包麗怡 Ali理工大學精神護理學系 Yr.1讀副學士時, Ali有機會到佛教醫院實習接觸病人,「雖然嗰時對護理學認識唔多,多數時間都係陪病人傾偈,但我都覺得好有意義。」

U花 U草

最索白衣天使 包麗怡 Ali 理大校花讀 7年 做精神科護士

Ads by Google

細路女邊個唔貪玩先?就算家教再嚴,點都會講過大話呃阿媽出街玩。不過 21歲讀緊理工大學精神護理學系 Yr.1的包麗怡(Ali),放學唔返屋企、日日喺籃球場流連、連大時大節都唔會返屋企食飯,都算係典型貪玩妹。

「嗰陣小六成日放學就去公園坐,唔想返屋企,覺得同朋友一齊先係最開心。到咗升中派位,竟然俾我派到區內 Band1中學,但係平時玩開啲朋友都派晒去另一間 band2嘅中學,我竟然傻到去間 band2嘅中學叩門叫佢收我,就係為咗可以同朋友一齊,雖然最後都冇轉到,不過諗番起都覺得好傻。」
DSE失手,令 Ali無法如願直升大學學士讀護理學,結果要比其他人多花兩年時間由副學士讀起,「讀副學士嗰陣好辛苦,絕大部分同學都好搏命想入大學,我自己有跳開舞,好想入到 Poly Danso跳舞,所以嗰陣日日溫書,跳舞、兼職都停晒,為咗爭取表現,上堂我會主動去問教授問題,好彩最後比我 GPA3.37升返理大精神護理 degree,呢個課程要讀五年,計埋副學士嗰兩年,我用七年時間去為自己嘅夢想鋪路,聽落好似好漫長,不過我相信係值得!」




Ali小學開始學跳舞,但為了專心讀書而停止練習兩年,「𠵱家入到 Poly仲可以跳埋 Danso,真係好開心,好想代表 Poly跳 Mass Dance!」


Ali自己經歷過反叛期,所以特別緊張妹妹的發展,「妹妹𠵱家四年班,我驚佢好似我以前咁,所以我都睇得佢好緊,又幫佢補習同成日關心佢,唔想佢學壞。」


去完迎新營, Ali(紅圈)好快已經同理大勵志堂宿舍嘅朋友打成一片,中秋都一齊過,老友鬼鬼。

撰文:葉浩婷
攝影:范仲良
化妝及形象: Kika Wong

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()