上週五( 25日)林雅詩和親表哥喺商場行街解悶,親情可貴係呢啲時候喇!

真面目

林雅詩 搵人陪 猛男表哥陪𠝹手林雅詩

Ads by Google

中秋節應該人月兩團圓,但對剛復出、 90年代三級片女星林雅詩( Grace)來說,佳節似乎孤伶伶。週日( 27日)中秋節正日,林雅詩在 facebook寫下:「工作完,一個人的中秋節。」其實早在上週五( 25日),林雅詩帶着手上傷痕,搵表哥陪行街散心,之後又對本刊說:「返到屋企空盪盪!」中秋流眼淚,好可憐囉!

 


37歲林雅詩月前「復出」,下月中將推出以美國英雄做主題的寫真集,由復出初時稱「婚姻好難講」,到上週左手受傷,週日( 27日)中秋正日再在 facebook寫到明老公不在身邊,婚姻似乎有危機。

90年代嘅三級片女星,今時今日已為人母,林雅詩表示唔介意性感,但床戲就真係要考慮。

週日( 27日)晚上 11點,喺 facebook發文表示冇人陪過中秋,冇幾耐仲 po多張喊相出嚟,係咪婚變,睇嚟唔使估! 網上圖片

05年嫁畀經營鋼鐵廠嘅老公,一心諗住做少奶奶,可是 10年後卻復出靠自己。 《蘋果日報》圖片
「傷口仲有流血!」
上週五( 25日),林雅詩出席慈善派飯活動後,便車 9歲囝囝 Nicholas到林母家,再揸車到觀塘會合一男子行街解悶。「嗰個係我表哥嚟,佢咁啱又得閒,陪我出嚟傾吓偈。」當日林雅詩不時在表哥面前愁晒似訴苦,表哥亦樂意做聆聽者。
近日林雅詩都用「 OK」去形容與老公的關係,經過中秋節獨守空房後,林雅詩似乎口風有所改變。「我同我先生都有 10年感情喺度,但要好似以前咁一定冇可能㗎喇,始終囝囝𠵱家仲細,我相信有咩變動大家都會知道。」對於左手為何受傷,林雅詩始終答得相當避忌,只表示自己不小心打爛玻璃,左手手腕被𠝹傷,「傷口仲有流血,所以我要包住」。

網上圖片

9歲囝囝 Nicholas非常黐林雅詩,據知仲趕爹哋去自己房瞓,自己就到媽咪房獨佔林雅詩。

即使揸緊車,但林雅詩都係心事重重咁款,唔多開心。
女人靠自己
對於中秋佳節老公不在身邊,林雅詩說:「好多時食飯都分開食,平時都係咁,何況大時大節。噚日( 27日)中秋節做完嘢個人好攰,返到屋企突然覺得好空蕩蕩,囝囝喺我媽咪度,我先生又忙,所以中秋節都係我自己一個喺屋企!可能 short short哋, post咗一張喊嘅相。」
打算全面復出,老公身為工程師,而且家族開鋼鐵廠,家住西貢豪宅的林雅詩,卻沒有周身名牌,只揸 10萬蚊日本車,她說因為與老公財政獨立。「我先生有照顧囝囝嘅開支,呢樣佢有做嘅,女人出嚟做返嘢好啲,靠自己能力搵錢都好啲嘅!」講到明靠自己咁喎!

割傷手
上週林雅詩出席公開活動時左手突然紮咗繃帶,佢話係自己打爛嘢割傷手,但個位置咁可疑嘅?

行街似遊魂,林雅詩似乎係行街解悶,買嘢其次喎。

林雅詩和梁焯滿份屬好友,有唔開心嘅事都會同佢分享。 網上圖片
失婚婦要復出
離婚後復出嘅女星大有人在,當然唔係個個都會跑出,不過肯做唔會餓得死嘅!


羅霖
做過空姐,又做過亞姐,羅霖 96年嫁俾富商劉坤銘!仲幫劉家生咗 3個仔。 12年底突然宣布與老公分居, 14年正式復出,拍咗套電影《愛尋迷》有大膽演出,今年書展就以 50歲高齡出埋寫真添!


趙頌茹
02年參加模特兒選拔賽加入娛圈,出道後做過歌手又拍過劇,星途一般。 10年與周永恒奉子成婚。去年周永恒被指包養小三 Ruby令婚姻破裂。趙頌茹今年開始積極出席活動搵錢,養自己和 2個囡囡。


可嵐
08年加入樂壇做歌手,可惜星途完全無起過。 10年即與從事飲食業的尤子威結婚,並誕下一子。 14年可嵐自爆家暴並開記招決意離婚,有意復出,期間亦接下大量公開活動。不過半年後,據知二人已重修舊好。
採訪、撰文:娛樂組 
攝影:娛樂突發組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()