同你吟一吟

吳日言 16歲定終身

贊助商連結

女人行街買嘢,用幾長時間花幾多錢,十個有九個冇掣,所以,就算要人陪,都唔會打攪男友老公,只會約 friend。

但吳日言就係第十個。前排《壹》仔喺銅鑼灣撞到佢同男友拍拖 shopping,先喺 I.T有收穫,再過條馬路去埋時代廣場 Lane Crawford,一樣係睇鞋。吳日言先揀款,再一次過坐低慢慢試,揀鞋試鞋大大話話搞咗成粒鐘,但佢男友不單冇黑面,仲全程陪實俾意見;甚至郁手幫女友 check吓對鞋著咗上腳後,會唔會太夾腳,細心到冇人有。
男友係初戀情人,已經一齊 16年,如無意外,呢一兩年就會結婚。 04年入行,吳日言事業上遇過唔少波折,不過,佢嘅終身事業, 16歲就揀定咗,仲有,眼光都唔差添。




上扶手電梯前,男友伸手摸吓背, 16歲拍拖到而家,已有老夫老妻 feel。


由揀到試,吳日言男友一直冇行開過之餘,又會檢查吓對鞋會否太窄唔舒服,好周到。


當日踢拖出街嘅吳日言,要借用專俾客人試鞋用嘅絲襪,三對鞋都差不多款,最後買咗(圓圈)呢對。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()