外太空

找慰藉!盤點日本單身男神

Ads by Google

日本長青男神福山雅治宣布結婚,全亞洲女士無論已婚定係未婚,頓時失去人生目標,患上「失去福山症候群」,師奶們話唔煮飯,少女們話唔返工,隨時影響埋社會運作!
天要下雨,男神要娶人,可以點?惟有接受現實,重新振作,快啲搵過第二個罷啦!仔死仔還在,日本其實仲有好多未婚男神俾大家「移情別戀」,今次為大家盤點五位日本藝能界 35歲以上仲未結婚嘅男演員,希望可以填補一下心靈空虛!

竹野內豐

今年 44歲嘅竹野內豐, 90年代起已經迷倒唔少女 fans,當年嘅《悠長假期》、《 Beach Boys》、《冷靜與熱情之間》等等,點都睇過一兩套!佢同福山雅治一樣,多年來甚少傳出緋聞,私生活一直好似謎一樣神秘,甚至有傳過佢係同性戀,不過女 fans一樣係着迷,畢竟 44歲依然咁有魅力,愈來愈成熟、有男人味,而且仲要係單身,日本藝能界真係買少見少。可惜竹野內豐同福山雅治唔同,上年 10月宣布同細佢 17歲嘅女演員倉科加奈拍拖,守咗長齋咁多年,終於肯公開戀情,證明態度認真,相信離婚期不遠矣。有報導指竹野內豐今年暑假已經拜見倉科加奈嘅父母,並且有計劃喺 12月女朋友嘅生日正式結婚,今年年尾可能又一個男神封盤喇!







倉科加奈 佐佐木藏之介

喺結婚同公布戀情嘅熱潮下,被稱為「最後希望」嘅係佐佐木藏之介。今年 47歲,雖然無做主角嘅命,不過喺好多日劇入面做綠葉角色,係公認嘅演技派。佐佐木藏之介雖然已經到咗適婚年齡,不過一直無同女演員傳過緋聞,加上高大有型,喺日本女劇迷心目中一向都係理想老公嘅人選之一。佢多次喺節目上講過享受做單身貴族,不過上年年尾被週刊踢爆,有個細佢 20歲嘅藥劑師女友。莫非男人真係無論幾多歲,都係鍾意廿幾歲嘅女仔?

伊勢谷友介

日本藝能界首屈一指嘅花花公子伊勢谷友介,今年已經 39歲,佢嘅情史比佢嘅作品更加精彩,廣末涼子、常盤貴子、木村佳乃等等,同佢傳得緋聞嘅都係靚女,認真識食。近年行得最埋嘅係大眾女神長澤正美,不過有指正美 BB多次向佢逼婚,伊勢谷友介都無動於衷,且看女神可唔可以綁得住呢隻無腳嘅雀仔喇。







長澤正美 長谷川博己

38歲嘅長谷川博己成名較遲, 2011年先至憑《家政婦三田》而為人所熟悉,最近同渡邊杏合作日劇《約會》,飾演唔擅長拍拖嘅宅男,口碑同收視都唔錯,迷倒唔少女劇迷。長谷川博己幾年前同 47歲嘅鈴木京香合作而擦出愛火花,不過最近因為聚少離多而分手,回復單身。嗱,下個女朋友唔准係廿幾歲嘅女仔呀!







鈴木京香

撰文:關錦雯
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()