Mr.最後一次在香港合體出席公開活動已經係一個月前粵語歌頒獎禮,而 Mr.官方 fb就形容 10月中廣州演唱會:「不管怎樣,這場演唱會將會是我們最難忘的演出之一」,似乎有啲弦外之音!網上圖片

真面目

合久必分 為王宗堯同環球反面  Mr.內訌散 band

Ads by Google

邊個話〈不屈〉兩個字易唱難做?咁你就錯喇!當現實世界 MV胎死腹中,連唱都唔俾你唱,咁仲屈唔屈好?
樂隊 Mr.新歌〈不屈〉一早出晒 YouTube預告,一早揚晒請王宗堯操刀拍,亦都一早傳出因為男神黃絲身份太敏感俾唱片公司叫停!兩個月後新歌就冇得聽喇, Mr.則有新動向,大有機會為啖氣、為撐男神老友拒絕與環球續約!老老實實,不屈精神與其用把口講,不如做出嚟更實際。呢鋪 Mr.就真係型喇……如果五個人一條心,仲有 Mr.的話。

𠵱家到底係 Mr.拍新 MV定王家衞拍新戲?〈不屈〉由三個月前開始講起,兩個月前推出製作花絮,搞搞吓兩個半月過去都未有正片上畫,連 Mr.都絕跡香港公開活動成個月,說好的新歌去咗邊?學似老夫子話齋,件事真係好耐人尋味!




整個六、七月, Mr.籌備〈不屈〉 MV都會見到導演王宗堯,自從傳出被環球飛起,唔只男神,連 Mr.首新歌都冇咗影。  YouTube畫面


〈不屈〉鬧出換導演風波同期,成員 MJ亦都在 ig上載耐人尋迷心底話,疑似五位鬧不和有拆伙傾向,不過當事人否認。網上圖片


維穩心病13年七月一日澳門維穩騷,謝安琪、 RubberBand紛紛辭演,唯獨 Mr.被安排上台,當時已經對環球有微言。 《蘋果日報》圖片 兩個月冇搵王宗堯

其實打從兩個月前開始埋班拍 MV,事實已經擺在面前,玩音樂絕非純音樂咁簡單; Mr.決定將新歌 MV交俾老友王宗堯執導、演出,不過所屬唱片公司環球就驚死男神黃絲形象深入民心影響 Mr.北上搵銀,下令飛起王宗堯另覓團隊完成拍攝。
表面上 Mr.死撐老友、對外宣揚王宗堯依然全程參與,實情 7月 22日推出嘅製作花絮,就只得一秒男神側面同把聲咁大把, Mr.唔只同環球週旋失敗,連新歌新碟都推出無期。
據悉, 13年被環球擺上枱參加澳門七一維穩騷,已經內裡分裂亦同環球現分歧,再加上今次〈不屈〉導火線,大有機會唔同環球續約。對外同唱片公司反面被雪,對內亦分成兩派各有立場, Tom與 Dash流住黃絲血,其餘 3位則唔想阻住搵食囉!週一,《 FACE》致電主音 Alan長期電話關機,反而敢言王宗堯答得最爽快:「件事( MV被飛)之後大家都有幾個月冇聯絡,咁我都好關心佢哋去向,希望唔係因為我影響到佢哋同唱片公司嘅關係同前途啦!」乜係因?乜係果?




環球歌手離心唔只 Mr.,仲有關楚耀。


《蘋果日報》圖片


鼓手 Tom擺明黃絲,亦同王宗堯 friend底,一手拉攏王宗堯出力拍攝新歌 MV。 《蘋果日報》圖片


去年 11月主音 Alan同富貴女友結婚,雖然全體成員齊整做兄弟,不過據悉當時團員已經分成兩派,黃絲代表 Tom同 Dash同一陣線,另外三外就不願同政治扯上關係。 《蘋果日報》圖片


Mr.同環球反面,據聞主音 Alan反應冷淡,唔通專心做人老公唔憂做? 網上圖片 新歡登場

旗下歌手樂隊走一個少一個,環球冇有怕,皆因新一年有新歡 Gin Lee登場力捧。今時唔同往日, Gin Lee玩到《中國好聲音》黐到周杰倫,雖然去到十強出局,不過成個強國都知佢唱得、再加埋周董啲群帶關係,捧紅喺強國大把前途嘅 Gin Lee實際過留住唔多聽話嘅 Mr.多多聲。




網上圖片

去年尾約滿 bma後被監製舒文邀請同 AGA合唱〈一〉,其後 Gin Lee已經秘密同環球傾合作,玩完《中國好聲音》就有公布。




網上圖片

Gin Lee以馬來西亞籍香港歌手身份參加《好聲音》,俾周董睇中做隊員,仲晉身周董戰隊最後四強。




網上圖片

一玩《好聲音》,微博粉絲已經由千千聲暴漲至將近七萬,環球一心打造 Gin Lee做第二個宇宙 G.E.M.?

採訪、撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()