演出跳舞。 違命者零收入

無綫花旦小生買少見少,無綫惟有集中資源捧港姐補倉。不過,大台奉行唔簽長約唔捧,獲點名力捧的陳凱琳、蔡思貝和劉佩玥,均簽下八至十年賣身契。
偏偏上屆亞軍龐卓欣抗命,唔願被綁死,在任期間,只被安排出席部分慈善活動,零收入。






撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()