訪問期間, June拿出大批文件,證明自己仍擁有亞洲公司及其商標:「唔明點解間公司被上市公司收購,可以唔使知會負責人?我已經同聯交所反映過,但依家同我講仲處理緊。」

財經短打

前大台女藝人 哭訴墮上市陷阱

贊助商連結

大台女藝員,演藝生命短暫,不少人轉型從商希望殺出血路。不過,又有多少人會是修身堂( 8200)張玉珊?曾於 90年代主演《阿 sir早晨》、《 95神鵰俠侶》的前藝人簡珮筠( June),就因為做生意遭受打擊!
曾是添哥(李添勝)愛將的 June,息影後從事美容行業,在瑞士搞護膚品牌,近年更準備上市。但好景不常,上年初她指被兩位多年「好」拍檔蹺起,公司部分權益亦賣給上市公司銳康藥業( 8037)。 June向記者透露,她與丈夫近月不斷被滋擾及誣衊,其間 June不幸小產,她哭着向本刊痛斥:「佢哋就好似丁蟹(《大時代》角色)同陸國榮(《誓不低頭》角色)!原來人為咗錢咩都做得出,依家成間公司咁就冇晒喇!」

商界不像娛樂界般簡單, June現在終於領教得到。 June曾任廣告模特兒,九十年代在無綫做藝人,但星運平平,後來淡出從事美容業。當時她二十多歲,偶然間認識了從事美容界的拍檔葉希德,她指出:「佢話我哋咁夾,不如一齊做啦,我當時見佢喺呢行咁耐,就應承咗。」
兩人搞起瑞士化妝品牌 Bellefontaine,經十多年經營,銷售予三十多個國家,每年盈利過千萬元。由她負責亞洲區,葉及後期加入、於金融界打滾的梁享英,就負責歐洲區營運。而公司在全世界的商標,都是由 June申請及持有。




簡珮筠九十年代於 TVB工作,合作藝人包括已故羅文。


June向記者提供的 2012年協議顯示,她擁有公司亞洲區經營權及商標。 傾上市出事

二○一二年, June指公司規模已達至可以上市,她與拍檔開始傾談此事:「人生第一次做到可以上市,見到有少少成果都好開心。當時同拍檔嘅合作性質,係亞洲區同歐洲區係獨立公司賬目。當時葉希德同我講,如果要上市及收購法國公司,就一定要合併賬目。我覺得合理,就應承咗俾亞洲公司賬目、商標等佢合併處理,如果唔成功佢應承會歸還。」
「合併」賬目後數個月, June見上市進度毫無消息,開始覺得有問題,決定向葉希德要求還原:「佢哋話好多嘢都唔成功,我就話如果真係唔得就算。」最後葉終於有回覆:「經兩個律師見證,佢俾番商標我,我覺得可以繼續喺亞洲做生意就 OK,無追究佢。」她指出。




Bellefontaine屬高檔護膚品,日霜售價約二千多元,比 SK-II還要貴。


在上月於上海舉行的美容博覽會,因品牌(黃圈)涉及中國區商標問題,在 June的要求下要立即結束。


June一直視葉希德為恩師,多年前更有記者拍下二人相擁共舞。 股份賣予上市公司

不過兩年後葉希德又要求再上市, June拒絕後,歐洲區股東梁享英突然將槍頭指向 June。她指:「梁享英突然出咗好多封信俾我,要求我無條件俾番晒所有商標出嚟,佢話我哋係夾埋律師偷咗呢啲商標,我哋係唔合法。」她想溝通但不果。她說:「去到今年一月,我收到朋友通知,話我間公司商標已經賣咗俾上市公司!」
June當時頓感晴天霹靂,翻查港交所資料,根據披露文件顯示,銳康藥業( 8037)以 2,795萬元現金,向葉希德收購 Bellefontaine品牌百分之二十七點八股權,並寫明有品牌商標,並在亞洲等多個地區註冊。 June稱自己亦有亞洲區商標,對此費解。
本刊曾查詢銳康,對方負責人回覆:「我哋出嘅通告內容係啱嘅,至於係亞洲嘅邊個地方有商標,就無需交代。」




