me.jpg

Janice Man
黑色綴窩釘 biker皮背心$32,200
黑色網面海綿料背心裙$13,000
both Philipp Plein from I.T
金色戒指連手鈪及金色金屬牌手鏈(一套)$6,399
all Maison Margiela

cover face

找到對的人  Janice Man

Ads by Google

找到對的人,對 Janice Man有兩個意思。
一是她終承認與投資總監 Carl Wu(吳啟楠)蜜運中。
「依家唔可以 promise乜嘢,但 so far係最開心嘅 moment。」
其二,自獨立開工作室後,工作大滿足,全年無休,一口氣在內地接拍三部電視劇、香港兩齣電影,還不計大大小小廣告,她甜笑:「公司老闆睇完今年成績,都話好開心。」
而我這位貪財奴,只羨慕她今年豬籠入水,順勢問她應該買磚頭來保值吧?
「就算有首期,都唔願意買,根本唔值!用嚟自住,呢個價位冇人會叫你買樓。
「講咗好耐會跌,但根本都唔跌,真係好無助。」
想不到連有富二代男友兼賺到盤滿砵滿,都跟我們升斗市民面對同樣的難題。
我想,我們「找了」不對的人來解決土地問題吧。

 

 

其他影片
Janice Man放閃親口讚男友:佢好有心!
Profile


Janice Man
黑白斑馬紋綴彩色珠片釘章背心$3,799 MSGM
珊瑚橙色絹面半截長裙$9,999 Rochas
both from I.T
紅色漆皮 lace up平底鞋$1,099 Venilla suite

文詠珊 Janice Man
出生日期: 1988年 12月 29日(山羊座) 
出生地:香港 
身高: 5呎 6吋半
體重: 98磅
語言:廣東話、普通話、英語
簡歷: 14歲被星探發掘,簽約種星堂,憑着走可愛日本妹路線,及後與 Angelababy(楊穎)以孖妹姿態拍廣告而走紅。
09年,簽約黎明旗下 AMusic,被封為「模 Art」;直至 14年轉簽太陽娛樂文化,並開設自家工作室,全力向電影方面發展。
主要作品:《為你鍾情》( 10)、《 Laughing Gor之潛罪犯》( 11)、《大追捕》( 12)、《臨終囧事》( 13)、《那夜凌晨,我坐上了旺角開往大埔的紅 VAN》( 14)、《兇手還未睡》、《寒戰 2》( 16)等;《畢業歌》、《蜀山戰紀》( 15)
磨練期

相比被黎明監管年代, Janice Man這一年工作量是過去五年的總和,今天見她自信多了,十月小盤點,已喜孜孜說:
「今年成績突飛猛進!新公司,新開始,自由度大,可選擇自己喜歡嘅 project。」
自知沒拍過電視劇,她膽粗粗到內地拍劇,一去半年,明眼人都知是為了鋪路「入屋」方便日後發展,只是,內地工作環境也出乎她意料。
「冇諗過咁辛苦!
「去山旮旯地方拍,冇廁所係最痛苦嘅事!到後期要租架有廁所嘅化妝車,租車費好貴,每月要四五萬呀,但呢啲錢真係唔慳得。」
以前港星在內地拍劇不是很吃香嗎?何解伊人受苦呢?她說只當新人做,播種期不能要求什麼,就算配套不足只好頂硬上,但遇上水土不服才真正令她崩潰。
「最誇張係,我屙足大半個月,隔日就痾。」
她說拍《蜀山戰紀》最辛苦,由天寒地凍拍到最熱時節,由橫店片場去到廣西不毛之地,發燒中暑樣樣齊;每天有十多頁紙嘅劇本要拍,總共四百場戲要現身。
「我有諗過放棄,但我問自己,既然選擇做,就要捱過去!」
她總結:「最大得着係一次好好磨練,像軍訓完一樣,返香港拍乜都覺好 easy!」
努力播種

