24/9
娜姐新歡外形高大,又屬於運動型,完全符合她揀仔首要條件。

探熱針

潮男新歡 跟周秀娜入更衣室

Ads by Google

多勞多得!周秀娜近年密密做,又開內衣店賣自家製胸圍,做埋老闆,搵落唔少,升呢住半山豪宅的她,啱啱考到牌就買了架 Benz自我獎勵。
一二年與拍拖六年男友陳偉成( Avis)分手後,娜姐便打游擊,直至最近,終於有着落。上星期四(九月二十四日),她與一名高大潮男在圓方拍拖 shopping,其間兩人一齊走入試身室……

 


愛上運動型
晚上七時,露腰打出肚臍的周秀娜,與一名膚色陽光、高大身形的潮男一齊出現九龍站圓方,同行男子與娜姐之前公開男友條件完全啓合,「近期我鍾意游水,所以鍾意高大運動型男仔。」周秀娜說。
在室內都戴住黑超,唔少途人對娜姐眼望望,她亦一直與潮男保持距離,未有太親密舉動。二人先去 Chanel掃了一大袋,之後再去 Red Valentino睇裙,入到店內,娜姐放低戒備,同潮男愈黐愈埋,只見她揀了大批衫入更衣室試身,潮男竟然跟埋入去,兩人在內搞了幾分鐘,潮男才離開,同時間,發現潮男舔晒脷又用手抹嘴角。
近期網上瘋傳,國內疑似在 Uniqlo及佐丹奴,分別發生情侶走入更衣室內做愛,更用手機自拍四仔,作風大膽開放。見到娜姐同潮男走入更衣室,實在無限聯想。

離開試身室後, Harry舔晒脷,又用手抹嘴角。

 

娜姐試衫期間,兩人一齊走入試身室。

娜姐試衫時, Harry彎晒腰落手幫她整褲頭,氹到娜姐鬼咁開心。

 

周秀娜同前度 Avis拍拖期間非常恩愛,一齊去泰國旅行,娜姐更幫他推油。
食到閂門
之後轉場去 MARNI繼續,但兩人傾偈多過睇衫,講到興起時,娜姐更笑到揞住嘴,潮男新歡氹得娜姐好開心。其間娜姐試了一件恤衫,走出鋪面問潮男意見,只見對方郁手揭高件衫,在娜姐腰間整了幾下,她冇抗拒之餘,更表現受落。
瘋狂掃貨兩個多小時,娜姐同潮男拍拖醫肚,在 dab-pa坐低隱蔽位,邊食邊談心,傾到店鋪關門,先捨得離開。

兩人一齊去開餐,傾到間餐廳關門,他們先肯離開。

 


新牌仔娜姐揸住架新 Benz,載住新歡離開,但發現有記者,於是在香港站放低新歡。

 

之後娜姐獨自返回半山月租近四萬的千呎新居。
新牌仔
撐完枱腳,娜姐做埋司機,新牌仔,架 Benz A200亦剛落地一個月,掛 P牌的娜姐擺明新手,唔熟路要不停兜圈,又亂 cut線,綠燈可以行車時,又遲遲唔開車。
雖然手車屎,不過娜姐的警覺性依然高,行車冇耐已經發現被跟蹤,於是在香港站放低新歡,自己一個返回半山新居翠麗軒,潮男亦做足配合,在港鐵站左穿右插,成功撇甩記者。
製作公司老闆
據了解,娜姐的新歡叫 Harry Lam,年約三十多歲,擁有自己的製作公司,從事多媒體創作,與娜姐因工作認識,近兩個月,二人經常出雙入對,感情進展得相當順利。
早前娜姐更與新歡去紅館睇李克勤容祖兒演唱會, dry咗三年,娜姐再開齋。本週二,問到娜姐與新歡關係時,她面露不悅回應:「朋友囉!」之後問到對方符唔符合男友條件,想唔想拍拖等問題,娜姐都扮聽唔到拒絕回答。

最近娜姐投資八位數字開鋪賣 bra,仲親自做埋代言人影宣傳相。

娜姐近年主攻電影,早前俾吳君如睇中有份客串《 12金鴨》。

容祖兒、李克勤開騷,娜姐同男友拍拖捧場,還一齊入後台與 Joey合照。

26/9
娜姐孖住友人行又一城,夜晚再去婚禮,到一到就鬆人。

 

問到娜姐與新歡關係時,她的面口唔多高興,否認拍拖。
多人追
有樣有身材的周秀娜,除了拍拖六年的男友 Avis,身邊一直不乏追求者,是頭號「宅男女神」。


化妝師 Johnathan
11年,傳出與化妝師 Johnathan撻着,男友 Avis醋意大發,於微博開火大罵「挑戰我者死!」


陳偉成 Avis
出道已自爆有位模特兒男友的周秀娜,經常同男友孖住出席活動吸金,其後 Avis多次被指偷食,二人屢傳分手,直至 12年, Avis趁女友出埠工作,拖 19歲嫩模回家仲影晒床照,娜姐徹底死心,與 Avis結束 6年情。


關楚耀
13年,被指與關楚耀合作電影《爆 3俏嬌娃》閃電撻着,二人被拍到深夜於公園內拉筋調情談心,其後男方送娜姐返回賽西湖寓所,關係曖昧。

內衣品牌老闆
內衣品牌 La MIU老闆董路一直有意追求,搵娜姐做內衣代言人借機親近,二人更被發現於西貢食海鮮撐枱腳,態度親暱。
情慾試身室
情侶情到濃時,要解決慾火,後樓梯野戰,公園肉搏屢見不鮮,近日,更瘋傳不少試身室 gathering事件。


Uniqlo
今年 7月,北京三里屯 Uniqlo試身室被一對情侶當「炮房」,女方赤裸,男方則褲子微微褪下,二人在試身室內性行為,男方更邊搞邊自拍,短片在網上瘋傳, Uniqlo即發聲明呼籲顧客遵守公德,正確使用試身室。


泰國 Tesco Lotus
早前,一對外國情侶在泰國一間超市行街,豈料二人突然慾火焚身,走到附近女性內衣區揀內衣,女方走入試身室不久,男伴跟着入去,其後傳出聲響,影片在網上瘋傳。


Giordano
上星期,網上瘋傳一條長達 3分鐘性愛片,一對慾火男女互剝衫肉戰,全程被人偷拍。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()