探熱針

陳薔天 親自落場: 20歲陳薔天入行 老豆江華做形象

Ads by Google

消失幕前近十年的江華(原名陳木華),近幾個月頻頻見報,復出有跡可尋。不過, 20歲囡囡陳薔天(天天)快老豆一步,準備搶閘闖樂壇,有唱得媽咪麥潔文指點唱功外,打扮風格化的老豆江華負責做形象,又親自帶埋囡囡見唱片監製試音,等住做星爸!

 


自己未諗掂
數月來,江華由被影到在保險公司上堂,頻頻接受傳媒訪問,早前更將「巴打」劉華合照放上網,人氣盛,復出幕前,指日可待。
「有唔少內地公司見江華 keep到咁 fit,都想搵佢拍劇,不過佢自己搞緊電影嘅嘢,所以仲考慮緊;加上佢而家係諗個女先,因為天天想入行做歌手。」知情者說。

度身

試帽

江華與女兒在 i.t行咗個多小時,試過唔少造型,不過未有斬獲。
聲似莫文蔚
日前,記者在又一城見到江華兩公婆與囡囡陳薔天食 lunch,同枱還有個男人,一餐飯傾足兩小時,然後由江華揸車,一行人到位於九龍灣億京中心的 Q2 Sound Studio。「個男人係唱片監製藝琛,江華搵朋友介紹約佢出嚟傾吓個女入行嘅計劃,順便試埋音。聽藝琛講,話天天把聲似莫文蔚幾特別,而且個人都幾有自信心。」

女兒想入行,江華與麥潔文為了她約唱片監製午餐,傾了近兩小時才離開。

江華與藝琛雞啄唔斷,反而天天表現有點悶。

唱片監製藝琛覺得天天的聲線像莫文蔚,可走性格歌手路線。

午餐後,由江華揸車載大家到九龍灣的 Q2 Sound Studio,監製安排了天天試音。

執衫試造型
試完音後,江華再揸車過海,到銅鑼灣陪女兒行街試衫執造型,麥潔文自認唔夠老公潮,有關形象全權交給江華操刀,兩公婆分工合作,打造囡囡做歌手。
只見天天想行入 Chocoolate睇衫,不過江華覺得太 casual,決定去行 i.t,其間,江華好有心機同天天一起研究,試衫試褲又試埋帽。
提一提江華,千祈咪將個女搞到好似成日冇換衫咁,唔該!

52歲的江華,吃得清淡,而且每天都為三部愛車洗白白,所以練得一身肌肉, keep得勁 fit。


早前,江華將他與劉德華的合照上載微博,真貨與 A貨並排,相映成趣。

與哥哥陳耀淙的感情要好,兩兄妹是父母的心肝寶貝。
前 RB隊員


同江華一家三口食 lunch的唱片監製藝琛(鍾家俊),曾為麥浚龍、鄭伊健、關心妍、容祖兒等歌手作曲、編曲, 07年,藝琛與 6號、阿正、阿偉及泥鯭組成 RubberBand,簽約金牌娛樂,翌年推出首張專輯《 Apollo 18》,大受歡迎。由於壓力及健康問題, 10年他退隊重投幕後,並簽了 J.Arie(雷琛瑜)為旗下歌手,並引薦她加盟太陽娛樂。
星二代唔易做
星二代入行,雖然有父母光環照住,但星途未必順風順水,甚至會比其他新人壓力大,往往要花幾倍努力,才得到認同。


竇靖童( Leah)
王菲與竇唯的女兒竇靖童承傳父母基因,音樂天分橫溢, 11年組樂隊並擔任主音,之後一年開始推出個人原創英文單曲《 With You》、《 On The Beach》、《 My Days》等,在網絡大受歡迎。 13年,童童新作《 Blue Flamingo》 iTunes上架,為入行試水溫。今年 8月,她參加在東京舉辦的《 New Sunny音樂會》,年底推出唱片的她,透露有意創作粵語及國語歌,正式入行。


黃芷晴( Adrian)
黃日華女兒黃芷晴, 12年理工大學設計系畢業後,本來想開間小商店賣自家設計,當時適逢王維基搞港視,黃日華於是引薦女兒入行,父女檔上陣拍《開腦儆探》。早前黃芷晴獲監製鄧特希點名,在廣東電視台新劇《只有情永在》中擔正第一女主角,和男藝員陳堃合作。


龐景峰( Andrew)
錢小豪及郭秀雲之子,在美國讀經濟的龐景峰,畢業後於當地銀行任職,一直想入行的他在偶然機會下,認識了韓國的音樂製作人,通過了徵選,正式成為練習生,經理人公司更請來美國電視劇演員 Becky Wu為 Andrew親自授課,先後在美國和韓國受訓兩年,今年 8月正式在韓國出道。
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()