(左)主音 何柏誠(右)鋼琴手 李滔〈 KIMOJI〉嘅 MV入面只得何柏誠扮女人,今次連李滔都扮埋一份,想知佢哋扮女人有幾好笑,快啲 download FACE Pop睇啦!

真面目

攞你命  MK POP愈玩愈激 拾音社扮女人:想大家放鬆啲

Ads by Google

去年一首〈 kiss kiss kiss〉令 MK Pop組合拾音社從國內殺入香港,點擊率至今已有 13萬幾,全因歌詞騎呢兼易上口,好老實,會認真聽佢哋唱歌嘅人相信少過零。
為咗令觀眾更加認得佢哋,拾音社決定再玩激啲,新歌〈 KIMOJI〉由主音何柏誠扮女人上陣,加埋勁似不文手勢嘅舞步,真係睇到又想笑又想打一身!正如何柏誠話齋,「你又唔使對住我食飯,咁你食完飯嚟睇我啦,一定會開心嘅!」

我哋係為咗美麗而誕生,我哋係雙人男子女性化組合。」拾音社扮女人扮上癮,新歌〈 KIMOJI〉由主音何柏誠扮女人拍 MV,琴手何滔就喺旁邊伴舞,為咗想更多觀眾認識佢哋,拾音社 2位壯丁今次以全女人打扮受訪,老實講,係幾惡頂。




雖然何柏誠(左)和李滔扮女人真係好醜,不過兩人感情好到好似 Twins一樣,連 pose都學埋。


俾人鬧都唔理


7月底拾音社 plug新歌〈 KIMOJI〉,內容雖然都係得啖笑,不過就好有含意,同場加映何柏誠女裝亮相,難怪 2個月已經有 6萬點擊啦! YouTube畫面

「扮女人係為咗大家開心啲,未來再扮咩就睇需要啦!」兩位成員天生一副男人樣,扮成咁,唔怕俾人鬧?「一般靚嘅人對鬧嘅聲音都會屏蔽,所以我哋係唔會聽到鬧我哋嘅聲音㗎!讚我哋嘅 fans叫有眼光。」
訪問當日二位成員各有媚態,其實係咪 hehe?「梗係唔係,只不過大家覺得鍾意咪俾你睇吓囉!」

Lady Gaga都豁出去

言歸正傳,兩位成員都係音樂系畢業,扮成咁,其實想點先?「我哋冇純粹當自己係音樂人,更加會覺得自己係藝人,就算歐美嗰邊,好似 Lady Gaga都會好豁出去做呢樣嘢,我覺得都係一個藝術家嘅表演精神,如果去扮一個女仔就令大家鍾意拾音社嘅歌,我覺得完全係冇咩問題囉。〈 kiss kiss kiss〉係令到大家好開心,不如再做一首減壓嘅歌啦,咁就諗起 Kimoji呢樣嘢喇。無論點樣,大家笑就會放鬆㗎喇!如果你笑都緊張,咁我覺得,你都真係好緊張喎!」咁下次扮咩呢?




去年拾音社第一首加入香港樂壇嘅〈 kiss kiss kiss〉成績其實唔錯,網上點擊已經過咗 13萬。


早前拾音社以呢身爆笑造型現身電腦展,大家仲以為係新組合添! 《蘋果日報》圖片 慾望想同 FFx合作

近日女團 FFx咁 hit,加上有靚女 Christy坐陣,拾音社仲講到出口對佢哋好有慾望。「我哋拾音社幾想同 FFx合作,大家聽過佢唱〈 Sugar Baby〉啦,咁都好想佢將呢首歌唱得好聽啲,人靚聲甜就更加令大家鍾意啦,所以拾音社好有慾望想去教好 FFx去唱好呢首〈 Sugar Baby〉。」
拾音社加 FFx,呢個組合會唔會同少林足球加唱歌跳舞咁出色呢?




FFx嘅〈 Sugar Baby〉同樣因為騎呢 MV而爆紅,如今拾音社開到聲想同 FFx合作,期待 crossover作品喎! 《蘋果日報》圖片


FFx嘅 Christy被稱為組合入面最索成員,唔知拾音社又有冇興趣挑戰吓呢?

採訪、撰文:娛樂組
攝影:范仲良

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()