FFx換上 cyber戰衣,大跳 K-Pop舞蹈,現場所見,四人跳得有板有眼。

探熱針

半年 40場袋 4萬  FFx血淚史

Ads by Google

本地跳舞女子組合 FFx,最近憑一個製作費只花 900元的九流 MV《 Sugar Baby》一夜爆紅,騎呢舞姿和造型更引發網民瘋狂「負皮」改圖。過去半年, FFx已在國內進行了 40場巡演,騷錢一場得 4000蚊仲要四個人分,如今名氣大增,內地騷價十級跳!
半年 40場各袋四萬的 FFx,苦盡甘來。

 


唔介意騷錢奀
𡃁模組合 FFx一三年暑假重組,換血後陣容包括同為廿一歲的楊澤怡( Shirley)、李詩詠( Ceci)、潘穎琳( Mizaki)及十六歲的周葆諭( Christy)四女,出道兩年無人識,直至最近,已派台十個月的歌曲《 Sugar Baby》 MV,上週忽然彈出, FFx的騎呢舞姿和形象,在 YouTube引來近百六萬點擊,負評亦接近四萬。
雖然歌藝舞技半桶水,但過去半年, FFx已走勻浙江、廣西、雲南、四川等地,進行了四十場 FFx×《 Sugar Baby》全國夢幻巡演,累積到舞台演出經驗,但酬勞被分賬後,騷錢一場得四千,四女平均分,換句話說,過去半年,每人只有四萬落袋。

過去半年, FFx在國內做了四十場巡演,遇上成員 Christy要考試,就會由師妹 Vodka暫代。

FFx穿上婚紗晒事業線出席婚紗匯演,她們表示希望三十歲前結婚,但現階段會先以工作為首。
「之前騷價真係唔多,但好多時一個地方連走十幾場,所以都 OK嘅!其實每次演出都係好好嘅經驗,提升到我哋嘅舞台技巧,俾過百人圍喺台邊狂嗌我哋個名跟住唱,見到啲 fans咁熱情,我哋真係好感動!」 FFx說。
如今名氣大增,內地騷價即時十級跳,商演、校園騷,陸續有來。收入將有改善,但 FFx強調,現階段經驗比賺錢重要。
多謝負評
本週一(九月二十一日), FFx在觀塘排舞,對於網友一邊食花生一邊粗言穢語猛烈狠批,年紀輕輕的四女已收拾心情,樂觀面對。
「頭幾日真係好唔開心,唔識點面對,喊又唔敢俾屋企人見到,好彩我哋有大家陪住行呢條路,但後來我哋都有反思,覺得個妝最出事,亦冇留意打燈位又唔識就鏡頭位;但我哋四個一直好努力排舞,每星期跳足三日,但知道都係唔夠!我哋一定會更加努力,希望可以將所有負評變為讚!其實好多謝網上嘅人,令到我哋有人識!」 FFx更以入圍角逐新人獎為目標。

經過半年大陸巡演, FFx的舞步比今年一月拍 MV時進步得多。

被網民封為 MK-Pop女團的 FFx,新歌《 Sugar Baby》 MV中騎呢舞姿和造型引起熱話,在 YouTube已超過一百六十萬點擊兼四萬負評。

每次出 show做訪問,成員 Shirley會在淘寶為隊友選購戰衣,拍攝前,互相幫忙修剪。
一定係馬國明
FFx四女相處兩年,開朗的 Ceci被隊友公投為「最港女」,但最多人追。「 Ceci同正常女仔唔同,佢鍾意啲古怪嘢,但喺男仔眼中可能係特別,會想識佢約佢去街!」成員 Mizaki說。
Ceci更公開擇偶條件,「我鍾意宅男,可以一齊喺屋企打機唔出街!(理想男友係?)一定係馬國明!」
最細個最大女人
FFx中年紀最輕只有十六歲的 Christy,對於被高登封為「女神」,她好感激,「多謝佢哋,但每個女仔都有自己吸引人嘅地方,每個女仔都可以做女神。」
問到「女神」喜歡那類型, Mizaki搶答:「佢一定要個男仔好就佢,唔知係咪年紀細嘅關係。」在旁的 Shirley插口:「大家睇唔出㗎! Christy係好大女人㗎,男友就嘅程度係要千依百順!」
撰文、攝影、攝錄:娛樂組
nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()