娛樂偵訊

唔想變凍肉 孱仔洪卓立操做肌男

Ads by Google

洪卓立○九年爆肺要休息一年,之後因為食極唔肥,試過為增磅食增肥藥,點知多出的肉全部集中上面,變成包包面。英皇於是下旨要洪卓立操好個 body,如果繼續肥腫難分,會直入雪櫃;唔想變凍肉,洪卓立只好狂操,望自己由孱仔變肌男。

爆肺窒住

入行兩年後,洪卓立○九年因爆肺引致肺積水,被迫停工一年,事業亦因此停滯不前。
「 Ken(洪卓立)係○七年唯一一個男新人,可以拎晒四個頒獎禮嘅新人獎,多 hit歌又多 fans,同期男歌手周柏豪、陳柏宇同小肥都唔夠佢撼。出道頭兩年有啲威勢,點知後來突然爆肺,搞到肺積水,當時佢個肺穿咗三個窿,其中一個硬係埋得唔好,結果休息一年!復出後情況唔同晒,周柏豪上緊位,跟住又有許廷鏗、鄭俊弘, Ken嘅身體狀況同形勢都唔夠砌。」知情者說。




從敷 mask相看來, Ken的包包面已開始變尖。


孱仔 Ken想操做大隻仔,最近跟教練 Donovan操肌,漸有成績。 復修火柴

復出後,洪卓立工作量不多,歌曲亦不似從前受歡迎,想復修火柴身形,可惜又食極唔肥。
「食幾多 Ken都唔吸收,睇落仲孱過啲女仔,佢唔想俾人笑,學人食增肥藥,點知個身肥唔到,淨係搞到塊面脹晒,搞到唔知肥定腫,公司高層見到佢咁,即刻要 Ken減走包包面同操番大隻啲,如果操唔到,就會擺埋佢一二邊。」




Ken復出後事業發展不順利,幸好女友湯怡在旁支持,二人亦視對方為結婚對象。


英皇電影於 09年安排 Ken與詩雅合拍愛情片《很想和你在一起》,原本想力捧 Ken而拍,可惜他卻爆肺,配合不到宣傳。 開始長肉

唔想入雪櫃變凍肉,洪卓立惟有自救,狂操了幾星期,開始見成績。
「 Ken見好多人都搵阿 King(趙勁皓)幫手,所以走咗去佢度做 gym,阿 King仲專登安排好有經驗嘅教練 Donovan跟佢,操咗幾個星期, Ken塊包包面尖番,個身亦開始見到肌肉,成效唔錯。」知情者說。




Ken在個人 ig上載大隻男爆肌相,為自己操肌打打氣。


健身教練 Donovan很有經驗,陳柏宇都是跟他學操肌。 肥唔起

娛樂圈人浮於事,競爭激烈,只要稍有差池,包括最基本的肥瘦問題,都會令藝人錯失再上一層的機會。為了錢途,男好女好,減磅是首要任務。



衞蘭
06年出道頭威頭勢, 09年開始因壓力暴肥,由於一直無法控制體重被網民改花名「胃腩」。老闆黎明更公開笑衞蘭「肥過部電單車」。 14年,黎明以開演唱會激勵她做減肥真人騷,將瘦身過程上載官網接受大眾監察,令衞蘭成功減走十五磅。今年轉投華納唱片,事業重新出發,逼住減肥瘦了半個碼。



鄭融
13年,鄭融肥到失控,被傳媒全面以象腿、豪華臀、麒麟臂來形容。日日都話減肥,亦都真係有跑步,但減極都咁肥。直至今年簽約新公司,減走廿磅,不過,仲係好圓碌碌。



許廷鏗
12年,許廷鏗突然肥到逼爆褲,當時他解釋因要應付考試少了時間做運動,加上壓力大引致水腫,包包面愈來愈嚴重。去年許廷鏗的起心肝減肥,已向包包面說再見。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()