約埋做 gym,小環同大佬孝友誼突飛猛進。

娛樂偵訊

又做大佬 邵仲衡操 Fit譚小環

Ads by Google

人妻譚小環早前與大佬孝邵仲衡合作拍港台劇,竟然一拍即合,近日更經常孖住對方做 gym。上週五(十月二日),二人前後腳上健身室跟私人教練健身,其間大佬孝不時走埋小環身邊做埋助教,又遞水俾佢飲,相當殷勤。

一拍即合

冇埋位做戲五年的譚小環,今年七月接了港台劇《獅子山下 2015》其中一個單元,與劇中做老公的大佬孝邵仲衡合作,兩個唔同年代的前無綫人,一劇投緣。
「雖然只係拍咗三日戲,但全部都係佢兩個嘅對手戲,由朝對到晚,就算唔使埋位,都坐埋傾偈,話題講極唔完。」小環友人說。
一拍即合,人妻同大佬孝三日就成為密友,就算一杯酒兩份飲,都毫無芥蒂。「大佬孝好健談,佢喺美國讀政治,又做咗生意廿年,人生經歷好豐富,話題又多,小環都話最欣賞係佢見識廣,同對方傾偈學到好多嘢。」




8月初,本刊便曾拍得大佬孝在小環的魚蛋檔出現。


復出幕前的邵仲衡與李麗珍相隔 23年再合作。 拉完筋叫攰

在大佬孝的影響下,近日小環經常孖住對方一同去做 gym。上週五(十月二日),二人前後相差五分鐘去到趙勁皓的 King's Fitness。
「小環本身唔鍾意做 gym,佢比較鍾意做啲有互動嘅運動,好似打羽毛球,佢肯做 gym都係受大佬孝感染。」
因為是新手,小環做每個動作,都有教練在旁指導,做完連串拉筋動作後,她已大嗌好攰,大佬孝即時遞水,十分體貼。




新手的小環望住大佬孝舉啞鈴,睇得好入神。


細心攞水俾小環飲的大佬孝,幾十歲人仲伸脷扮得意。


小環話兩個人一齊做 gym,冇咁悶開心好多。 炒車撻落地

至於邵仲衡,操完手臂又練腳,對不同的健身器械都瞭如指掌,又不時走埋小環身邊做指導,玩了差不多兩個鐘,二人換衫離開,再到隔籬的 coffee shop繼續傾,一傾又兩粒鐘。
記者致電小環問回應,她說:「佢(邵仲衡)真係叫咗我好多次!成日話我太瘦,想我練大隻啲!我本來真係無興趣,但兩個星期前玩漂移車,我一時失平衡炒咗,成個撻落地,當時好驚,兩分鐘都唔敢郁,我最驚係斷骨,好彩無事,只係右邊手臂、手掌同 pat pat瘀晒!所以我先的起心肝,去練番啲肌肉!」




見小環動作有錯,大佬孝又走埋去講解一番,超級緊張!


玩健身器械要注意姿勢和呼吸,教練在旁睇實,以免小環做法有誤受傷。


傾到傍晚,兩人才離開咖啡室,大佬孝更細心幫小環推門。


早前玩漂移車失重心撻親,小環搞到周身瘀。 防老有術


《大時代》

同譚小環啱 key,連人哋老公都 friend埋的 51歲邵仲衡, 87年參加《超級新星大賽》入行,當年被無綫捧為「銀河十星」,曾經拍過不少經典劇集,如《大地飛鷹》、《大時代》、《水滸英雄傳》等,其時,邵仲衡已邊做藝人邊兼顧裝修公司生意。 95年同李添勝鬧不快後離開無綫,轉投亞視,之後便正式淡出娛樂圈從商。除了做越野車生意,亦曾在東莞成立 IS Sports Marketing公司,以仲介角色在內地搞方程式賽事,近年更將全盤生意轉手套現。
早前大台重播《大時代》,當年的「大佬孝」被網民讚有型靚仔,令他人氣反彈,再復出幕前,接拍葉念琛新戲《紀念日》,同李麗珍做情侶,又和譚小環合作拍港台劇,明年一月將演出舞台劇《火鳳燎原外傳》。已與 now簽了部頭約的他,加埋廣告、登台,做到冇停手,幾乎紅過以前。
天生防腐的邵仲衡,亦唔敢放肆,勤健身 keep住 body。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()