next1.jpg

陳展鵬和陳凱琳分手擘面收場,近日出席《張保仔》宣傳活動面左左,被撇的陳展鵬尤其黑面。

娛頭

因愛成恨 嫌學歷低 拍拖三月被狠飛 陳展鵬陳凱琳反晒面

Ads by Google

屋企有錢又生得好樣的一三年港姐冠軍陳凱琳,自稱處女,但作風 open,合作小生幾乎個個中伏!拍新劇《張保仔》期間,撻着拍檔陳展鵬,二人秘密拍拖。可惜試用期三個月,女方嫌陳展鵬係中學雞學歷低,狠飛後二人更加反晒面,連出席宣傳都唔肯交戲,面左左。
原來著了陳展鵬舊鞋,據悉鄭嘉穎完全不知情。𤓓爆!

 


電力驚人

鄭嘉穎㷫爆
近期才知道自己著陳展鵬舊鞋,鄭嘉穎非常㷫。

揚言婚後才可以有性行為的陳凱琳,骨子裡性格鬼妹,熱情惹火,向合作拍劇男對手送零食之餘更愛送抱抱,飛來艷福,惹來大批觀音兵。拍《 4個女仔 3個 BAR》時,有人夫張繼聰冧爆,周子揚暗溝;做《吾淑吾食》節目嘉賓,又撻着黃淑儀孻仔徐肇平,對方甚至搵阿媽幫手撥大葵扇,陳凱琳電力驚人。
去年拍《張保仔》,陳展鵬亦被電暈,當時陳凱琳正被《搵食飯團》大隻仔拍檔溫家偉狂追,經常借幫手翻譯對白,攝位埋身,又在鏡頭前餵食,陳凱琳受落,但大隻仔的進取表現卻觸動公司高層神經,為保護處女,將大隻仔踢出節目。
其時,《張保仔》剛開始拍攝,聲稱相信一見鍾情的陳展鵬,對陳凱琳生滋貓入眼,就算明知有溫家偉狂攻,亦照去馬,不時大獻殷勤,冧爆陳凱琳。

同陳展鵬分手冇朋友做,陳凱琳轉黐洪永城,二人玩得愈開心,陳展鵬面色愈難睇,完全被舊愛當透明。

 

現在陳凱琳和陳展鵬保持距離,影相都分前後企(右圖),但拍拖時(左圖)卻甜蜜黐到實,更為他慶生。
學歷有距離
「 Grace對老男人特別偏愛,陳展鵬大佢十四年,喺呢行咁耐,俾咗好多意見佢,又教佢做戲,所以 Grace好受。喺長洲拍對手戲, Grace一啲都唔避忌,同煎 pang成日黐住雞啄唔斷,細聲講大聲笑,個樣勁開心,試過講講吓,佢仲手多多扮『兜巴星』煎 pang,其實當時佢哋已經撻着咗。」劇組工作人員說。
拍劇變拍拖,但在加拿大讀大學的陳凱琳,和只讀到中五的陳展鵬,學歷有相當距離,加上陳展鵬性格躁底,拍拖三個月,二人鬧交多過食飯。
這段地下情令陳凱琳好心煩,試過同身邊朋友呻,話「有人」令她好開心,同時又令她很不開心,但究竟這個人是誰,她始終冇講出口。
凱琳媽監場
據了解,對女兒公事私事都緊張的陳母,主張陳凱琳要小心選擇對象,甚至經常跟出跟入開工,以防萬一。
「拍《張保仔》嗰段時間, Grace媽咪專登入咗長洲探班,順便摸吓煎 pang個底, auntie對煎 pang冇乜好感,仲叫 Grace睇定啲。之後佢差不多日日入長洲,搞到煎 pang冇機會埋身,之後佢哋仲分埋手。」陳凱琳身邊人說。
被嫌中學雞,小器的陳展鵬嬲到擘晒面,劇集拍攝後期,甚至對陳凱琳黑面,拍對手戲都冇交流。陳凱琳非常冇癮,放飯時間,寧願獨家村自己食,免得被陳展鵬冷待難堪。之後她轉黐洪永城,二人 friend到一支茶兩份飲。

陳凱琳和洪永城去新城做訪問,冇陳展鵬在場,她特別輕鬆雀躍。

雖然屋企有米,但陳凱琳日常搭地鐵出入,非常平民。

近期鄭嘉穎在內地拍劇,不用開工的陳凱琳單拖出外開餐,醫完肚就慢慢睇劇本。

陳凱琳父母對愛女寄望甚殷,最怕她揀錯男友,所以陳母不時跟場拍劇𥄫實。
同台面左左
這對擘面情侶近期要為《張保仔》谷宣傳,陳凱琳繼續搵洪永城做水泡,明顯同陳展鵬面左左,大合照都要搵人隔住,再見不是朋友。
至於現任男友鄭嘉穎,據了解,完全不知自己著了《天眼》拍檔陳展鵬的舊鞋。
「嘉穎同 Grace相差廿二年,但佢哋都喺加拿大讀書,好多嘢好啱 key。平日喺嘉穎面前, Grace會好乖,又時時自動報到,所以嘉穎冇諗過女友過去嘅感情生活係咁多姿多采,更加唔知 Grace同過煎 pang一齊過!嘉穎好緊張,自己就算喺大陸開工,都成日打長途電話提呢樣嗰樣, Grace都話嘉穎好幫到自己。不過近日《張保仔》出街,嘉穎終於收到風知道女友同陳展鵬拍過拖,唔㷫就假啦!」知情人說。

過去鄭嘉穎從不主動公開戀情,但對陳凱琳卻是例外,對父女戀十分投入。

鄭嘉穎現在才知自己著《天眼》拍檔陳展鵬舊鞋,認真失策!

周子揚曾想追陳凱琳,但無綫不想她有奀星埋身影響形象,急召周子揚照肺。

拍《 4個女仔 3個 BAR》時,陳凱琳連人夫張繼聰都冧掂,曾傳出緋聞。
有樣有身材仲要有米
過檔無綫後人氣勁升的陳展鵬,揀女友要有樣有身材外,有米都是條件之一。


姚佳雯
在亞視年代,陳展鵬跟亞姐姚佳雯拍拖,更會突擊探班氹女友開心, 11年在無綫拍《真相》坐正男一後,他開始疏遠女友,最後更主動提出分手。


貝安琪
13年合作電視劇《巨輪》,被指跟貝安琪在戲中啜出真火,事後貝安琪亦承認煎 Pang為她改變,英文不叻的他,會跟她用英文傳訊息,其時,陳展鵬亦對搞西片的貝母劉香萍大獻殷勤。


鍾嘉欣
跟伍允龍離合多次的鍾嘉欣, 13年跟陳展鵬暗交,煎 Pang更用價值百多萬的戰車接送這個圈中小富婆,不過跟伍允龍掟煲唔掟蓋,鍾嘉欣最後又重投對方懷抱。
關係複雜


陳展鵬和陳凱琳這對反面情侶跟身邊人關係複雜,雖然陳凱琳入行冇耐,但關係圖已七國咁亂。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()