溝女講手段! Sa爸一把年紀,一樣有本事將露臍辣妹溝到手。

探熱針

強烈對比:阿 Sa俾仔撇慘慘豬   Sa爸 蔡就勝 攬辣妹風流赤柱

Ads by Google

後生過阿 Sa
從事廣告設計,又開過娛樂公司出錢捧新人的 Sa爸蔡就勝,一向百足咁多爪,打住搞娛樂事業的招牌,溝女更加暢通無阻。
阿 Sa受盡情傷的同時, Sa爸卻同分分鐘仲細過自己個女的短髮後生女,在赤柱浪漫。二人在海邊 selfie,身穿露臍 tee的辣妹任 Sa爸攬住,頭貼頭合照。影完相,搵地方坐低食嘢,其間 Sa爸伸手攬腰,辣妹毫不抗拒,任攬!
「 Sa爸都算係半個圈中人,同 Sa媽離婚後,佢都冇一個固定對象,加上份人口花花又有幽默感,所以一向都好多女埋身。」知情者透露。

在海邊玩 selfie, Sa爸攬住女伴,一前一後身貼身。

單親家庭長大的阿 Sa,同 Sa爸感情要好,經常結伴出埠。去年二人遊法國慶祝父親節。

每次 Twins開騷, Sa爸定必現身撐愛女。

百足咁多爪的 Sa爸,前年曾加入林建名旗下的大名娛樂做短期 CEO。

隊啤食生蠔
最終選擇食西餐, Sa爸和辣妹坐在開揚望街位,兩人並排坐吹水,辣妹不時側着頭望實 Sa爸,又會笑晒俾反應,相當受落。
辣妹一度行開去洗手間, Sa爸竟然趁機偷飲對方的餐湯,飲完仲醒目地用紙抹乾淨碗邊,才放回原位,女伴不知不覺飲了 Sa爸口水尾。睇住風景隊啤食生蠔,因為有揸車,二人在在餐廳吹水兩粒鐘,等酒氣過,才埋單走人。
行去停車場攞車時,辣妹全程任 Sa爸搭住膊頭,黐住半邊身行。阿 Sa真係要搵老豆教吓路!

三言兩語, Sa爸就氹得女伴開懷大笑。

趁女伴去廁所,鬼馬的 Sa爸偷飲對方餐湯,飲完仲抹乾淨碗邊放回原位。

撰文、攝影、攝錄:娛樂組
nextplus.nextmedia.com

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()