next2.jpg


20歲的曉風同三十年前嘅阿倫完全倒模一樣,加上有六呎高,比老豆更正。

娛頭

最強星二代  20歲牛津尖子十項全能 餅印譚曉風靚仔過阿倫

贊助商連結

譚詠麟同紅顏知己朱詠婷( Wendy)的獨生子譚曉風,轉眼已經二十歲,早前兒子由英國返港放暑假,阿倫更在銅鑼灣包起一間餐廳,為囝囝舉行生日(七月一日) party,將曉風一次過介紹給一班身邊摯友認識。
曉風遺傳了優良 DNA,生得同老豆後生時一模一樣,甚至比超級當紅時期的阿倫,更高大靚仔,絕對是超級星二代,加上品學兼優同十項全能,令唔少唱片公司及經理人公司流晒口水,不時向阿倫提出要求,希望簽到這個紅硬星二代。

牛津拔尖高材生


八月廿八日曉風由倫敦返港, Wendy親自到機場接機。

在英國 GCSE(英國中學會考)考獲 12A,以拔尖身份入讀世界頂級學府牛津大學的譚曉風,因為大學放暑假,近月來不時香港、英國兩邊飛。
「因為曉風想體驗吓做工賺錢嘅感覺,所以喺英國搵咗份暑期工,唔可以成個暑假都留喺香港,要趁有幾日假,先飛返嚟見吓阿倫同 Wendy。個仔咁生性,阿倫好自豪㗎!」阿倫身邊人說。
上月廿八日,曉風從英國返港,媽咪 Wendy親去機場接機。著住白恤衫,戴住眼鏡的曉風,身形高大,肯定過六呎,廿歲牛津高材生,臉上不期然流露着一份書卷氣息。
出閘後, Wendy想幫囝囝推行李,但孭住背囊,右手攞住一大袋,左手推住行李的曉風卻 man爆,不讓媽咪郁手。最後, Wendy惟有幫手一齊推住件行李。此一刻,母子間的感情,濃郁到呢!

靚仔過阿倫

第二日,阿倫一家三口全家出動,到上環食日式烤肉,同場還有一班親戚朋友,因為人多,大家需要分兩枱坐,阿倫和曉風坐同一枱,但兩父子中間隔了一個四眼仔,至於 Wendy,就陪另外幾位長輩坐另一枱。
剛滿二十歲的倫仔,胃口好好,食足全晚;其間,曉風過枱坐在媽咪旁邊同長輩傾偈,兩母子甚至黐埋坐一張櫈,十分親密。
睇唔出,原來曉風好吹得!除了專登過枱向長輩問好,全晚同老豆阿倫更加雞啄唔斷,就算兩父子相隔四十六年,一樣冇代溝。
一餐飯食了大約兩個鐘,阿倫埋單後先行上車準備,曉風則負責殿後,跟在場親友逐一道別,之後才上車,坐在阿倫旁的前座乘客位,由老豆做柴可夫,揸車離開。
除低眼鏡同帽,笠番件外套加埋 gel咗頭,曉風當堂型仔晒,仔細睇,他生得極似阿倫,完全餅印一樣;當中以鼻同笑容最似老豆,但就比阿倫年輕最當紅時期更加靚仔。




一家三口上週一,阿倫一家三口與親戚去上環食日式烤肉,有阿仔喺身邊,阿倫全晚心情超靚。


父子情深全晚兩父子都有傾有講,相隔 46年都睇唔出有代溝。





曉風個鼻同笑容同阿倫最似。


除咗黐老豆外,曉風唔會忽略阿媽,中途專登坐喺阿媽隔籬。


食完飯,阿倫先去攞車,負責做司機。


曉風同 Wendy同所有人道別完,先上車離開。 能文能武瓣瓣掂

據了解,曉風遺傳了阿倫身上的優點外,音樂方面的天分亦得到真傳。除了是鋼琴八級,識打鼓和彈結他的曉風歌藝亦有番咁上下;幾年前,更曾幫老豆秘密唱過和音,又試過在阿倫六十歲生日 party中,同樂隊 Mr.一齊合唱《感動》,送老豆驚喜。
阿倫鍾情踢波,曉風亦一樣,但他的強項其實是打籃球和網球,更加係牛津大學的划艇隊成員。
但講到讀書,曉風就大幅度拋離老豆阿倫。一三年,在英國 GCSE考試獲得 12A,以拔尖成績考入牛津大學的他,五歲時已憑一幅素描畫,贏得全港兒童繪畫比賽亞軍,天生多才多藝,簡直十項全能。







