42歲再傳喜訊,鬆身衫裙加平底鞋嘅童愛玲,行到攰要用手托住條腰。

同你吟一吟

42歲有餡 童愛玲凍飲冇有怕

Ads by Google

有理冇理,生到 44!同台灣富商王敦民結婚十二年,有個十一歲仔嘅息影女星童愛玲,最近傳出喜訊,再造人成功。

42歲童愛玲有咗,要經常飛來飛去嘅王敦民,都盡量爭取時間,留喺香港陪老婆。之前《壹》仔就見佢兩公婆拍拖去數碼港睇傢俬、買玩具,之後再睇戲,入場前,爆谷送汽水;童愛玲唔怕做高齡產婦,連孕婦大忌嘅凍飲都照落肚,堅!
鬆身裙平底鞋打扮,個肚雖然未大到「隊」出嚟,但見童愛玲行得咁上下,都要用手撐住條腰;發現自己俾鏡頭影住,又下意識繑手遮肚。
至於都係台灣幫嘅王馨平,就唔同玩法,嫁咗俾做金融嘅 Stephen Lee十四年,依然二人世界。早個禮拜,同老公喺屋企附近兜圈,入超市書店睇吓,經過餐廳門口又揭吓啲 menu,最終都係幫襯茶記,買外賣返上樓食。
王馨平唔生 B,仲係無飯主婦。




終於 hea到夠鐘入場,大桶爆谷加汽水,童愛玲冇有怕,凍嘢照飲。


家品店做緊清貨減價,童愛玲乜都摸吓。





行完家品店再行玩具店,兩公婆睇嘅玩具,一定唔係買俾個仔而係肚入面嗰個。係咪心急咗啲呀?


王馨平同老公落街醫肚,騰來騰去睇極都揀唔啱心水,去茶餐廳買外賣返屋企免煩。

撰文:八珍
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()