拍電影期間,陳茵媺一度請假幾粒鐘返香港出席活動,但因為太趕,連探兒子亦沒時間。

探熱針

陳豪審批 陳茵媺復出

Ads by Google

無綫逃亡潮沒完沒了,近日有消息指陳豪亦要走人,但實情他要到二○一七年才約滿,反而豪嫂陳茵媺於七月已回復自由身,原本打算專心湊仔的她,最近落實簽約前經理人陳嘉莉,為期一年,合約訂明她可以彈性選擇工作,陳豪才放心,讓老婆過戲癮。

 


信得過
有觀眾緣的陳豪,去年初被無綫氹掂留低,續約三年,其間雖然不斷有內地經理人公司招手,但亦要到二○一七年才可鬆綁。陳豪未走得,老婆陳茵媺一三年誕下大仔 Aiden後,已開始停工,到今年七月,跟無綫的合約亦正式屆滿。
「其實佢哋開始拍拖嗰陣, Moses已經提議 Aimee減產,結婚兩年生咗兩個,要照顧兩個小朋友一啲都唔輕鬆,所以 Moses根本唔贊成老婆復出。不過 Aimee始終仲後生,對做幕前依然有好大興趣, Moses先答應俾佢偶然客串吓。」陳豪身邊人說。
唔使衝鋒陷陣,陳茵媺選擇與前經理人陳嘉莉合作,頭炮是接拍賀歲片《開飯啦!》。
「 Moses同嘉莉以前喺 TVB合作慣, Aimee簽俾嘉莉, Moses會放心啲,因為大家溝通慣,信得過! Aimee只係簽咗一年,合約講明佢有絕對選擇權,自由度好大!如果係 TVB,合約根本無可能有呢種主導權。」

八月中已飛到馬來西亞為電影開工的陳茵媺,今個中秋唔可以一家四口過,要靠視像氹仔,掛死佢!


一○年,陳豪同 Aimee拍《心戰》撻着。

曾在 TVB經理人部門任職的陳嘉莉(左一),以往陳豪陳茵媺大小活動,都由她負責安排,三人感情要好。
視像探仔

婚後火速生兩個,陳豪答應俾老婆復出,條件係唔可以太辛苦。

八月中,陳茵媺與杜汶澤隨劇組飛到馬來西亞開工,至今已一個多月,連今個中秋節,亦要在外地度過。
「 Aimee決定復出後,佢首要條件係盡量選擇留喺香港工作,就算返內地,都講明盡量即日來回,凡事以照顧兩個仔行先。佢答應接杜汶澤呢部戲,係因為佢好鍾意個角色,要同兩個仔分開個幾兩個月, Aimee都唔捨得,但又唔想錯過一個自己喜歡嘅角色同劇本,最後都破例接咗,但只要佢唔使埋位,喺片場都不時同兩個仔視像。」陳茵媺身邊人說。
過戲癮


06年港姐冠軍陳茵媺,入行後一直獲公司力捧, 08年以處境劇《畢打自己人》開始入屋,其後的《情越海岸線》、《單戀雙城》、《叛逃》等套套擔正。
11年合作《心戰》與被貪金廖碧兒拋棄的陳豪撻着, 13年爆出未婚有餡,陳茵媺即時辭演新劇《寒山潛龍》,並飛返加拿大娘家安胎,婚後兩年生兩子,全職做家庭主婦,幾乎淡出娛樂圈,今年七月約滿離巢無綫,兩年冇做幕前的陳茵媺,復出參演杜汶澤執導的賀歲電影《開飯啦!》,過戲癮。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()