探熱針

反面兩年 阿 Sa周麗淇甩拖破冰

Ads by Google

Twins幫無綫拍特輯,蔡卓妍( Sa)請來周麗淇( Niki)做嘉賓,一個俾人狠飛,一個換馬撇仔(徐正曦),啱晒!其實阿 Sa與 Niki兩年前曾因為 William翻臉,阿 Sa甩拖,反而令兩人破冰。

懷疑放料

Twins開跨年演唱會,大台無綫拍《回味• Twins》特輯配合個唱宣傳,阿 Sa阿嬌分別請來圈內好友周麗淇及薛凱琪做嘉賓。但唔講唔知,原來拍攝當日,是阿 Sa跟 Niki兩年來首次再見面,據了解,好姊妹早年曾因為 William陳偉霆,搞到反晒面。
「係一三年嘅事,當時 William開始返內地發展,同阿嬌一齊喺橫店拍《古劍奇譚》,阿 Sa趁七夕(中國情人節),唔聲唔聲飛上去探男友,同期 Niki亦喺橫店拍緊《衞子夫》, William拍嘢冇時間嘅話,阿 Sa就會走去搵 Niki或阿嬌食飯或者打羽毛球;有次齊晒人去打波,俾香港記者影到,又話阿 Sa陪 William住平價賓館,佢覺得係 Niki放料,自此就冇再搵 Niki。」知情者說。




雖然兩年冇見,但阿 Sa與 Niki拍特輯時沒有異樣,兩位果然是好戲之人。





年底 Twins入行十五周年演唱會,阿 Sa阿嬌很重視,有時間就會用來排舞練歌,不容有失。 請假幫手

阿 Sa嬲足 Niki兩年,直到上個月二人分手,才冰釋前嫌。
「 Niki一直都唔知點解阿 Sa會嬲咗自己,搵佢又唔覆,後來有身邊朋友話佢知阿 Sa以為佢放料,嗰陣 Niki顧住同徐正曦拍拖,有仔瘟就冇咗件事,所以兩年來都冇聯絡。
直到今年五月, Niki同徐正曦分手,幾個月後又到阿 Sa甩拖, Niki主動問候阿 Sa,就係咁,兩個開始聯絡番,阿 Sa拍特輯要搵老友蒲頭撐場,原本喺北京拍緊新劇《家年華》嘅 Niki,都即刻同劇組攞兩日假,飛返嚟助陣。」知情者說。




2013年,阿 Sa於七夕節飛橫店探 William,不用開工時會一起打羽毛球。


2013年暑假時候去探班,阿 Sa第一次煲冬瓜湯給 William消暑,好窩心。


老友阿 Sa到橫店探男友時, Niki亦身在同一地方瘟仔。 一早知乜事

同陳偉霆散咗,阿 Sa寄情工作,繼續為年底舉行的演唱會做宣傳。
「阿 Sa同 William要分開,其實已經拉鋸咗幾個月,阿 Sa亦面對現實,心情都冇乜嘢,就算傳媒點追都好,佢有晒心理準備,唔會有太大情緒反應,加上年底要開 Twins入行十五周年個唱,佢同阿嬌呢兩個月都會好忙。」知情者說。
紅咗就飛!過去一年被前度冷待的阿 Sa對 William其實早已心淡,但個心未死,拖拖拉拉。




難得破冰, Niki就算忙住拍劇,也特別由北京飛返香港幫阿 Sa。


剛剛失戀的阿 Sa,同時間還要承受爺爺病逝的打擊。


今年八月在澳門舉行的英皇十五周年演唱會,雖然 William同阿 Sa同台,但已刻意保持距離。

「阿 Sa份人好簡單,同 William拍拖嗰日開始,講過有幾件事要一齊去做,一係去潛水,二係去睇北極光;本來舊年可以一償心願,但 William突然爆紅後,有時就算有幾日假,佢都唔飛返嚟香港陪自己,阿 Sa唔係蠢人,一早知咩事!所以佢先搵阿嬌陪去潛水,之後又同關智斌佢哋去睇北極光。」知情者說。




William唔抽時間陪自己,阿 Sa去年初搵阿嬌飛去潛水,完成其中一個心願。





同阿嬌去完潛水,阿 Sa相約好友關智斌齊齊睇北極光,完成另外一個心願。


Unfriend

有人有是非,娛樂圈係是非圈,藝人反面易過食生菜,如果牽涉感情,更加冇彎轉。



容祖兒、何韻詩
12年,劉浩龍(師兄)單方面承認與容祖兒拍拖,女友舊情人何韻詩被出賣受盡情傷,師兄即成罪人,之後何詩和師兄在個人社交網站互相 unfriend對方,相識十年的好友,就此絕交。



陳山聰、伍詠薇
11年,陳山聰為了賭王三房女何超雲,放棄家庭事業做小聰子陪女友遊埠,生日當天,陳山聰更失驚無神致電炮轟契姐伍詠薇,叫對方以後唔好再聯絡。伍姑娘即時還拖,在微博宣布與陳山聰「永別了」。有指因為伍姑娘幫前聰嫂出頭,惹超雲不滿,陳山聰為討好富貴女友,出此下策。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()