唐詩詠有樣有身材兼有演技,表現比起陳凱琳絕對唔輸蝕,不過公司大細超,離巢可能都係遲早問題。

真面目

冇碇企 捧晒港姐幫 做到心淡 唐詩詠:我哋好被動

Ads by Google

大台小生花旦輪住走,講到尾都係同硬谷港姐幫上位有關,搞到一班默默耕耘多年嘅藝人心淡走人囉!最近連維基百科都顯示唐詩詠同大台完咗約,仲轉投蕭定一旗下喎!堅定流?
《 FACE》問過唐詩詠,雖然佢即時否認,不過就話中有話:「 TVB每年都會捧一啲人……我哋好被動嘅!」明嘅!話晒唐詩詠入行 12年,演技唔錯又好形象,不過就似足陳國邦,至今仍未試過做女一滋味,就算今次真係離巢都好易理解啦!

大台除咗製作出名是是但但外,對旗下藝人亦明顯大細超,就連貢獻咗 15年青春嘅陳國邦都宣布離巢唔再續約,一句講晒,背後死因咪又係同公司硬捧一班新人上位有關!




因為被公司投閒置散,所以唐詩詠最近勁得閒,早前就孖住 Coffee出席 Wilson婚禮。


唐詩詠有份演出台慶劇《梟雄》,戲份唔多,角色亦唔搶眼,幾乎同大茄一樣!


事業發展不順,不過唐詩詠反而有愛情之神眷顧,同洪永城愛得火熱,兩人仲好 sweet!


維基百科顯示唐詩詠已經完約兼簽咗蕭定一旗下公司,雖然證實流料一單,不過唐詩詠明顯心都淡埋。


對於傳聞,蕭定一話:「咁搞笑?從來都冇傾過!」係咪真㗎? 蕭定一︰從來冇傾過

大台藝人紛紛離巢,就連親生仔女林峯、胡杏兒一樣冇面畀,出面大把公司爭住用,諗都諗到,大台喺藝人心目中,地位有幾咁「重要」!近日,《 FACE》發現維基百科顯示唐詩詠原來已經同大台完咗約,仲話佢已經泊到蕭定一呢個好碼頭添!
《 FACE》致電唐詩詠,佢即時澄清:「佢錯咗喇!我仲有好長約!(新人如陳凱琳上位快,會否意興闌珊?)我相信 TVB每年都會力捧一啲人,我都做咗一段時間,知道呢一樣嘢,對我係冇任何影響。我覺得自己心態一直都好好,亦都知道自己鍾意演戲,所以呢啲娛樂嘅嘢影響唔到我!(會不甘心?)其實我哋都係好被動嘅!最緊要做好自己,要時刻提醒自己!」蕭定一睇完維基百科,回覆就話:「咁搞笑?從來冇傾過!(有意簽?)公司暫時都唔會簽女藝人喇。」




10年,唐詩詠憑住《鐵馬尋橋》阿雁一角奪得「飛躍進步女藝員獎」,演技受到肯定,不過事業依然無起色,始終與主角無緣。


曾經得寵唐詩詠 13年喺劇集《神探高倫布》中,一人分飾兩角飾演精神病患者,算係最得寵期!


淪為配角唐詩詠於《四個女仔三個 BAR》中,拍住新人陳凱琳、陳瀅、何雁詩同劉佩玥,慘淪為配角。


唐詩詠演技人人激讚,仲試過得到古天樂親自欽點擔正電影《逃出生天 3D》女主角。 網上圖片


網上圖片


劇中淪為配角不特只,唐詩詠仲同鄭子誠上演一場激咀戲份,真係睇到網民火遮眼㗎! 網上圖片 犧牲品

大台爆發藝人逃亡潮,明眼人一睇就知咩事!仆身仆命為公司付出咁多年,點知到頭嚟都係難逃投閒置散厄運,心淡離場是常識吧!至於現時都仲有唔少藝人經歷咁嘅遭遇㗎!




中新社圖片

陳敏之
「索腿天后」陳敏之加入大台 14年,雖然拍落嘅劇集《性在有情》擔正女主角,不過呢套已變倉底貨,出唔出到街都係問題。



黃智雯
三人之中,黃智雯加入大台時間最淺,不過演技亦唔睇得少,但公司硬谷港姐接班,黃智雯喺劇集《張保仔》仲變大茄,相反陳凱琳最搶眼!




網上圖片

姚子羚
02年加入大台嘅姚子羚,雖然劇接劇,不過都係閒角,近年大台更開始將佢投閒置散。

採訪、撰文:娛樂組
攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()