探熱針

自投羅網:個個走佬傅 傅嘉莉唱反調簽 TVB做親生女

Ads by Google

無綫花旦小生個個搵路走,偏偏傅嘉莉唱反調,近日落實簽約無綫經理人做親生女,唔怕俾五年長約綁住, 30歲傅嘉莉,睇準花旦缺人好時機,係時候攝位上。

 


突然爆出
出道超過十年,拍過唔少廣告又拍過電影,但傅嘉莉真正廣為人識,是兩年前的無綫重頭劇《衝上雲霄Ⅱ》。
「由 model到做演員, Kelly(傅嘉莉)簽過寰亞娛樂,拍過電影例如《無間道 2》,但一路都冇一個突破機會,直至一三年佢拍咗無綫部《衝上雲霄Ⅱ》,『咖啡妹』個角色同吳卓羲有唔少對手戲,先爆到出嚟!電視觀眾覺得佢外形好清新,仲以為佢係新入行,後來俾網民大起底,先知原來入咗行好耐,仲話佢生得後生,個樣唔似廿八歲添!」知情者說。
有人氣,無綫即時做嘢,其時大媽樂易玲已咬住唔放,不停游說傅嘉莉簽經理人約,做親生女。

在《衝上雲霄 II》中,與胡杏兒、藍莓穿比堅尼出鏡。

剛約滿 model公司的傅嘉莉,泊無綫碼頭,趁花旦逃亡潮攝位。
賣身五年
「除咗 TVB,另外都有唔少經理人公司想簽佢, Kelly對簽無綫並唔抗拒,但佢唔想俾長約綁住,想自由啲,當時同 TVB傾咗一輪,睇吓就唔就到簽部頭或者同其他經理人公司 co management,但 TVB好堅持,經理人約一定要係佢哋,唔同其他公司合作。」
拉鋸兩年,近日與 model公司結束九年賓主關係的傅嘉莉,終於動筆簽約無綫五年做親生女。
「無綫只捧自己友,本來兩年前個勢好好,但因為唔係親生女,無綫都無大力捧佢,到依家佢同 Primo嘅合約滿咗, Kelly咪重新考慮 TVB囉,佢原本都唔想簽咁長年期,但 TVB話五年已經係最低消費。」
正值無綫花旦小生逃亡潮,這個時候唱反調賣身無綫,傅嘉莉相信,是發圍好時機。
「其實都有好多人勸佢諗清楚,但 Kelly覺得無綫始終不停有劇開,花旦唔夠,好似陳凱琳、岑麗香劇接劇,有咁多機會,因為根本冇人,所以係攝位時機;加上樂小姐講明,做咗親生女,會俾多啲機會佢,安排 Kelly擔正做女主角。」知情者說。

傅嘉莉與陳凱琳、洪永城、陳展鵬上船宣傳新劇《張保仔》。

在《愛我請留言》演內地新移民,為角色做了不少準備功夫的傅嘉莉被讚做得好。

10年在電影《索命童話》同劉青雲合作。

拍《衝上雲霄 II》與吳卓羲做情侶,二人更傳出緋聞。
浮浮沉沉

當年與 Race、姚子羚、唐詩詠、戴夢夢拍《四葉草》。

現年 30歲的中德混血兒傅嘉莉,模特兒出身,被稱翻版徐子淇。入行超過十年,做廣告模特兒外,亦拍過電影《無間道 2》、《 3D冰封俠.重生之門》及代表作電視劇《四葉草》系列,但大多不起眼; 13年她有份參演無綫劇《衝上雲霄 II》,劇中與吳卓羲做情侶,開始為人認識;去年,傅嘉莉被安排加入處境劇《愛我請留言》飾演姣妃一角,首度孭重戲做第二女主角,名氣因此再提升。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()