坤哥雖然喺大台做棋,但深得網民支持,早前喺勝利道食雞髀,但被侍應粗口侍候,佢仲 po上 fb,唔少巴打都支持佢。

真面目

真升呢 唔使再扮棋 坤哥捧做新 5虎

Ads by Google

大台小生花旦排住隊走,大台都諗咗計留人,先搵咗陳凱琳、蔡思貝簽 10年死約,用到你盡。
花旦搞掂,輪到小生,據知大台打算重整五虎,諗住力捧 5位小生上位,其中最大驚喜係在去年台慶,淪落到要扮隻「棋」嘅坤哥吳業坤,今年終於被珍姐睇起在《愛•回家》第二輯做主角之一,單係計每月騷錢都過 2萬,除坤哥外,仲有《愛》劇兩位成員張振朗、何君誠,加埋何廣沛同黃子恆,嚟緊準備勁洗師奶腦。至於捧唔捧到你變舊五虎咁勁?就要睇各人造化。

大台多人走,為咗留人,推出死約 10年計劃,先綁住陳凱琳、蔡思貝,到時兩位將由少女做到中女。輪到小生接班問題,做法一樣,雖然講明綁死,但大台話到明力捧個個就𦧲飯應,最緊要有高層肯睇你,據知大台最近人人講緊「新五虎」,令好多捱生捱死藝員都勁葡萄。




去年大台台慶,所有藝員盛裝出席,唯獨坤哥全晚着咗呢套「棋」衫,更被巴打攞嚟恥笑。電視畫面


〈原來她不夠愛我〉喺 YouTube有過 230萬點擊,成為今年熱播 K歌之一,令坤哥多咗唔少機會出騷。 YouTube畫面 把口氹得人

「新五虎」分別為吳業坤、何君誠、張振朗、何廣沛同黃子恆,全部由戲劇部總監曾勵珍欽點,當中最令人意外係 25歲坤哥, 10年參加《超級巨聲 2》入行,捱足 5年,上年台慶坤哥淪落到同另一演員肥仔何遠東一齊扮棋,被巴打恥笑又替佢不值。
不過事隔一年,坤哥因把口氹得人歡喜,終於被珍姐睇中,加上夠薯仔兼戇直,成個大台都冇呢種類型男藝人,珍姐先畀機會加重佢在《愛.回家》戲份,以佢 1千蚊一騷,一個月穩袋 25,000,加埋首〈原來她不夠愛我〉今年夠 hit,令坤哥有唔少商演,今年台慶肯定唔使再做棋啦!




搵外快除咗拍劇,坤哥仲多咗機會搵外快,同森美拍住出騷,以前邊有呢啲機會。


勁爆騷坤哥喺《愛•回家》飾演 Kenny,做龔嘉欣胞弟,劇中兩大主景都有戲份,令佢一個月執超過 20個騷,月入 2萬多。 網上圖片 仲有 4男等上位

除咗坤哥上位,仲有 4位力捧,雖然大家暫時唔係好認得,但肯定熟口面,其中黃子恆 18歲就入大台,由茄哩啡做起,捱足 15年終於做到親生仔,嚟緊新劇《味想天開》做男二,真正係捱出頭。

何君誠  32歲

08年參加香港先生入行,曾經做過內褲模特兒,因為監製潘嘉德力薦畀珍姐,加上身形高又識跳舞,令珍姐賞識,喺《愛•回家》飾演 Billy哥。







網上圖片 黃子恆  33歲

5虎中最老, 18歲開始入大台,今年成為親生仔,戲份漸多,剛拍完的《實習天使》拍住吳若希,而嚟緊拍《味想天開》首做男二。




網上圖片


電視畫面 張振朗  28歲

06年參加英皇新秀大賽入行,上年因在《 Sunday扮嘢王》扮 Cool魔上位,喺《愛•回家》飾演 Anson。




網上圖片


電視畫面 何廣沛  27歲


網上圖片

26期藝訓班出身,一畢業即拍《女人俱樂部》,飾演少年吳啟華,外表斯文靚仔,最近喺《樓奴》拍住香香,新劇《巨輪 II》都有份。

採訪、撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()