走過地獄,到哪裡都是天堂。回港後, Janice Man說已有兩齣電影等着她──《寒戰 2》和《兇手還未睡》。前者有周潤發坐鎮,不可能不拍吧;後者尺度太大膽, Janice Man本來推了。
「呢齣戲係《雛妓》班底,角色好極端,起伏位好大。我趁去希臘放假時,再睇多次,最後決定唔想自己錯過咁好嘅劇本。」
大抵,這齣明年才上映的電影,重點是被安排參加國際影展,才值得 Janice Man放膽一博去拍全裸鏡頭,而她也擔心力有不逮。
「我仲記得拍完第一日,個頭好似爆炸咁, stress到要吃兩粒 Panadol先紓緩到。」
有云,天將降大任於斯人,必先勞其筋骨,但我沒想過,已被勞役至身心俱疲的 Janice Man竟然又再願意回內地「受難」,再拍電視劇,何苦呢?
「因為第一套劇(《畢業歌》)導演再搵我拍,我二話不說便 lock期俾佢,但又要離開香港半年,我都好擔心有好多嘢接唔到。」
當然,此劇叫《海上牧雲記》,着眼點是三億投資的魔幻特技電視劇,拍攝地點在新疆和浙江外,還有伊人至愛的日本京都。然而,見過鬼也怕黑,不會要求較好待遇?
「既然應承,就不能計較細節位,我交給公司同事傾。
「我仲 green,冇可能拍一兩套就加價,始終仲係搵機會階段。」
在香港舒舒服服做了「模 art」五年, 27歲的 Janice Man要急起直追也不好去計較。

15年 (左)吳啟楠
男友是投資總監,工作也很忙,女方一旦在香港,有時間便相約食飯。

15年 (右)文母
在橫店拍劇期間,文母帶埋愛心湯和瑞士雞翼去探班,暖在心頭。

15年
拍《蜀山戰紀》時,「冇時間練習,邊拍邊學耍劍,好辛苦。」

15年
十日希臘行,放假兼充電,個人都開心晒。
甜蜜滿足

Janice Man說今年給自己的獎勵,是去了十天希臘旅行,見她微博圖片全是孤身隻影,我猜揸機人是男友吧,這天她坦言現階段的關係是最好。
「講真,我對愛情幾睇重㗎!愛情缺少咗,對我事業都冇咁好。
「其實大家工作都好忙,睇得出雙方都盡力把握時間溝通,否則都唔知點開始。所以,我信一段關係一定要 put effort。」
她說跟大家一樣,憧憬組織家庭,最美滿有兩個孩子,兩頭小狗,只希望在三十歲前為事業好好博殺而已。
「大家都係成年人,維繫好有共識。之不過佢唔係玩 surprise嘅人,而我比較 romance啲囉,我有時都會俾驚喜佢㗎。」
她說對方也是工作狂,一星期七天工作檔期密麻麻,但只要一有空,他都會一日來回飛去探身在異地工作的她。
「對我嚟講,呢樣最實際。但係咪好浪漫呢?我又答唔到,我只可話 kind of sweet。
「現在所有事都喺一個好 perfect嘅狀態,又得以平衡,我已經好滿足。」
有情飲水飽,原來有愛情滋潤先係真正頂得住艱苦工作環境嘅原因,有理由相信此君是結婚對象?
「唔知㗎,邊會有 plan㗎?」
說時笑瞇瞇,得啦,知你甜蜜幸福中。

Janice Man
淡粉紅色不規則併布背心裙$9,999
Simone Rocha
金色閃石耳飾$4,999
Ryan Storer
玫瑰金色綴紅色水晶戒指$1,799
MAWI
all from I.T
橙色圖案尖頭高踭鞋$999
Katie Judith from ete!

Janice Man
黑色半透視恤衫$9,499
蝦肉併紅/深灰色拉鏈外套$13,900
蝦肉色長褲$9,499
all Delpozo from I.T
後記

然後,她又不忘補上,她的姊妹淘最 sweet。
話說在橫店拍戲期間,冇啖好食,有個閨蜜熟知她愛吃雞煲,竟人肉速遞到片場給她。
「 How can this happen?佢竟然搵到方法雪個雞煲上嚟,嗰刻好感動,即時喊咗出嚟。」
唔,我知這番撒嬌話並不是想對我說的,吳生睇到的話,唔該下次識做!
Shop List

ete! 銅鑼灣皇室堡 G26號鋪  2504 0137
I.T 銅鑼灣希慎道 1號 1樓  2890 7012
銅鑼灣京士頓街 2號地庫  2881 6102
Maison Margiela 中環雪廠街 10號地下  2869 7707
Venilla suite 銅鑼灣希慎廣場 701號鋪  2568 7726
撰文:黃鑑江
形象: Annie Hung
攝影: Ray Siu
化妝: Vinci Tsang@vcwmakeup
髮型: Matt Chiu@Xenter

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()