探熱針

金剛拉線 苟芸慧台灣搭上吳宗憲

Ads by Google

兩年前開始甲狀腺出問題的苟芸慧,中西醫雙管齊下依然無效,愈來愈脹!太脹冇人吼,索性同公司請假半年,收埋自己一排,近月終於有起色,減去廿磅肉的她早前由同鄉金剛搭路,飛到台灣參加名嘴吳宗憲生日 P,為事業衝刺物色新朋友。

搵定後路

苟芸慧兩年來肥腫難分,由女一降格做路人甲,心灰意冷,同人合作搞點心店學做生意,謀定後路,點知禍不單行,在珠海練賽車發生意外,繼而又跟點心店拍檔莊思敏公開互寸,好嘅唔靈醜嘅靈。
「呢兩年有太多唔開心事,反而令苟姑娘覺得如果佢要繼續喺呢行發展,就要搞好情緒,克服是是非非;所以佢的起心肝去面對,就算之前練習撞到四輪朝天,都堅持繼續去賽車,因為佢退縮,反而一世有陰影。至於點心店,經另外一個股東幫手調解後,大家知道係誤會,而家同莊思敏冇事啦。諗通咗,苟姑娘身體狀況都有改善,減咗成廿磅。」知情者說。




金剛冇到,志在擴闊朋友圈的苟芸慧亦唔介意跟吳宗憲(左一)一班朋友食飯。


苟芸慧神秘賀吳宗憲生日, FB相被公仔遮頭,但緊身晒事業線一眼就認出。


在飲大咗的金剛身邊拍照,苟芸慧都係舉 V字甫士。


台灣娛圈出身的金剛,跟吳宗憲屬師徒關係,二人更自稱是「搞鬼師徒二人組」。


在台灣,苟芸慧跟金剛孖住去吳宗憲生日 P,齊玩自拍。 神秘嘉賓

唔再不停發脹,加上甲狀腺指數近月開始回復正常,苟芸慧重現信心。早前在金剛搭路下,她著住貼身衫晒事業線,以神秘嘉賓身份,現身台灣娛圈大哥吳宗憲生日活動。
「其實苟姑娘係返台灣探親,咁啱金剛喺嗰邊幫吳宗憲搞生日 party,咪叫埋佢去囉!吳宗憲喺台灣同內地都識唔少人,苟姑娘都想試吓打入內地市場,既然狀態好咗咁多,出嚟識多啲人,對佢有幫助。」知情者說。
當晚苟芸慧出席生日飯局外,更跟大隊一齊唱 K至凌晨,去齊兩檔!




早前到珠海賽車,架車撞到散晒,苟芸慧則頸部受輕傷。


雖然事業停滯不前,跟處女黨一班姊妹依然關係友好。


苟芸慧跟莊思敏先後入股點心店而鬧不和,其後又突然 friend番影合照,真係女人心。


後來居上

大台處女黨中,苟芸慧幾乎最先跑出,可惜受不住壓力令甲狀腺出問題,令岑麗香、王君馨攝位後來居上,不過私底下一班處女姊妹仍然互相扶持。



岑麗香
已坐正做女一,近日更將從事金融投資的六呎大隻男友,公諸於世。



王君馨
因抗命唔肯留長頭髮而被無綫擺埋一邊,最近得王晶打救,安排王君馨在賀歲片《賭城風雲 3》做串星,又安插她在電視劇《城寨英雄》演一角,跟伍允龍對打。



李亞男
做咗王祖藍太太後,有老公照住,收過億物業又夫妻檔孖住返內地做節目嘉賓,大把世界。



鍾嘉欣
早已是女一之列的鍾嘉欣,一度因高調戀事而受處分,冇得出唱片,拍劇機會亦大減,年初宣布跟拍拖多年的伍允龍分手,才再被重用,還有機會返內地拍劇搵真銀。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()