有咗都要扮靚啲,黃伊汶勢做潮媽。

娛樂偵訊

年底開品牌旗艦店 有咗黃伊汶無得停

Ads by Google

同小龍陳國坤結婚一年,黃伊汶終於有咗!無諗住咁快生 B的她,工作大計多多,引入的法國品牌手錶生意再擴大,今年底要在深圳開二千呎旗艦店,除了手錶,還賣埋時裝手袋。粗身大細,但黃伊汶照常返深圳監察裝修,無得停手。

有咗都唔知

去年十月在峇里島舉行婚禮後,黃伊汶同老公忙到十二月才有空檔補擺喜酒,歐洲蜜月甚至延至今年六月才成行。
今年八月,黃伊汶被拍到肚凸凸,當時黃伊汶否認,還講明有咗唔會隱瞞。殊不知原來當時她並未知道,自己已意外懷孕。
「可能個人開心,食嘢容易吸收, Emme婚後都肥咗十磅,搞到啲朋友成日叫佢減肥。今年小龍四十歲生日,大家去咗蘇梅島玩, Emme有游水又玩水上活動,完全冇特別避忌,直到八月尾,準備飛去米蘭睇錶展,佢先知自己原來有咗!」黃伊汶身邊人說。
小龍在內地無停過,拍完電影《葉問 3》,隨即為新劇埋位,密做養得起老婆有餘;老公搵到,但黃伊汶手錶生意亦愈做愈大,並準備年底在深圳開品牌旗艦店。
「今年初 Emme已經籌備喺內地開旗艦店,佢仲入埋股,做咗 Galtiscopio法國總公司合夥人,嚟緊會將品牌時裝、手袋、飾物一併引入亞洲區,上個月佢去咗法國做展覽,要飛嚟飛去,又要睇住深圳間鋪裝修,好多嘢要準備。」




本週一,黃伊汶返公司,等𨋢期間不時以手袋遮肚。


八月初,黃伊汶同老公到又一城行街,已著住鬆身裙。


雖然有咗三個月,著住高踭鞋的黃伊汶行得相當快。 三個月未見肚

新婚一年,造人成功,過多幾個月,二人便要面對新一階段。
「原本 Emme諗住忙完開新鋪之後,同老公過吓二人世界先再生 BB,雖然意外有咗,但兩公婆都好開心,覺得係上天賜俾佢哋嘅禮物。小龍好緊張,但 Emme係工作狂,勸佢都未必肯聽。」黃伊汶身邊人說。
本週一(十月五日),黃伊汶如常坐七人車返回觀塘寫字樓,有咗三個月的她,白色長裙兩邊見腰,腳踩三吋踭大步行入大廈;等𨋢期間,又下意識用袋遮在肚前。
未見肚,但已現孕味。




九月初, Emme到法國做展覽,順道去意大利玩了幾天。


去年十月在峇里島結婚後,兩公婆便各有各忙。 生意經


黃伊汶與媽咪感情好,更獲傳授營商心得。

現年 34歲的黃伊汶( Emme),媽咪長袖善舞,酒吧婚紗店美容院瓣數多多,受影響下, Emme近幾年轉型從商,講生意經,成績理想。

水晶手錶

09年, Emme專程飛去法國及意大利取經,並引入法國水晶腕錶品牌 Galtiscopio(迦提),初時限於在 I.T、 Sogo、連卡佛等設專櫃擺賣,去年開始開設專門店,業務銷售點擴展到四十多個,又進駐內地市場,更計劃推出皮具、銀包和飾品,將公司多元化。

開 playgroup

除了做品牌代理,今年四月 Emme被指與在教育界甚有經驗的朋友合資開 playgroup,只算是小股東的她,投資亦要七位數,即將為人母的 Emme,果然深得其母真傳,有遠見。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()