上週五(廿一日),陳豪、陳茵媺撇甩三個 B出發歐遊,過二人世界。

探熱針

跟隊扮去新加坡 陳豪陳茵媺血拼米蘭

贊助商連結

圈中「模範夫婦」陳豪陳茵媺,結婚三年,連生三 B,勤力又富生產力。細女 Camilla今年四月出世後,豪嫂 Aimee匿埋專心湊女半年,終於回復元氣,同老公孖咇出動,叉電歐洲。
上週五(十月二十一日),陳豪同老婆撇甩三個 B出發歐遊,先去羅馬,再飛米蘭。啟程當晚,撞正無綫一班花旦、小生拉隊飛新加坡出席頒獎禮,為免洩露行蹤,陳豪同豪嫂一招混水摸魚,黐埋大台大隊等 check in,成功轉移視線,醒爆!

轉移視線

「海馬」襲港!陳豪陳茵媺仍可如期出發,搭凌晨機,夜晚十一點,兩公婆已抵達機場,撞啱無綫一班藝人包括胡定欣、陳展鵬、李詩韻等同樣搭深夜機出發,全部自己友,好熱鬧!
見現場有傳媒,陳豪同豪嫂於是混入大隊中,一齊等 check in,陳茵媺又同李詩韻鬼咁好傾,唔講真以為大家是去同一目的地新加坡。
難得可以丟低屋企三個 B過二人世界,兩公婆未出發,先興奮!即使眾目睽睽,陳豪都情不自禁,攬實豪嫂錫錫;辦好登機手續後,兩公婆繼續十指緊扣,拖實行去入閘。




眾目睽睽,陳生陳太又攬又錫。


陳展鵬唔敢公然同胡定欣煙韌,見陳豪夫婦咁恩愛,嘴藐藐!


陳豪同老婆混入無綫大隊 check in,唔講以為佢哋同李詩韻等人一齊出發去新加坡出席頒獎禮。 叉電回氣

生完再生,一於再生的陳豪,早前曾勁呻湊三個 B好吃力,加上陳茵媺出名「緊張媽咪」, B女出世半年,她因為要餵人奶而日日寸步不離,結果捱到身體出問題要住院。
老婆連生三個,陳豪亦終於肯收手,宣布收工唔再生。細女 Camilla足六個月大,兩公婆決定出埠旅行,回一回氣。
「佢兩公婆好多年冇試過二人世界去旅行,次次去親都一家大細。 Camilla半歲, Aimee停咗餵人奶,可以有機會行開吓。今次揀去意大利,因為 Aimee想去米蘭 shopping,不過佢哋都唔放心去得太長時間,玩一個星期就返嚟。」陳茵媺身邊人透露。




陳豪細女 Camilla半歲大,肥嘟嘟、眼仔碌碌,好得意!


三個 B唔易湊,早前豪嫂同兩個仔輪流病。


老婆全力湊 B,陳豪劇接劇搵奶粉錢。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()