全知言

《 17》 hit到震 直播乜嘢最易呃心心?

Ads by Google

《 17》近期 hit爆!中港台三地明星素人爭住玩直播呃 like,連暗黑林志玲波多野結衣都玩埋一份,雖然已下架但有不少人早已 download,下載咗又諗盡計仔呃心心。其實要呃心仲有乜好方法呢?

 







連詩雅:學化妝

噚日諗住 download嘅時候,已經冇得 download,但我知道係咩一回事!自己鐘意教整嘢食,或者化妝都 ok,但就鐘意整嘢食多啲!因為自己本身對呢樣嘢有興趣多啲,所以好鐘意睇整嘢食嘅頻道、電視節目,甚至上網都好鐘意搵啲食譜,尤其係啲人即場教你點樣整食物!如果遲啲上番架,我都會裝嘅!

彭浩翔:窺私密

自己冇玩,亦未得閒睇!至於 live做啲咩會吸引我睇?𠵱家佢哋個個乜都做晒!現場跳艷舞,又話有啲自慰!撇除嗰啲,你即係要我講啲好假嘅嘢,即係譬如彈琴、插花,我都會好想睇下嘅!𠵱家大家都會好奇一啲好私密嘅嘢,有啲人問點解我冇玩,咁我又冇波罅,格硬夾都會有啲嘅!我覺得一定會吸引到一啲宅男會好興奮嘅!

羅霖:愛生活

我都有留意 17呢個 app,可以拉近大家距離係好事嚟嘅!但係我亦都睇到有啲人做咗啲唔係咁適當、色情嘅嘢,我就覺得唔係咁好囉!我自己冇玩呢個 app,希望睇到其他藝人生活上睇唔到嘅嘢,唔係指佢哋瞓覺嘅樣,而係平時生活食啲乜嘢,做咩運動,比較正面啲嘢,另外世界各地,唔同人嘅生活習慣,風土人情,我都好想知道!

小花譚杏藍:睇動物

其實一路都有玩呢個 app,但我知道好似下咗架!無論任何社交平台,包括 facebook、 instagram或 17都好,你冇辦法去控制啲人 post啲咩,惟有你選擇去睇啲咩,監管已經監管唔到,睇你自己選擇去睇啲咩嘅啫!自己好鐘意睇啲小動物,因為小動物會令到你好開心,所以自己都會選擇去睇一啲令人開心嘅嘢!

吳千語:教煮餸 

聽講過呢個 app好 hit,自己之前 download咗,開咗個 account,但就冇乜點用過!自己最想睇到可以有人直播教煮餸,又或者教焗蛋糕都幾得意,都幾好!一個除咗唔知喺度講咩對話之外,可以有啲資料性嘅嘢!

Ashina郭奕芯:𥄫靚仔

開咗 3、 4日,開頭冇諗過自己會開,因為覺得直播好似好怪,點知開第一次之後,覺得有人留言都幾得意!古怪嘅人都有遇過,叫我除衫,仲話我做咩唔除衫,又叫我影埋條褲,我最後都選擇無視佢!我自己會睇啲靚仔、靚女,有啲會唱下歌,有啲會齋講嘢,要視乎嗰個人我想唔想睇,我想睇嘅,佢坐喺度擘大隻眼,我都會想睇!

街坊玩《 17》:做啲好 kai嘅嘢

藝人爭住玩《 17》呃 like,反觀一班街坊就冇咁瘋狂,有街坊話無聊嘢最好喎!



Wing
平時有玩開,不過好少玩直播功能,而自己如果睇到張相係靚女就會 click入去睇,自己之前睇過關心妍。



Iris
好似 YouTube咁嘅飲食化妝嘢會睇,但自己平時生活嘅 private嘢就唔會睇,𠵱家落咗架都係好事!



Tina
如果唔識嘅人就唔會睇,如果識嘅人,做啲好 kai嘅嘢,好似變魔術同唱歌好難聽,做啲搞笑、白痴嘢。



Jasmine
搞笑嘅行為,或者有啲動物襯托下,我都會想睇下。開頭睇咗識嘅朋友先,之後都會睇下最 hit嘅人,有興趣𥄫下,但都係睇咗朋友嗰啲先!

即時報料 facepop
熱線: 9222 0828
電郵: mailto:facenews@nextmedia.com
facebook: Face Magazine inbox
line、 we chat id: facemagazine

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()