五張嘢嘅黃凱芹一手抱起女dancer好勁,但佢面上嘅魚尾紋都唔弱。

今年50歲嘅黃凱芹,幾年前俾人影到拖住兩個同佢有九成樣似嘅小朋友,喺愉景灣出沒。一直行蹤神秘嘅佢,難得今次喺紅館開騷, 媽咪姐當然關心下佢近況,點知佢話:「總之我家庭生活好愉快,既然大家影到相就心知肚明啦!」黃凱芹究竟有冇仔,相信大家心裏有數,但兩位小朋友嘅媽咪係邊個,至今都仲係個謎!


不過唯一肯定,就係黃凱芹好有女人緣。佢喺上周六(24日)舉行嘅個唱中,請咗周慧敏,及兩位久未露面嘅好友梁雁玲同余劍明做嘉賓。唱開情歌嘅佢,竟然喺台上摸勻所有女dancers,非常誇張。媽咪姐仲收到風,原來佢喺2010年已經賣咗愉景灣個單位,而家就用萬零蚊租住紅磡一個私人物業單位。媽咪姐觀察咗佢成個禮拜,發現佢同女士特別投契,周一(26日)晚仲同助手及一位女性好友食飯食足三個鐘,大講扮靚保養心得。咁有女人緣,難怪冇老婆冇女友,都可以傳出有兩個仔,黃凱芹認真係有計。

Fans籌旗出書
黃凱芹咁有女人緣,所以一班女fans就不計成本,主動幫黃凱芹出咗本書《站在您那邊》。書中有唔少黃凱芹鮮為人知嘅故事,可惜 大家關注嘅「家庭生活」就隻字不提。 ####

 
黃凱芹周一晚喺助手(中)陪同下同一個中年女子食飯。媽咪姐聽到佢哋三個大談女人經, 黃凱芹條channel認真特別。

 
黃凱芹喺前年賣咗愉景灣賺咗成百萬, 而家紅磡個竇都係短期租約。加埋演唱會酬勞,香港又多個人提早退休。


80年代產物〈情未了〉唱到依家仲唱緊,所以黃凱芹特別請咗周慧敏做嘉賓。不過一個係老竇一個係人妻,這份情feel唔到。


一向賣唱功嘅黃凱芹喺台上狂咀dancer,其實冇咁嘅必要。


講真,黃凱芹呢本書內容啱晒佢fans睇,可惜封面趕客。


黃凱芹童年時同父親關係好好,所以佢今次特登作咗首《我的爸爸》紀 念因癌病逝嘅父親。


黃凱芹94年移居加拿大,書中有唔少佢喺當地生活嘅相。佢唔算麻甩,所以着圍裙都可以接受。

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(1) 人氣()