探熱針

玩 17惹老細問價 唐貝詩:五十萬好吸引!

Ads by Google

全城瘋癲玩手機直播 17社交 app,由於缺乏監管,愈爆愈鹹,有玩家甚至貼出直播性愛及手淫場面,引起社會爭議後,終於遭 IOS及 Android系統下架。不過亦有人貪求點擊唔知驚,繼續玩!玩 17玩到有超過五百萬 like的唐貝詩,更遇到個自稱係新加坡人的老闆𥄫中,搵中間人開價五十萬,要求跟她玩 Skype。幾乎晚晚直播出鏡的唐貝詩坦言:「個價好吸引!」

借運動騷身材

跟大隊於一個月前加入 17社交 app大軍的唐貝詩,為吸引更多粉絲,玩法相當有部署,預告每天開播時間外,鮮有失場的她更挖盡心思,著小背心短褲教做減肥運動,自製機會在鏡頭前騷身材,男女粉絲通殺。
「 Lydia(唐貝詩)做嘢一向都好搏,佢想排頭一百名以內,所以成日諗啲新嘢玩直播,好似公司有活動見到 Chilam(張智霖),佢會第一時間直播,希望大家見到 Chilam俾多啲 like。佢好快已經去到前三十位,儲到過百萬人次。」唐貝詩身邊人說。
要進一步擴大粉絲人數,上月唐貝詩甚至出口術,只要去到 88888 like,就會安排泳池約會,不過到數後即使照找數,但她卻在泳衣外冚件外套,隨即被粉絲投訴,大叫回水。




直至截稿前,唐貝詩的「 17」已經有 500萬 likes同 30萬粉絲。


中間人開價對話內容曝光


台灣藝人黃立成, app「 17」老闆。 中間人搭路

上月底,唐貝詩不但錄得過百萬 like,更加惹來老細問價,搵中間人搭路,開出十萬坡幣,要求她在 Skype單獨傾偈見面,甚至可以先俾錢後交易。中間人更講明,事成後要抽佣百分之十。
對於有人開出單獨網見價口,唐貝詩承認確有此事。
「其實間唔中都會收啲好得意嘅 message,呢個數目真係好吸引,當初都唔知十萬坡幣即係幾多港幣,之後上網睇一睇兌換價,嘩!原來成五十幾萬。」唐貝詩說。




在 app「 17」直播,唐貝詩會教下健身減肥同示範瑜伽。





早前在公司搞的 party遇到 Chilam,她即時醒目開直播吸 likes。


唐貝詩無論在 ig或 fb,都經常大晒身材,吸睛吸粉絲。





跟男神王宗堯同一間經理人公司,早前她一身紅打扮出席電影記者會撐場。 懷疑被整蠱

五十萬網交!唐貝詩明知無咁大隻蛤乸隨街跳,思前想後,覺得自己可能被整蠱。
「我諗諗吓,件事咁搞笑,究竟自己會唔會俾人整蠱,又可能係有傳媒想睇吓我會唔會落疊,又或者係啲玩人節目,睇吓我有乜反應。」
今年五月正式入行的唐貝詩,坦言愈來愈多人對她有興趣,亦會經常收到陌生人短訊,但冇收過如此不正經的交易要求。
「今次我冇同媽咪講,反而有同經理人提過,我仲問咁樣算唔算一個 job,可能佢哋都覺得無聊,淨係笑吓無睬我。坦白講,我都真係想睇吓究竟係咩一回事,想知道佢(老細)係咪會入錢俾我。不過我都覺得應該冇可能,所以最後都冇理過佢。」唐貝詩說。




早前幫有線的旅遊節目擔任嘉賓主持,唐貝詩(右)大方著三點式出鏡。


正式入娛樂圈後,唐貝詩亦有約圈中大隻男魏焌皓(左一)等去船 P。


12年,唐貝詩仍在媽咪寇鴻萍開的公司任 CEO,兩母女經常孖住出現。


公司旗下的少女組合「少女標本」到馬來西亞做騷,唐貝詩亦有做嘉賓上台唱歌。


簽蕭定一經理人公司後,每逢節日,公司都會開 party慶祝。 各出奇謀

由台灣藝人黃立成開發的人氣 app「 17」,雖然被質疑漏洞太多,容易被不法之徒利用而淪為色情或犯罪途徑,但「 17」人氣依然高企。因為用家只要多人 like同 followers就有錢分,為此,有人為錢而上載色情或犯罪真人騷,希望增加點擊;不少香港藝人,亦為了賺人氣,各出奇謀。



爆喊  Coffee
Coffee玩 17直播,被追問有關「殘廁 gathering」,她解釋自己當時入咗廁所十分鐘,一講起親友話佢羞家,爸爸好嬲自己,便忍唔住爆喊。



遇變態佬 官恩娜
最鍾意晒肚,為證明自己冇肚皮紋,不惜揭起件衫晒肚。有次突然出現變態佬留言,話想睇 Ella的乳頭,大肚婆不甘示弱反擊:「你自己都有兩個啦,使乜睇我,我唔會俾你嚇親。」



露底  Hazel
𡃁模唐紫睿( Hazel)貼了張著住小背心同底褲的刷牙相上 17,並留言:「刷牙要看嗎?阿豬!你們害我現在 24小時也要拿着手機!瘋了!」



露乳暈  Amy
34D𡃁模艾美琦( Amy)就鍾意瞓喺床同網民吹水,有時甚至互寸,有次網民話想睇 Amy賣性感,聽話的她立即揭開張被,唔知刻意定唔小心,一揭就露出乳暈。

有市有價

女藝人被問價,在娛圈十分普遍,無論初入行青春無敵,抑或撈了多年的熟女如五十羅霖,一樣有市有價。



袁嘉敏
在電影《鴨王》解放大晒 34C一脫成名後,袁嘉敏未停過返內地登台做騷,擺明 sell body唔 sell歌的她,亦未停過被問價。



羅霖
凍齡羅霖今年推出寫真銷情理想,因為身材 fit爆,引來唔少「老細」問價,不過羅霖自言冇興趣,全部拒絕。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()