車泳希  22歲浸大電影學院高級文憑導演系 Yr.2雖然好有興趣做導演,但因為人靚又對慣鏡頭,所以好多同學都會找泳希上鏡拍片交功課。

U花 U草 

車泳希 靠樣唔長久 浸大電影模:好快俾人睇厭!

Ads by Google

黃曉明同 Angelababy拍咗 6年拖終於喺上週四( 8日)結婚,想當年 Angelababy由一個平平無奇嘅網絡素人,到𠵱家變成為中港台爆紅嘅影視明星,再嫁埋高富帥做幸福人妻,都係趁早搵張飯票穩陣!




泳希最愛大笨象同遊樂場,咁有童真,唔做幼稚園老師嘥晒!

現讀浸大電影學院高級文憑導演系 Yr.2嘅車泳希就深明呢個事實,所以 2年前做兼職模特兒時已經覺得「做唔長」,「做模特兒好快會俾人睇厭,除非轉型做演員或者其他相關嘅嘢,如果唔係幾年就被淘汰!所以我兩年前做模特兒時,就下定決心讀導演為自己將來鋪路。」

不過咁多科唔揀偏偏揀導演?泳希就笑住話:「咁我俾人揀得多,都想試吓親自挑選演員拍嘢!同埋最主要我自己本身好鍾意拍片,我 ig有好多 po都係短片嚟,其實 15秒嘅短片已經可以玩到好多效果,更何況係一條幾分鐘嘅短片,甚至係一部電影,好想擁有自己執導嘅作品!」




李拾壹係泳希最愛嘅歌手,欣賞佢有才華,拾壹更主動邀請過泳希拍 MV〈小李〉,而且泳希逢騷必撐,絕對係忠實小粉絲!


泳希都有湊熱鬧玩「 17」,平時又鍾意拍低美食同旅遊片,令佢更想擁有自己執導嘅第一部作品。

撰文:彭家駿
攝影:范仲良
形象及化妝: Maggie@Bridal Corner

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()