face.jpg


方東昇 06年與任職中學教師的吳先玲結婚,郎才女貌。網上圖片

封面

阿媽係才女  26歲初戀 方東昇:老婆 吳先玲 靚得好舒服

Ads by Google

大台節目近年甚少佳作,無論劇集定綜藝節目都係負評居多,即使早前出動四個小生、愛將洪永城拍旅遊節目,都係雷聲大雨點小。
明星效應唔掂,估唔到由新聞部方東昇孭飛的《世界零距離 II》竟然爆出!外表正經的昇爺,在節目中大玩食字 gag,手法輕鬆幽默,採訪專業角度獨特,成功訪問各國政要,為求真問埋李嘉誠,比起大台一班淨係識尖叫的所謂主持明顯高好多班。
口才好有料到又係中大才子,但 39歲昇爺一直守身如玉, 26歲先同現任老婆初戀, 06年結婚時自爆當年對老婆一見鍾情,追女追到去教會,更當眾激讚:「老婆靚得好舒服!」搵到好歸宿的除了隻開曼海龜,原來仲有方太呀!

呢期紅過大台所有小生的方東昇,主持《世界零距離 II》有強烈個人風格,內容豐富唔會得啖笑,上週平均收視 21點、最高 25點,節目更被網友甚至高登巴打高度追捧。

返教會追老婆

寫稿揸咪冇難度,其實花名東昇班的昇爺追女仔都有一手。方東昇 06年與拍拖 4年的女友、主播吳先瑩細妹吳先玲結婚,雖然當時因酒席問題搞到要上法庭,但最後兩人亦順利擺了三十多圍酒,大學同學兼同事方健儀都有出席。
中大英文系畢業的方太,與 99年新聞及傳播系一級榮譽畢業的昇爺同是中大校友,兩人 02年在吳先瑩婚禮上初次見面,當時昇爺做主持,方太做伴娘。昇爺自爆對老婆一見鍾情,為了追女仔,昇爺竟然參加對方的教會聚會,後來更成為基督徒,似足許志安同 Sammi。昇爺仲讚曾是乒乓球港隊的太太性格善良,而且靚得好舒服,即係有樣又有內涵啦!




方東昇連結婚相都揸住個咪,睇嚟佢真係好愛呢份工!網上圖片


方東昇喺《世界零距離Ⅱ》中,搞笑得嚟唔作狀有深度,一面倒獲網民正評。電視畫面


方東昇雖然拒絕受訪,但態度非常有禮,讚! 阿媽聯名買樓

對老婆一條心,國內出生、小學來港讀書的昇爺仲係孝順仔一名。做主播收入穩定,昇爺 00年與母親陳佩瑛聯名買樓,以 268萬買入青衣海欣花園一個單位,婚後仍與母親一齊住。
而小學才由內地移居香港的方東昇,英文不佳,以兩年時間苦讀,竟在四、五、六年級考獲全級第一,由細叻到大。
昇爺經常要周圍飛採訪,幸好婆媳之間冇乜拗撬,反而相處非常融洽。洋名 Selina的方媽媽都係才女,同囝囝一樣文筆極好,曾在公開徵文比賽贏得冠軍。方媽媽在該篇名為「方老太寫給方太的信」中透露,兩婆媳有共同興趣,鍾意一齊捉棋打乒乓波,亦有共同敵人——方東昇。方媽媽話昇爺掛住做唔肯休息,兩婆媳就會夾計迫佢唞,好有默契!




當年娶老婆,方東昇感動到喊咗兩次,反而老婆冇喊。網上圖片


方東昇人緣極佳, 10年方健儀結婚,都有邀請昇爺出席。網上圖片


方東昇 00年買入青衣海欣花園單位,冇老婆名,但有阿媽份。《蘋果日報》圖片


方東昇(紅圈)作風低調,極少私人相曝光。網上圖片 自認病態記者

98年加入大台新聞部任職實習記者、效力了 17年的方東昇 39歲娃娃臉,佢唔只識揸咪咁簡單。被喻為「中大才子」,昇爺讀男拔時已與前大台主播呂秉權、商業一台前台長黃永係辯論隊成員;讀中大時,昇爺在學院刊物《大學線》做實習記者,出晒名夠搏。
當年《蘋果日報》剛出版,大學教授提議專訪黎智英,曾經形容自己係「病態記者」的昇爺,第一時間舉手做,仲去對方公司樓下等,一見黎智英出車即衝上去拍窗,最後成功約到訪問!昇爺仲話當年忙到大部分家庭聚會都去唔到,連親戚都以為佢移咗民。
肯搏肯做又食腦,強烈建議大台開多幾個節目俾昇爺做!




