探熱針

湊齊四個 徐子淇封肚勁喊

Ads by Google

恒基「千億新抱」徐子淇,同老公李家誠的第四個 BB終於出世。九月底,成功避過傳媒耳目入院, B仔重 5.7磅,由爺爺四叔李兆基改名為李建熹。星期二(十月六日),恒基發放三張 BB相,正式對外公布有家庭新成員。
已經生到第四個,兩女兩子兩個好字,徐子淇同老公商量後,決定封肚唔再生。今胎是最後一次佗 B,徐子淇特別感觸,見到囝囝出世後,竟失控爆喊近半個鐘,情緒遲遲未能平復,老公惟有出絕招,攬實安慰。

眼似媽鼻似爸

同李家誠結婚九年,上月底徐子淇再為李家添丁,生下第四胎,仲要係慈姑椗,幫老公湊成兩個好字。 B仔出世時重五磅七,頭髮濃密,眼大大而且有明顯雙眼皮,似足媽咪,至於鼻仔就遺傳了李家的家族特質,是大鼻仔一名。
星期二(六日),恒基發放三張相片,包括一張爺爺李兆基同 BB和李家誠兩公婆合照,一款 BB得意托頭相,以及爸爸媽媽親吻囝囝的溫馨合照;新聞稿中,李家誠同徐子淇透露兒子取名李建熹,由爺爺李兆基親自改。
「迎着這新成員回家,我們一家人都萬分興奮!小寶寶體重 5.7磅,活力十足,母子皆平安,我們深感福分,希望可以很快跟各位親友見面。
「大姐姐晞彤,二姐姐晞兒和榮升哥哥的俊熹,對家中再添一位小弟弟都雀躍萬分,對小寶寶愛護有加,令整個家更添歡樂溫馨!」




其實 BB九月底已出世,但保密功夫做足,直到週二官方公布,大家才知徐子淇已經生咗。


李家又有新成員,爺爺李兆基最開心,又向千五名員工派發一萬元利是。


絕密圖片李建熹出世重 5.7磅,對眼大雙眼皮又深似足媽咪,而個大鼻就似爹哋。 改變主意五變四

除了三張官方發相外,徐子淇私下亦有將 BB介紹給她的朋友圈認識,本刊得到其中一張她 send給親友的私密 B相,相中造型相當特別,小建熹被一塊網布包住,十足蠶繭一樣, BB當時瞓到成口都係口水,超趣致。
已經生了四個,徐子淇同老公商量後,決定夠籌收工,封肚唔再生。
「之前子淇有講過想生五個,因為佢開刀生,最多可以開五次,所以想生夠五個,覺得大家庭熱鬧啲。但今次有咗建熹之後,佢開始改變主意,湊住三個小朋友已經唔容易,每日單係湊返學放學,陪做功課,同小朋友去玩做運動,已經用咗好多時間,加上佢樣樣都要親力親為,唔想依賴工人,如果同時照顧四個,佢覺得已經係極限。所以同老公達成共識,決定提早封肚。」徐子淇身邊人說。




徐子淇二女晞兒十分貪靚,早前兩人穿了 D&G母女裝,還戴了花花頭箍影相。


公布 B仔出世當日,徐子淇在 ig發放了一張三姊弟影住對腳相片,旁邊更放了一對 BB鞋,更寫了每個仔女出生年份。


生仔前徐子淇特別影了一輯相留念,其中一張是咬住吹波膠,用黑板寫住「 Ready to POP!」,表情搞笑。


同老公商量過後,徐子淇決定提早收工,四個就夠晒數。


徐子淇今次搵了外國攝影師幫這輯 BB相操刀,這種幫 BB設計 pose及造型影相手法,在美國十分流行。


生完三日提早出院

據了解,由於今胎是收工之作,生完 BB後,徐子淇第一眼望見囝囝時,竟然當場爆喊,情緒相當激動,喊了近半個鐘,要老公攬實呵番,才慢慢平復。
「子淇有講話今次生 BB之後喊得好勁,比之前生嗰三胎都喊得多,可能係諗到係最後一次, BB同自己身體一齊咁多個月,一下子分開,所以特別感觸;佢仲話嗰種感覺好奇怪,唔識點形容,所以喊咗好耐。」徐子淇身邊人說。
孻仔孻心肝,但徐子淇唱反調。一般情況下,剖腹分娩要留院五日,但徐子淇因為牽掛住屋企另外三個小朋友,生 B後三日,已經要求醫生,批准她提早出院。
經醫生檢查後,認為她的傷口康復進度良好,最終簽字放行,讓心急媽咪提早返屋企,休養陪小朋友。




李家誠同徐子淇兩公婆非常重視家庭樂,每逢放假就會陪仔女去玩。





徐子淇由於今次佗仔期間沒有瘋狂進補,反而主張食有機食物,又親自落田種菜,所以身形沒有像頭三胎般暴脹,懷孕期間只重了約三十磅。


李家山頂大屋仍在趕建中,最快要 2016年尾才能入伙。 添孫大陣仗

32歲的徐子淇, 06年嫁入李家,九年抱四,而每次誕下男孫,老爺李兆基都重重有賞,出手闊綽。

大女 晞彤

1.1億遊艇
11年,徐子淇為李家添丁,老公李家誠即豪擲一億零五百萬,買入一艘 Sunseeker豪華遊艇作為「金笸籮」第一份玩具,遊艇更以兒子英文名命名。

二女 晞兒

派萬元利是
每次四叔添孫,李家都會大派利是。 07年,大女晞彤出世,四叔以個人名義,向恒基員工每人派一萬元利是;二女晞兒出世撞正金融風暴,四叔想低調,未有豪派;到 11年添丁,四叔再向恒基直系千五名員工,派出總值 1,500萬元的萬元利是。

大仔 俊熹

送豪宅起堡壘
四叔為獎勵新抱為李家開枝散葉,生頭兩個女時,徐子淇已獲贈麥當勞道四千呎豪宅;男孫俊熹出世後,四叔更加豪氣,以 18.2億購入山頂白加道 35號地皮,興建三間獨立屋,李氏三父子每人各佔一間。

成立教育基金

過往兩孫女出世,每人都各自獲設 5,000萬教育基金; 11年,徐子淇成功追仔,四叔豪擲三億,為孫仔成立基金,培養成才。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()