探熱針

買教訓:男友陪續簽保 醉駕 DaDa 盧頌之搵定後路

Ads by Google

早前涉醉駕被捕的盧頌之( DaDa),炒車片段在網上瘋傳,更被經理人公司 GME嫌棄劃清界線。賠上事業, DaDa仍有男友趙勁皓不離不棄,日前由男友陪同下到警署續保的她,為了生活,操行考健身教練牌,實行跟男友拍拖搵食。

 


自閉反省三星期
醉酒闖禍, DaDa事後雖然知驚,但對突如其來的考驗,她始終不懂面對,情緒受困下,甚至會突然嚎哭手震。
「事發後 DaDa諗嘢變得好負面,嗰段時間佢只係匿喺屋企,啲 friend打電話俾佢都唔聽, King(趙勁皓)叫佢唔好再咁任性。」 DaDa身邊人說。在家自閉反省三星期後, DaDa開始逼自己面對過錯。

闖出禍, DaDa已知錯,與 King積極面對,承擔應負的責任。

DaDa酒後駕駛發生意外,私家車撞至 total loss,短片在網上瘋傳,增添她要承受的壓力。

鬧醒 DaDa的趙勁皓,日前更蒲頭陪女友到荃灣警署報到,進行續保。「今次嚟係續保,暫時未知 charge咩罪,都有少少擔心,而家主力 work out緊,操 fit番自己。件事係一個經歷,一定唔會再犯。」 DaDa說。
在旁的趙勁皓,亦忍唔住開到口叫女友生性。
「都要支持,每個人都有錯,今次件事佢一個未必能夠面對到,盡自己能力幫到幾多就幾多。我會支持佢,睇吓未來(官司)發展係點,希望佢好,個人可以生性啲。」

除了戒口兼做健身外, DaDa每日都要跑步一至兩小時,絕不偷懶。

DaDa與 King拍拖兩年,女友闖禍, King並沒有置之不理,反而在旁支持她,令二人間的感情更鞏固。

King在佐敦開設的 King's Fitness生意不錯,不少圈中人如 Bob、坤哥等都會幫襯。

DaDa在 King的陪同下到荃灣警署續保,逗留約半小時才離開。

大隻仔 King的身形夠健碩,加上靚仔兼斯文,所以大受歡迎,客路不斷。

操了短短一個月, DaDa的麒麟臂開始現形,有圖為證。
考牌做教練
至於一直堅持要 DaDa賠足錢的陳達仁,早前亦公開表示不再對事件作出追究,唔使賠錢,但二人友情不再。「冇聯絡喇,希望佢冇事。」 DaDa說。
出事後,經理人公司 GME,立即跟 DaDa撇清關係。冇碼頭落腳, DaDa決定跟男友搵食。
「 DaDa呢兩個月勁操, King提議佢考健身教練牌,因為做藝人冇保障,萬一冇工開,都可以搵食。 DaDa都覺得自己應該定性,所以都好勤力!」 DaDa身邊人說。

性格任性的 DaDa,自從與 King拍拖後已有所改變。醉駕事件爆出後, King對 DaDa不離不棄,令 DaDa感動不已。


DaDa曾與周秀娜同公司,不過撞車事件發生後已滿約,現屬自由身。

撞車事件中唯一傷者陳達仁本來堅決要 DaDa賠錢,不過最後他公開表示不追究。
唔捨得
大難臨頭各自飛!但圈中亦有不少情侶,就算另一半犯錯搞到見晒頭條甚至惹官非,依然唔捨得放手,攬住死撐。


彭懷安、朱慧敏
拍拖三年,朱慧敏原定明年與男友彭懷安( Eddie)結婚,今年五月男方被踢爆婚前偷食,朱慧敏煞停婚事並避走美國。返港後,更將對方由「未婚夫」降呢為「生意夥伴」,七月 Eddie意外傷手骨折,她兩度撲往醫院探望,並將 Eddie升呢為「知己」,欲斷難斷。


周永恆、劉依靜
去年周永恆( Roy)被揭發背住趙頌茹( Yu),與助手劉依靜( Ruby)發展婚外情,同時爆出家暴,第三者 Ruby一度表示同周永恒已分手,但最近又被拍到人肉速遞到深圳,陪周永恒過夜。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()