全知言

MISS MO返嚟喇 最愛 Do姐乜乜乜

Ads by Google

由《大時代》開始,大台最多人談論嘅時段梗係深夜啦!最近翻播《男親女愛》呢套經典處境劇,唔少網友都寧願瞓少啲追睇,當年 Do姐同子華世紀一吻,創下45點最高收視。
15年後子華變男神,而 Do姐亦攞過影后同視后,到𠵱家都冇變耆英食老本,大騷係必然正選司儀,主持嘅電台節目《口水多過浪花》亦高收。 58歲 Do姐呢把刀依然鋒利,似乎仲未有生銹呢一日喎!

張智霖

《親情》經典
我最鍾意 Do姐嘅當然係《表姐》系列啦,因為 80年代陪伴住我哋成長,令我哋對電影更加多熱情。對 Do姐最深刻嗰場戲,應該係《親情》,佢同發哥㗎,佢哋喺球場度狂吻,鍚咗成 30秒至 1分鐘,唔好話當時,就算𠵱家都唔係咁多囉,呢個係好經典。







《親情》 魯芬

肯教新人
我有睇《男親女愛》,見到佢同子華鬥窒,我就知好好玩,好多金句撞出嚟。我啱啱入行時,同佢拍《女子監獄》,佢好肯教新人,佢教我哋點睇攝影機位,應該點行位,好記得同佢浴室嗰場戲,好易就令我入到戲。







《女子監獄》 連詩雅

有娛樂性
以前都有睇過嘅,我最記得佢同子華咀嗰一幕,喺好尾先有呢一幕嘅,我記得當時大家都好期待嘅!我非常欣賞 DoDo姐嘅口才,知識啦,覺得佢做節目係非常有娛樂性。







《港姐 2015》 蘇永康

世紀 Kiss
梗係有睇《男親女愛》啦, Miss Mo嘅角色係好啱 Do姐做,呢套劇選角係一流。最有印象係衝破45點嗰下世紀 kiss啦,因為我老友張衞健當年有套《小寶與康熙》去到43點,諗住攞到 TVB最高收視,實食啦,點知……哈哈…… Do姐係一個全方位嘅藝人嚟,拍戲唔使質疑啦,同發哥拍電視劇已被肯定,拍電影又有鄭九組稱號,跟住司儀界甚至廣播界,佢喺每一瓣都咁專業同出色。







《男親女愛》 趙學而

口才好
欣賞 Do姐嘅地方就一定係口才,轉數快,我最愛佢同發哥主演嘅《我愛扭紋柴》,造型突出啦,台詞又好笑啦,角色係好典型香港打拼嘅女仔,佢做得好強捍同好委屈。







《我愛扭紋柴》 街坊: Do姐唔 Out喎!


《口水多過浪花》

58歲 Do姐的專業程度,一眾明星都大讚,後生仔未必個個有睇過《男親女愛》,但就有睇過佢做大騷同電台節目,年輕人仲讚 Do姐口才好,最緊要係覺得佢唔 out。



Emma 21歲
平時睇節目覺得佢口齒,搞笑幾好,我諗同佢相處應該幾開心。見佢做司儀有拍住啲後生都冇代溝,兼有大家姐風範。



Bruce 23歲
我細個睇過, Download睇過,𠵱家又夜晚睇囉,仲好記得佢同子華 kiss一幕,亦知 Do姐商台有節目。



鍾小姐  22歲
我冇睇《男親女愛》,但有聽佢節目《口水多過浪花》,我覺得佢同少爺占、 Donald合作好得意,我覺得佢口齒伶俐,唔會覺得佢 out喎。

即時報料 facepop
熱線: 9222 0828
電郵: mailto:facenews@nextmedia.com
facebook: Face Magazine inbox
line、 we chat id: facemagazine

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()