探熱針

買廚具 15分鐘使 15萬 林峯吳千語新婚準備

Ads by Google

林峯與吳千語拍拖三年,近排屢傳婚訊,雖然冇公開認,不過日前卻發現二人拍拖行廚具店,林峯睇唔夠十五分鐘,便扑槌買下價值十萬元的雙門雪櫃和一個五萬元的焗爐。為愛巢添置家品,好事近!

 


十足新婚夫婦
上週三(九月二十三日),林峯同千語 BB拍拖到專賣廚房用品的 kitchen infinity入貨,二人十足新婚夫婦為新居的廚房添置電器,大客光臨,店員全程招呼周到,林峯睇中一個雙門雪櫃,又叫女友俾意見,研究單門定雙門好。店員幫手度完尺寸後,林峯扑槌,買了個價值約十萬元的雙門雪櫃,之後鍾意下廚的千語 BB行去睇焗爐,最後揀了個約五萬元,唔使十五分鐘,已經使咗十五萬,有派頭又夠闊綽!買完雪櫃、焗爐,店員再用紙 mark低林峯揀好的爐具及其他廚房用品,逐樣執。
離開廚具店,見到記者,二人表現大方。問林峯求咗婚未?他同千語 BB只笑不回應。問他是否為新婚愛巢添置廚具用品,林峯大耍太極,「唔係!鍾意煮嘢,鍾意睇廚房嘢啫。」問林峯是否會同吳千語返廈門擺酒結婚,他說:「問過好多次喇,問第二啲啦!」

23/9下午,林峯同千語 BB拍拖行廚具店,峯少睇中雙門雪櫃,仲邊睇邊問女友意見。

焗爐$50,000

雙門雪櫃$100,000

店員用紙條 mark低林峯揀好的爐頭及其他廚房用具。

林峯望住個雪櫃露出個諗嘢樣,好似有啲煩惱。

原來林峯擔心雪櫃尺寸唔啱新竇廚房,店員即場為他量度。

揀好雪櫃,愛下廚的吳千語轉去揀焗爐。
結婚唔公布

離開廚具店,林峯與千語 BB心情大靚,笑住接受訪問。

好事近的林峯曾公開說:「我唔會攞嚟(結婚)同大家分享,到時大家知就知,我又唔會特登公布結咗婚。我係一個好傳統嘅人,可以講嘅係希望小朋友十歲時,我仲有氣力同佢打籃球同踢波,我以此為標準。」
林峯今年三十五歲,以他定的準則計,應該離結婚不遠。
有林峯「七愛」的千語 BB,近日愛上下廚,不時煲湯、炆鮑魚,男友對她的廚藝讚不絕口,次次都食清光,鼓勵 BB繼續做煮飯婆。剛過去的中秋,林峯難得放假,可以同千語 BB一齊過節,兩人帶住狗狗去朋友屋企打邊爐,巧 sweet。
「阿峯好聽女友話,千語話兩個人食飯好悶喎,講嚟講去都係嗰啲嘢,中秋節想打邊爐,所以就約埋大班人一齊熱鬧啲。」知情者說。

林峯和千語 BB拍拖三年,一有時間就會周遊列國,孖住 shopping乜都買,極襯。

 

林峯與吳千語都是名牌時裝愛好者,在香港有時間會孖住去掃貨。

兩個月前因胃酸倒流而暴瘦的吳千語,在營養師幫助下體重已回升至九十磅。

林峯早前飛到韓國拍 MV,原來女友咁啱都在當地試電影造型,兩人攞正牌拍拖。
韓國過生日
轉投英皇娛樂後,因為工作編排較在無綫時有彈性,林峯有機會享受生活,更多咗時間周圍玩。
「而家阿峯盡量唔會同一時段重疊兩個 job,佢話咁享受到做嘢過程,又有充足休息時間。嚟緊呢個月留喺香港錄唱片,搞完新碟嘅嘢先返內地拍劇,拍到明年初,就會返香港籌備四月個唱。千語十月都要去韓國拍戲,應該會喺嗰邊過埋二十二歲生日(十月二十七日),阿峯 plan好晒,預咗時間飛去探班同女友慶祝。」知情者說。
生活情趣
情侶拍拖,睇戲、食飯外,唔少拖友都鍾意行家品店,藉此增加生活情趣,拉近距離。


希望三十五歲前結婚生仔的文詠珊( JM),與男友吳啟楠( Carl)發展穩定,今年六月搬到元朗住大屋的她,更搵埋男友陪她為安樂窩添置家具試梳化。


去年 8月撻着的何傲兒與周子揚,於沙田拍拖睇傢俬時,竟在梳化上嘴唔停,啜足 13次。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()