林欣彤(右)唱功絕對唔輸蝕俾連詩雅(左),要追擊 Shiga其實唔難。

真面目

轉運 拒續約大台 英皇雪藏 林欣彤轉會追擊連詩雅

Ads by Google

12年因嫲嫲中風及壓力而患上抑鬱症的林欣彤( Mag),經過年多的治療後終於回復健康,重新投入生活。
11年簽約英皇後出過 4張大碟,但公司唔算力捧,冇乜邊首歌 hit,今年 6月出 EP更近乎零宣傳;而大台亦冇好好栽培 Mag,只間中派 Mag拍旅遊節目或出慈善騷,工作量少之又少。唔想愈撈愈霉, Mag決定轉會求變,拒絕續約大台及英皇,據最近同柏豪、連詩雅的 Starz People密密斟喎!




連詩雅及周柏豪的經理人合約,同屬鄒世龍(中)旗下的 Starz People,接廣告接到手軟,難怪 Mag心郁啦!

25歲林欣彤 5年前參加《超級巨聲》出道,最初被封「小巨肺」受大台力捧,及後迅即被英皇睇中,有得做容祖兒、謝霆鋒師妹。

大台投閒置散

上得快跌得快,林欣彤 11年因工作及生活壓力患上抑鬱症,全面停工接受治療,經過 1年多終於好番。可惜時間唔等人,復出後迴響不大,去年推出的大碟《 Mooooody Me》銷量一般,英皇今年亦只肯幫 Mag出 EP,而合約亦於早前無聲無息地完結,雙方都冇意思傾續約。
同時,《巨聲》二幫出身的林欣彤亦被大台投閒置散,相比起《巨聲》一幫的何雁詩已晉身小花行列有得拍劇,林欣彤明顯不受重用,只間中拍旅遊節目或上《勁歌金曲》做嘉賓,曝光率奇低!




大台唔重用林欣彤,對上一次幫佢接的工作,已經係上個月的仁愛堂演唱會。《蘋果日報》圖片


英皇見林欣彤(後左二)賣唔到碟,寧願將資源投放喺泳兒(後中)、羅力威(前左)呢啲親生仔女身上。《蘋果日報》圖片 挑機連詩雅

大台幫唔到手,林欣彤決定今年 10月約滿後唔再續約。據知有幾間公司想搵 Mag過檔,當中包括連詩雅所屬的 Starz People。
在大台多年有名無利,眼見 Starz幫旗下的連詩雅、周柏豪等傾到唔少廣告代言, Mag亦心郁郁想搵真銀。連詩雅近年狂接電影,《野狼與瑪莉》亦非常有話題,擺明要做新一代女神 icon;而林欣彤一向 sell唱功,兩個唔同 style,過咗檔都可以一山藏二乸啩!




網上圖片


網上圖片


冇工開,林欣彤惟有玩 B、煮飯度日。網上圖片


林欣彤今年只出過一隻得 4首歌的 EP。


患過抑鬱症, Mag早前又試過被前男友家暴。 銷「聲」匿跡

大台由 09年開始舉辦了 4屆《超級巨聲》,不過有頭威冇尾陣,巨聲幫愈捧愈奀,當中不少已經離開大台,甚至轉行退出娛樂圈。



劉威煌
第一屆巨聲隊長,之後發展一般,近年主力做生意,開設音樂中心及心理遊戲教室等,亦有同朋友合資炒樓。



鄧小巧
第一屆巨聲幫,曾唱過《天天天晴》主題曲但無以為繼,去年參加《中國好聲音》,可惜第 9集已被淘汰。



何紫慧
第一屆亞軍兼擁有九級鋼琴資格,不過撈極唔起,現時在劉威煌的音樂中心擔任歌唱導師。



羅孝勇
巨聲二幫季軍,簽約無綫 5年但被投閒置散,曾做過明珠台主持,今年約滿後決定唔再續約。

採訪、撰文、攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()