娛樂偵訊

英皇錫晒霆鋒陳偉霆 樂易玲氹孤兒仔林峯歸隊

贊助商連結

失意視帝劈炮離開無綫,全身轉投英皇的林峯,傳被封殺兩年來絕跡大台,但早前出席楊怡羅仲謙婚宴,卻突然可以在《東張西望》出鏡。
簽約英皇以來,因為公司資源集中在謝霆鋒及陳偉霆身上,承諾林峯開戲的期票,一直未有兌現。近日憑電影《使徒行者》大收七億省靚招牌的樂易玲,即把握時機發功,第一步是落令解封,又力邀林峯出席邵氏電影晒冷派對,鋪路氹「契仔」歸隊。

開戲全部冇份

在無綫十五年的林峯一直希望在電影方面打出一條路,據了解,當日答應過檔英皇,也是因對方承諾會開戲力捧,不過兩年過去都未開齋,就連客串一角也沒有。
「其實阿峯根本冇諗過要做男主角,佢知道自己喺電影係新人,只希望泊到個大碼頭,可以同有分量演員合作學嘢,就算做男二男三都冇所謂,舊年古仔(天樂)搵楊生(受成)傾過話開《尋秦記》電影版,最後又冇咗下文。
「英皇近兩年開嘅戲全部都冇佢份,就連啱啱喺記者會宣布開拍嗰幾部大片,都係霆鋒同 William(陳偉霆)孭飛,另一部就係阿 Sa同葛優,部部都唔預佢,梗係唔開心。」知情者說。










林峯終獲無綫解封,在《東張西望》出鏡。


可自擁山頭

過去兩年,林峯出過一張唱片和今年四月開了三場演唱會,其餘大部分時間都在內地拍劇。
「阿峯喺內地有市場,今年拍咗套內地劇《六扇門》,佢就袋咗過千萬人仔。」
堅持離巢惹無綫封殺,不過跟樂易玲關係依然密切,完全變英皇人後,林峯照舊俾面去對方生日 P。一直想留低林峯的樂大媽,眼見「契仔」被忽略,於是密謀氹他回巢。
為表誠意,率先解除封殺令,再邀林峯出席十月中舉行的邵氏大型活動。
「《使徒行者》電影版收得之後,負責監製嘅樂大媽成個人都生晒。喺英皇,點都爬唔過霆鋒,大媽覺得係時機,阿峯同公司仲有一年約,傾得嚟就差唔多。如果成事,阿峯可以好似王祖藍咁,有自己工作室,開自己嘅 label,所以都心郁郁㗎。」知情者說。




今年四月在紅館開演唱會,算係在英皇最有睇頭的工作安排。


當日由吳雨拉攏簽約英皇,不過吳雨榮休,林峯要「再創高峯」似乎要靠自己。


演唱會期間,女友千語 BB跟黃百鳴都有到後台探班。


老闆楊受成對親生仔謝霆鋒特別好,不單出席他孭飛的飲食節目,又開戲力捧。





林峯在內地拍電視劇《六扇門》,袋走過千萬人仔。 大細超

猛虎不及地頭蟲!英皇旗下不乏藝人,但始終以飲英皇奶大嘅佔有優勢,尤其謝霆鋒,因為特別得老闆楊受成器重,因而惹來其他同門葡萄。



王傑
09年,王傑與英皇十年約結束,接受訪問時多次發炮轟公司大細超。有次在台灣節目《王牌大明星》中,他直言不滿英皇炒作他與 Mani的緋聞,用傷害他的名聲來為對方增加名氣。



鄭伊健
00年與英皇簽了三年合約,但三年以來只出過一張唱片,期待的國語碟更加無踪無影,其時伊麵自嘲自己變了「冰山雪蓮」。

撰文、攝影、攝錄:娛樂組

 

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()