92年讀緊男拔時期嘅昇爺(左三),同學有呂秉權(左一)同黃永(左二)。《壹週刊》圖片


內地出生的昇爺中三考全級第一時,啲字已經靚到不得了!


07年訪問舞蹈員時,昇爺好配合擺晒 pose。 網上圖片


10年 捱足 17年出頭方東昇獲大台頒發「傑出員工獎」。 《蘋果日報》圖片


12年方健儀離職,相識 16年的方東昇送上一個「方」字,入面更有 13張字條,係昇爺多年來對方健儀嘅觀感,極有心思! 網上圖片


好在有昇爺


電視畫面

勁玩食字
方東昇自己度稿兼做主持,當中唔少食字 gag同押韻對白,好 funny!




電視畫面

帶挈師妹
雖然搶晒鏡,但昇爺仍帶挈兩位中大師妹陳沛珈(右)、黃曉瑩(左)被關注。




電視畫面

正經訪問
除咗搞 gag,其實都有正經一面,例如出發開曼前,會打俾李嘉誠問海外註冊公司情況。




電視畫面

首輯冇 noise
去年第一輯《世界零距離》,同樣由昇爺主持,但當時冇乜 noise。

昇爺事件簿


電視畫面

08年 京奧執波
方東昇自薦去北京做奧運,自度好多有趣花邊新聞,其中執波呢幕令觀眾印象非常深刻。




電視畫面

09年 事旦男
方東昇去維園報導六四集會時,被身後「事旦男」舉牌搶鏡。




電視畫面

10年 直擊人質事件
昇爺去馬尼拉採訪人質事件,疑似爆粗「×你老母」,但有網友質疑爆粗男把聲太粗獷,唔似溫柔東昇。

點睇昇爺?


網上截圖

方東昇入行 17年,同唔少主播合作過,就連商台前台長兼中學同學黃永,都對昇爺有讚冇彈!

前同事黃婉曼 佢係真風趣

「東昇私底下的確係一個風趣嘅人,而且係真風趣,好幽默,同埋佢做每一單新聞都好用力。佢個背囊入面有好多資料,出晒名認真同勤力!平時相處都知佢對老婆好好,因為佢好細心好 gentleman。」

老死柳俊江 佢呢個 style好耐


《蘋果日報》圖片

「係人都知佢係才子,不過唔會無端端搞 gag,份人好沉實,不過度稿時好細心,會諗方法令件事有趣啲、俾觀眾睇得開心啲!佢呢個 style其實好耐喇,之前神州穿梭機,佢着件太空衫做直播已經行緊呢條路線,可能呢幾年電視台沉寂少少,有個突出啲嘅節目,大家先留意到!大家都好欣賞佢有才華有內涵,同埋佢份人好低調,好少帶老婆出嚟食飯,連結婚都好低調!」

師妹黃紫盈 叫我做「大姐」


《蘋果日報》圖片

「東昇係我中大師兄,好 nice,有諗頭又有學識,做事認真,搵資料好快,所以寫故仔會好快手又有個人風格!佢平時都好幽默,例如我哋 WhatsApp時,佢會叫我做『大姐』,但明明我細佢好多;同埋佢好肯教後輩,有次我要報體育新聞,而我又唔熟啲球隊同術語,東昇就會暗啞底整份 note放我櫃桶,教我點樣記會最快!」

拔萃同學黃永 中學戴金絲眼鏡


《蘋果日報》圖片

「我第一輯已經睇啦!佢(方東昇)一向係冷面笑匠,講完啲 gag我哋要兩秒先識笑!有深度㗎!佢𠵱家都似似哋以前嗰陣,唔係笑住搞 gag,係一臉認真地講。中學時佢再文質彬彬啲,戴金絲眼鏡,喺辯論隊做第一副辯,係我哋當中比較有感情嗰個,係溫柔型!」

採訪、撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()