在劇集《降魔的》中,劉佩玥暗戀做的士司機的馬國明。

娛樂偵訊

馬國明剝衫冇格仔 劉佩玥零興趣

贊助商連結

幾經拉鋸,馬國明先肯動筆續約留低無綫,大台立即將他的檔期塞爆,做到冇停手!上月拍完《心理追兇》,緊接是新劇《降魔的》。早前,馬明同拍檔劉佩玥在麗都灣沙灘拍外景,全日俾太陽曬住,熱到出哂汗要當眾除衫,歎慣男友伍允龍爆肌,劉佩玥見到冇格仔馬明,零興趣冇感覺。

碎料冇興趣

已經 42歲的「中佬」馬國明,形象戇實,之前在劇集《為食神探》扮仔搞笑,出盡奶力網民都唔 buy!直指與他的形象格格不入。
要收復失地,大台安排馬明在新劇《降魔的》中做的士佬,角色夠貼地,易討好觀眾!
上週三(十月十二日)下午,一身輕便裝束,孭住個斜孭袋扮晒麻甩的馬明,與劉佩玥拍沙灘外景,被太陽蒸了一日,導演一嗌 cut機,馬明第一時間歸位,在劉佩玥旁邊攤屍。休息了一陣馬明依然覺得不爽,於是一二三起,除埋件衫散熱,對住半裸 uncle Ma,平時歎慣肌男伍允龍嘅劉佩玥,只覺碎料,毫無反應。




馬國明當住劉佩玥面前除衫,不過對方冇反應。


全身出晒汗,馬國明連乾毛巾都懶得搵,用 T恤抹汗。


頂住太陽開工,一停機馬國明即走到劉佩玥旁邊休息。


「天然呆」木木獨獨,劉佩玥主動撩起話題,免得氣氛尷尬。


孭二千萬樓債

續約大台後,馬明立即有錢揸手,今年初以 1,960萬元購入太古城複式連天台單位,又自稱買給屋企人住。
「馬明好孝順㗎!賺到嘅錢全部俾媽咪幫佢管理!之前明媽一話想換樓,佢就即刻周圍搵盤睇樓!呢個單位都係明媽同佢家姐揀嘅,馬明見屋企人話鍾意,就九秒九落訂!佢同我哋講過,話間屋裝修緊,裝修費要成過百萬計!不過層樓應該唔係一次過俾晒錢,因為佢話要再勤力啲接 job供樓!」一名幕後工作人員說。




劉佩玥的真命伍允龍,打得爆得,比馬國明 man得多。





榮升男二,胡鴻鈞在新劇中同馬國明有不少對手戲。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()