徐師傅(中)經驗豐富,教導學員正確的姿勢,功架十足,「拍戲同真實唔同,要學識借位同做反應,好似中劍、中槍、中拳等。」

職場起底組

上 course 學做動作特技演員

Ads by Google

電影中的打鬥、跳樓、飛車及爆炸等迫真動作場面,容易令觀眾投入,這全賴一班動作特技演員的專業演出。除了有龍虎舞獅等武術底子外,想成為專業特技演員,亦可報讀專屬課程,課堂上會教授拍攝動作場面的角度與鏡頭走向,學懂力度的收放及角度的拿捏,才能拍出各種迫真的動作特技視覺效果。

課程由擔任武術指導工作超過 45年的資深導師徐忠信(大師兄)任教,他曾任擔任《怒海威龍》、《緝毒先鋒》及《龍虎英雄》等經典電影的武術指導。「課程會先教學員拍電影嘅基本常識,例如機位、鏡頭角度及企位等;另外就係動作練習,拍戲唔係真打,要學識點樣借位打人先唔會受傷,仲要學咩擺位會先有最好效果等。當做下靶位時,要學識保護自己,好似被踢跌就要用軟 pad墊喺肚;做踢同滾嘅動作,就用硬 pad護腳等,安全好緊要。」

按學員長處分組

徐師傅會就學員的長處分為拳腳組、輕身組及兵器組,「筋骨鬆及身手好嘅學員入拳腳組,以打鬥動作訓練為主;輕身組需要好嘅彈跳力及敏捷嘅動作,會配合其他障礙物訓練,日後適合做高空動作;兵器組嘅學員,武術底子較好,會畀佢哋用兵器練習,主要分為刀、槍、劍、棍 4種。」此外,課堂設有吊威也、槍火及爆破等特技訓練,課程後段更設有模擬拍攝練習。
完成初階課程後,可以修讀進階課程,「修畢課程後,表現突出嘅同學,有機會加入成家班;導師亦會推薦成績好嘅同學入電視台,認識武術及動作指導等相關工作。」武術指導的薪金約為$8,000一組戲( 8至 9小時);動作特技演員因涉及演出工作,故薪酬另議,一般日薪由$1,850(工作 9小時)。




徐忠信(大師兄) 導師

學員以男士為主,女仔大約佔四分一,年齡為 18至 30歲。我哋會收有武術、體操、舞蹈底子嘅學員。大部分學員都係想入行,入行後,有啲會揀做飛車特技員或者其他相關職位。




華 Dee 學員

我一向有玩詠春,都幾好動又鍾意演戲,有次喺報紙見到有動作特技課程就報名試吓。課程入面接觸到刀劍,覺得好有趣,之後睇戲都有留意唔同嘅拍攝角度及製作。課程畢業後,我參與過電視劇《拆局專家》及電影《寒戰 2》嘅製作。

課程:香港動作特技演員專業課程
機構:香港動作特技演員公會
日期: 2015年 11月 1日至 2016年 1月 23日
費用:$14,400(包括保險、專車來往港鐵站及訓練器材費用)
時間:星期二、四、六及日, 7pm至 10pm。
對象: 18至 30歲,健康良好,懂得任何門派武術、舞台北派翻騰、體操、舞蹈底子或身手靈活,需接受面試。
內容:教授基本南北武術、電影動作技巧及威也應用技術等。
查詢: 2754 2880/ http://www.hkstuntman.com 

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。

撰文:霍芷晴
攝影:傅新發

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()