因品牌涉及官司,位於置地廣場的專櫃短期內要結束,惟員工對公司變動不大清楚。


05年邀得鍾楚紅(右一)「出山」成為一時佳話:「嗰日其實到朝早先知紅姑嚟唔嚟,都好緊張。」 June表示。


June在圈中的人脈甚廣,早前她就邀請趙雅芝及黃錦燊出席活動。 連番騷擾

近年已移民瑞士的 June,在上年年尾回港探親時,發現瑞士住宅被人搗亂:「間屋係公司物業,喺葉希德間屋隔籬,佢隨時喺公司拎到後備匙。」她就立即打給葉希德查詢:「佢話:『我唔知呀,可能係我同事啦!』我就好奇怪點解有人入我間屋。」
本刊未能聯絡到梁享英。翻查資料,梁享英在金融界來頭不小,十年前曾在廉署「響箭行動」中被捕,後獲釋並被金利豐復職。現時未見有任何上市公司董事職位。
而身在瑞士的葉希德就回應稱:「十幾年前商標係 June註冊,但佢出名我出錢的。後來佢做唔住都係我幫佢!佢話可以搵人搞上市先合併賬目。」他承認 June有攞番亞洲區商標,但未有解釋與上市公司銳康的交易詳情。
本刊翻查香港的商標註冊,發現現時 Bellefontaine的商標,主要由簡珮筠持有,未見有葉希德的名字。
雖然 June已報警及將所有文件交給律師處理,但她已「打定輸數」:「佢哋唔通知我就搞埋亞洲市場,變咗同我鬧雙胞。我就算有錢打官司,都要打好多年。」而最傷莫過於感情,人到中年的 June曾因困擾而小產。她哭訴:「我當葉希德係我恩師,佢破產都係我幫佢,真係傷得我好緊要!」




位於瑞士的大宅一直是 June夫婦的居所,但被人搗亂後,他們已不敢在這裡居住。


2012年,品牌曾在香港開設美容中心,更邀請楊思琦(中)任剪綵嘉賓,惟最後因生意不佳而結束。 好友洪欣:唔好夾份做生意


簡珮筠出事後,一直不願向朋友多說自己近況,洪欣(中)亦坦言是經朋友口中才得悉事件。

藝人洪欣與簡珮筠相識多年,不時會出席好友護膚品的活動,她得悉 June的遭遇後,大嘆可惜:「我知佢好努力咁做,我聽到都好心噏。」
曾經歷生意失敗的洪欣,坦言幾次經歷都是與拍檔決裂:「我自己拍劇好忙,好多時拍檔話點就點,得個信字,最後條數出到嚟先知。如果做得唔好,第日見番面個心都會唔舒服,經過幾次我都好抗拒再夾。」
她坦言:「幾好朋友都好,都唔好做 partner,唔係話對方好唔好或者要幾小心,有時未必係對方問題,但一有分歧就好麻煩,可以嘅話一定係自己獨資做。」

上市未必好

本身是律師的民主黨立法會議員涂謹申,聽完記者覆述簡珮筠的情況後,指她第一次與拍檔傾談上市時,最大問題是沒有尋求獨立法律意見:「雖然我無深入去了解,但係如果單一公司現金流夠嘅話,未必要合埋一齊處理。不過好多老闆見搵律師查詢,可能要使十萬八萬,未必捨得,結果信晒拍檔。」他亦指很多老闆考慮上市時,未必有理過當中的風險。
「好似係公司上市後,就要有公共責任,遵守的規則有很多。」他就見過不少有關新股的訴訟,是一直經營私人公司的老闆未必能應付。

撰文:梁延宇
攝影、攝錄:關永浩
mailto:ed_bn@nextdigital.com.hk

 

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()