阿旦爆 Winkie喺練習時出陰招,似有意預早打傷對手,增加自己贏面。

真面目

爆陰毒 賽前擊暈阿旦 鄧洢玲 爆 黎美言 Winkie 打 MMA 出賤招

Ads by Google

免費電視 ViuTV下星期開台,重頭節目《 G1格鬥會》請來 8個女藝人、模特兒同歌手真人對戰 MMA,節目未播出街就爆是非, Winkie(黎美言)被指為求上位,拳拳攞命成為犯眾僧。
其中阿旦(鄧洢玲)更爆料,指 Winkie喺賽前練習已立心不良,趁阿旦未戴齊裝備就喪打其頭部,令其暈倒幾乎不支倒地,阿旦話嗰刻:「真係有諗過會死!」

阿旦(鄧洢玲)去年 9月接受 ViuTV節目《 G1格鬥會》邀請參賽,係最遲一個答覆,只有 1個月時間練習,做開娛樂節目主持嘅佢,都認識大部份參賽者,當中跟 Winkie都會攬頭攬頸。

重拳中下巴

但阿旦爆有一日練習, Winkie帶咗 4個「朋友」嚟參觀,阿旦一如以往未有戴上牙膠就跟 Winkie練習試位,點知 Winkie突然發狂,阿旦憶述:「一嚟就好大力同埋好狠咁打,其中一下更中咗下巴,嗰下直接上到頭頂,我已即時暈到挨咗埋網,但係佢冇停,繼續打繼續打,我唔知點算就喊咗出嚟!」阿旦形容當時腦海一片空白,叫 Winkie停手,對方都唔理,好彩教練終於發現至埋嚟叫停,阿旦稱嗰刻有諗過會死:「我都未真正上場,以為未俾公司拍到我嘅努力就死咗,咁我咪好無辜囉!」
Winkie打完阿旦仍未罷休,跟其他女藝人練習時依然係喪打,阿旦指其實其他女參加者不滿 Winkie都係由嗰日開始,而因當日龍小菌並無嚟練習,至會繼續同 Winkie老友。




每次比賽都打到手瘀腳傷,更試過被 Winkie打到暈低。


一向練開泰拳的阿旦,打過 MMA才發覺係另一回事,要學識閃避同鎖技。


參賽者都係女藝人, Winkie(右)喺比賽中就狂打對手塊面,結果梗係被圍攻啦!

阿旦指 Winkie直至今日都冇一聲 sorry或解釋,後來更發現,當日 winkie嘅「朋友」原來係 MMA教練,嚟視察其他女藝人弱點。阿旦話:「我教練講,如果俾人 lockout(不省人事)過,兩個禮拜內再俾人擊中同一部位,會好容易再 lockout,所以佢喺比賽前喪打我哋,正式比賽時佢會易贏啲!」
因為保密協議,阿旦唔可以透露賽果,但阿旦指比賽期間因為爸爸重病要做 3次手術,打完其中一場比賽之後更要趕去醫院,爸爸第二日過身,阿旦傷心及要陪媽媽,又唔想週身瘀傷再刺激媽媽,故退出比賽。




阿旦稱所有參賽者都簽咗保密協議,但好勝 Winkie喺宣傳期之前已獨自接受傳媒訪問,爆咗好多節目內容。


龍小菌係少數未有同 Winkie反面嘅參賽者,阿旦指因事發當日小菌並唔在場,或者未知真相。


下星期開台嘅 ViuTV除咗有靚女格鬥睇,最期待嘅應該係《跟住矛盾去旅行》。 女打手 Hazel:未拍前已經積怨

《 G1格鬥會》參賽者唐紫睿( Hazel)同劉燕妮( Rika)早前已爆 Winkie心狠手辣,拳拳打面幾乎毀容,日前 Hazel接受本刊訪問,指節目未拍攝前已經積怨。 Hazel稱:「本身大家都唔識,一埋牙就打交,你話會唔會產生恨意呢?一定係有,其實啲是是非非,出自我把口嘅 100%係真實,我都唔怕講出嚟!遲啲你哋睇節目都會知道,每個女仔都有自己諗法;真係打出火!」
佢又話打 MMA真係會死:「好多鎖技係專攻關節,可以啪斷手腳,鎖頸可以令人窒息死,踢到下顎、氣門、肋骨位都會有生命危險。我後尾有啲抑鬱,每日沖涼都忍唔住喊。」




唐紫睿話自己同 Winkie嘅是是非非全部屬實,絕非為宣傳。


Winkie使陰招,令唐紫睿、劉燕妮、鄧洢玲同鄧穎芝群起杯葛。

採訪、撰文、攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()