探熱針

關楚耀 恨拍戲:飛起恩人 關楚耀投靠曾志偉

Ads by Google

曾志偉名下新公司 All In One雖然未正式打鑼鼓,但公司已開始運作,親自出面招兵買馬的獎門人,先後斟過譚耀文、周麗淇、徐子珊等人,其中已落實簽約的有關楚耀,有指志偉打算力谷對方做影壇接班人,棄歌從影,關楚耀唔使諗,飛起環球。

 


阿倫攬晒上身
曾志偉自組的新公司 All In One簽藝人之外,還會搞電影製作,公司成立後志偉便周圍揀蟀,雖然獎門人親自出面傾人,但至今答應加盟的藝人冇幾個。「志偉傾過譚耀文、周麗淇同徐子珊,不過全部都未落實,連佢自己個仔曾國祥都唔簽!唯一 confirm咗嘅,只有關楚耀,公司而家已經有人幫佢傾 job。」知情者說。
據了解,關楚耀老豆關維麟同志偉相識多年,加上老死譚詠麟是對方契爺,志偉更加俾力睇住世侄。
「阿倫當關楚耀自己仔咁錫,知佢想喺電影方面發展,出晒面幫佢搭路,阿倫出晒聲,志偉就算再冇尾飛鉈,都會特別照顧由細睇到大嘅關楚耀。仲有,校長明知契仔唔簽環球會俾人話反骨,所以周圍同人講,關楚耀跟志偉係佢嘅主意。」

據知,譚詠麟入行四十周年派對上,阿倫多次叫志偉睇住契仔關楚耀,因而促成了他們的合作。

阿倫與契仔關楚耀感情要好,由他出道至今,一直幫他鋪橋搭路。

近年 Kelvin在影壇發展不錯,尤其在《愛•尋迷》及《末日派對》中的表現,更得到不少讚賞。
吃力不討好
○六年,關楚耀憑老豆曾經做過寶麗金(環球前身)高層,加埋契爺譚詠麟拉線,簽約環球唱片入行,○九年發生在日本藏毒事件,前度衞詩被黎明即棄,關楚耀不但未有被公司放入雪櫃,反而千方百計,幫他洗底,不離不棄。
「 Duncan(環球高層)好錫關楚耀,藏毒衰咗都冇放棄佢,仲用盡方法扶佢起身,就算市道咁差,都照幫佢出碟開演唱會,估唔到佢話走就走。」知情者說。
據了解,關楚耀一直想在電影方面有更大發展,過去公司雖然亦努力 sell他,但相比曾志偉在影圈人脈關係,環球始終吃力不討好;秤過度過,關楚耀決定走人。

雖然唱片市道差,但環球於 13年仍為 Kelvin在九展開演唱會,對他力撐到底。

09年發生日本藏毒事件,差點賠上事業的 Kelvin,幸好有家人及環球唱片公司的支持,才能保住事業。

滿約環球便轉投曾志偉,台北開設的餐廳又有朋友幫手睇住,乜都唔使煩的 Kelvin拖女遊日本,享受一下。
台灣做老闆


唱歌同做戲都一般嘅關楚耀,最近同幾個朋友每人夾五十萬,在台北信義區開了間 MUSEE Kitchen& Bar,據知,愛上煮嘢食的關楚耀本想在香港開餐廳,但因香港的租金太高,故先在台北開試水溫,加上當地辣妹多,啱晒喜愛夜蒲溝女嘅佢。
虎頭蛇尾
志偉在圈中的人脈甚廣,加上經驗豐富,是個值得尊重的前輩。不過做老闆方面,志偉真係要多多跟其他人學習,曾經跟過志偉的歌手藝人,工作量及人氣都會大不如前,未約滿已搵路走。


LOLLIPOP@F
台灣人氣偶像男子組合 LOLLIPOP@F於 14年 4月加盟志偉開的「愛•好音樂」,簽約當日公司投資者之一的戚美珍亦送上八駿圖預祝他們有好發展。但 LOLLIPOP@F簽志偉後人氣不再。


Super Girls
組合 Super Girls成員 Cheronna及 Heidi憑無綫劇集《 M Club》彈起,因而獲劇集監製曾志偉睇中,將組合羅致「愛•好音樂」旗下,合作一年就和平分開。


譚耀文
15年與志偉公司以掛單形式合作,可惜合作不足一年,譚耀文選擇走人。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()