由於曉風在英國有做暑期工,所以佢香港、英國兩邊飛,七月初慶祝完生日他飛返英國,每次阿媽都會送機。





Wendy教得曉風好好,多年來曉風都好樸實,從來唔會買名牌,全身衣服背囊同行李箱都係走平民路線。 包場賀曉風滿廿歲

又叻又靚仔,兼且是超級星二代,曉風早已成為唱片及經理人公司爭奪目標。
「幾年前,阿倫所屬嘅環球唱片同藝能都有問過佢,話好想簽曉風,不過阿倫即時就拒絕:『你哋諗都唔好諗呀!』雖然阿倫話就話等曉風讀完書自己決定,但係佢同 Wendy都唔想個仔入行,難得個仔咁讀得書,梗係想佢將來喺事業上有一番成就。
「始終娛樂圈多引誘, Wendy最擔心係如果俾個仔入行,好易感染到啲壞習慣。其實曉風由細到大都好聽父母話,所以阿倫同 Wendy唔贊成嘅話,相信曉風都唔會考慮入行。」阿倫身邊人說。
阿倫雖然不主張子承父業,但今年曉風二十歲生日(七月一日),他卻在銅鑼灣包了一整間餐廳開 party,為兒子慶生,更一次過請晒自己一班圈中摯友到場,介紹大家認識。唔再收埋個寶貝仔,讓曉風接觸娛樂圈中人,可見阿倫即使唔贊成兒子入行,亦保留客觀態度,實行仔大仔世界!




目前阿倫身在美國旅行,有網民在美國街頭影到阿倫,旁邊仲有個人孭住背囊,而呢個背囊正正就係曉風所孭同款。





七月一日阿倫幫曉風舉行生日會,當晚曾志偉都有出席,佢哋仲用 app影了張變臉相。


06年阿倫父親去世,在訃聞中阿倫首度公開兒子身份。 曉風成長記錄

紅顏知己 Wendy(朱穎婷)原是譚詠麟歌迷會會員, 95年, Wendy升呢由歌迷變情人,翌年更為阿倫誕下兒子譚曉風;兩母子極為低調,直至 06年,譚父去世,兩母子身份亦刊登於訃聞中,二廠終於光明正大見人。




4歲四歲時的譚曉風,眼大大肥嘟嘟,非常可愛。


8歲入讀小三時依然一身 baby fat,愈大愈似老豆的他,出入媽咪 Wendy都陪到實。


10歲身份被公開,兩母子依然低調,出入戴帽,十分避忌。


14歲14歲的譚曉風,身形明顯拉高,同阿倫幾乎一個餅印。


16歲身高超過六呎,五官標致,盡得老豆真傳,天生明星相。 反叛星二代

圈中不少星二代,自恃有家底,又有星爸星媽保護撐腰,唔使捱又反叛,學壞話咁易。



謝霆鋒 頂包案
02年,謝霆鋒於中環超速駕駛,其法拉利嚴重撞毀,事後他搵司機到警署自首,經調查後「頂包案」成立,霆鋒被判兩年內於赤柱懲教所完成 240小時社會服務令,並禁止期間出境。



房祖名 藏毒
14年,房祖名在北京因藏毒和容留他人吸毒被捕,拘留近五個月,最終被輕判有期徒刑六個月及罰款二千元。



劉子千 醉駕
10年,曾有多次撞車記錄的劉家昌兒子劉子千,在將軍澳隧道發生意外,事後被驗出酒精含量超標兩倍半,醉駕被判 150小時社會服務令。

撰文、攝影、攝錄:娛樂組

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()