As One一出道就走韓國 K Pop路線,所以老闆洗米華(周焯華)索性投放資源,同韓國電視台傾宣傳,早前赴韓特訓,日日苦練歌舞,〈 Candy Ball〉跳咗 1千次以上, Nata同新成員 Chloe日日爆喊想返香港。

真面目

影衰晒 《勁歌》製作超 hea被恥笑  As One:韓國綵排都 6個鐘

Ads by Google

太陽娛樂旗下女子組合 As One獲公司力捧進軍韓國市場,近日有網友將 As One上韓國節目同喺大台《勁歌金曲》片段剪埋一齊比拼,狠批大台:「同一隊人同一首歌唔同電視台,效果差勁遠,垃圾 TVB。」
突然做咗磨心嘅 As One回應時仍然錫住大台,但就猛讚韓國電視台製作水準超高,每次上節目前都有兩次綵排,仲話:「喺韓國綵排都 6個鐘,係好認真!」喺大台有半個鐘畀你叫執到啦!

 


本地女子組合 As One近日上大台《勁歌金曲》演唱新歌〈 Candy Ball〉,本來一首輕快跳舞歌,卻被大台製作嘅陰沉燈光,加上差勁音響搞到古古怪怪,惹嚟網友狠批「暗到似冇電」兼「十幾年嚟冇變過」。網友更將 As One進軍韓國被當地電視台 SBS及 MBC!Music邀請表演嘅片段剪埋一齊作比較, TVB明顯製作超 hea,有留言甚至以為係唔同組合!

韓國認真
As One上過韓國 SBS同 MBC!Music節目跳唱〈 Candy Ball〉,舞台設計同燈光完全配合歌名,非常認真。電視畫面

大台是但
大台嘅《勁歌》佈景被批評十年如一日,同樣係 As One、同一首歌,感覺卻差十倍。電視畫面

6 cam齊拍
其實〈 Candy Ball〉係 As One第一首進軍韓國嘅新歌,有韓文同廣東話兩個版本, MV喺韓國拍攝,今年 7月已獲韓國電視台邀請,是首次有國外女團上其音樂節目,喺當地獲得極多正評,估唔到喺娘家電視台演出反而失威。 As One成員 Nata回應話:「喺 TVB排好晒位先錄影,工作人員都好專業,其實兩個地方拍攝手法都唔同,冇需要比較。」
雖然唔敢得罪香港大台,但 As One就指韓國電視台喺製作上同香港有極大分別, Nata說:「喺韓國綵排都 6個鐘,第一次綵排要跳但唔使唱,鏡頭唔會郁;第二次係 full rehearsal,全部人頭髮、服裝要齊晒,有埋鏡頭,要追鏡頭。」隊長 Shin接住話:「追得好犀利!最少有 6個鏡頭,飛嘅有 1部,大家要望實鏡頭放吓電,係好認真!」大台真係進步吓得唔得?

韓國練習生一般要訓練 3至 7年, As One只得個半月特訓就要上節目,朝朝 8點起身學唱歌跳舞,凌晨過後至返酒店休息。

As One已錄好另一首新歌,同〈 Candy Ball〉一樣會有韓文同廣東話版, keep住兩地發展。

喺韓國特訓期間 Shin(吳思佳)被導師指「有啲肉」而要戒食飯,只得慶祝生日當日至可以食蛋糕同韓國燒肉。 網上圖片
改組攻韓

As One最初出道同樣係 4人組合,後來 Oli因為學業同健康理由離隊, Elfa則遇上交通意外後退出,今年才加入兩位新成員 Kayan同 Chloe。

受成員變動影響,今年初 As One同商台合辦「 As One plus One」活動招募新成員, Chloe同 Kayan就係咁成功入圍。 網上圖片
唔驚 FFx
最近 FFx騎呢 900蚊 MV成為熱話, FFx被指係 MK Pop女團。日前 FFx接受《 FACE》訪問時大讚 As One四位成員靚女,又自言樣貌係天生冇加工,有暗寸 As One整容之嫌。
As One亦有留意 FFx嘅 MV,隊長 Shin就好大方咁話:「多謝佢哋讚我哋靚!但相信唔係話我哋整容,希望佢哋都愈嚟愈進步啦!」又重申:「大家都知道我哋(喺韓國)每日編排咁多,都冇時間整容啦!」

FFx騎呢超多負評反而紅咗,膽敢暗寸紅到去韓國嘅 As One整過容。

MK Pop女團突然冒起,另一組合 B.Gs無辜被牽連更做埋 MK Pop女團一姐,其實 B.Gs賣性感多,係咪 MK見仁見智啦!《蘋果日報》圖片
採訪、撰文:娛樂組
攝影:攝影組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()