雖然包到冚,但都學巫啟賢話齋,「這個人很有何傲兒的味道。」她手持住一粒水晶,另一隻手不停在上面打圈,感應水晶磁場。

探熱針

何傲兒 洗黑氣:鬼祟催運斷正 何傲兒驚青逃走

Ads by Google

何傲兒呢排都算運滯!同掟煲唔掟蓋的周子揚車廂野戰,都撞正警察照田雞,仲要被《壹》仔全場直擊,激嬲「爺爺」老細林建名,搞到要同「爺爺」黐實睇演唱會,做賠罪人肉騷。
頭頭碰着黑,係時候擺個陣催運!日前,記者發現何傲兒鬼鬼祟祟化身「蒙面姐仔」又口罩又帽,包冚到深水埗劏鋪商場一間專買風水擺設同水晶的鋪頭,搵「專業人士」,助她轉運。

 


蒙面行深水埗
在深水埗西九龍中心,專營蚊型劏鋪的蘋果商場內,記者發現一名短裙襯白色乾濕褸,孭住粉紅色 Prada Classic Saffiano tote bag的女子,身影望落極似何傲兒;加上她刻意將帽拉到極低,再用口罩包住塊面,連對眼都幾乎睇唔到,蒙面程度,重手過李克勤、梁詠琪上大陸節目《蒙面歌王》,相信巫老師巫啟賢都真係唔會認得出!
咁鬼祟,原來真係何傲兒。話晒都係過氣港姐同電視台姐仔,竟然唔係中環行名店,選擇到龍蛇混雜的深水埗區,行專賣淘寶貨,劏鋪主打的蘋果商場,仲要明顯熟晒架步;去到其中一間賣風水用品及水晶的鋪頭仔,應該是熟客的她不斷問老闆娘有關水晶問題和功效,其間更攞起一嚿水晶,放在左手掌心,然後右手不停在上面打圈,嘗試感受水晶的能量。在店內逗留了大約十分鐘,之後因發現有記者在場,立即極速離開。

何傲兒包到冚一冚,鬼祟造型相當異相。

何傲兒似身有屎,一見記者就慌忙逃走。

連途人見到何傲兒如此打扮,都忍唔住眼望望。

為了逃避記者提問,何傲兒即刻扮講電話。
慌失失扮傾電話
記者跟上前問何傲兒為何出現?是否想擺陣催旺事業姻緣,平時面對傳媒有問必答的她一反常態,愈問愈走,在商場內的窄巷左穿右插,慌失失!又攞起手提電話扮傾偈,迴避記者提問,直到被問有否養鬼仔(古曼童),她才緊張耍晒手俾反應。
之後因為等電梯,何傲兒終於企定定,但記者一開聲,她又即刻慌忙攞起電話繼續扮傾偈,見記者窮追不捨,何傲兒終於妥協。
「我第一次嚟咋!頭先同爸爸一齊行街,你影唔影到我爸爸呀?(唔見喎!)吓……佢啱啱走咗十五分鐘咋喎,(以前幫襯開(水晶店),見到你攞上手試)唔……我都係嚟行街啫!」何傲兒不耐煩地用手遮擋鏡頭,之後就搭電梯離開。
事後到水晶店問老闆娘,對方表示唔認得何傲兒是藝人,但她自稱對水晶很有興趣,睇了很多不同種類的水晶,至於何傲兒是否特別想求姻緣或事業,老闆娘聲稱她攞到手上的 Super Seven(超級七輪水晶),求乜有乜,對姻緣、事業、健康、財富都有幫助。

早前本刊發現何傲兒同周子揚在車廂短聚四個鐘,兩人在車內拉晒布簾,其間更被警察照田雞。

 

頭頭碰着黑
事實上,何傲兒近期運氣的確麻麻,同男友周子揚拖拖拉拉,分手又復合,車廂幽會又遇到警察照田雞,斷正!搞到要諗計氹番「爺爺」老細林建名。
感情上要花心機左右逢源,事業方面亦停滯不前;原本諗住離開無綫投靠林建名,會獲「爺爺」力捧,點知工作量比之前更少,曝光率亦大幅度下滑,真係要擺陣,轉吓運!

何傲兒同周子揚一時話分手,一時又被影到復合,感情狀況相當混亂。

又被揭發同周子揚幽會,何傲兒即陪林建名睇演唱會補鑊。
神奇水晶
何傲兒想買的超級七輪水晶(又稱三輪骨輪水晶「 Super Seven」),極為罕有,是一種能量強大的晶石,此石特別之處在於包含七種共生礦物,包括紫晶、透明水晶、茶晶、黃磷鐵礦、針鐵礦、纖鐵礦及金紅石;不需要淨化和啟動晶石,本身充滿能量,基本上「 Super Seven」功效廣,旺財富、催桃花、人緣及有治療作用,能淨化負面情緒,提升正能量,價錢由幾百至幾千不等,大受水晶迷歡迎。

何傲兒在這間水晶及風水擺設鋪逗留了十分鐘,事後老闆娘承認她想買水晶催運。

擺陣催運
娛樂圈不少人都會信邪!喜以各種陣法求好運,總之可以催旺桃花事業,加強運氣的話,幾多錢都肯使!


朱麗倩 風水陣
生肖屬牛的劉德華羊年沖正太歲,天王嫂朱麗倩分外緊張,今年初連同保鑣親友,一行七人親自殺落人多擠迫的旺角花墟,買剪紙掛飾、賀年布置及風水擺設,幫老公化煞。


張栢芝 養鬼仔
宗教無定向的張栢芝,曾沉迷戴佛牌及養鬼仔,有傳栢芝為助運氣,早年在家安排一間房專門供奉古曼童,並嚴禁兩子進入。


傅嘉莉 水晶陣
有神婆之稱的傅嘉莉,家中布滿風水陣,亦愛水晶擺設,當中有水晶山、吸水大象及鎮病星玉石等,為催旺桃花兼求平安。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()