me.jpg

Carina Lau
18K白金鑲 32.17卡鑽石葉形頸鏈$2,668,750
BVLGARI

cover face

劉嘉玲 我是我

Ads by Google

「你好,我係劉嘉玲。」愈紅的明星愈沒有架子!
訪問當天,劉嘉玲輕裝到場,只得化妝師與髮型師同行,沒有助手團塞爆廠嘅巨星排場。
「經歷令我變得成熟,大家依家見到嘅先係最真實嘅劉嘉玲。」
近年學做生意,開夜店、賣面膜及紅酒,最近設計埋手錶,瓣數多多,「有機會就大膽去試去做,挑戰自己係開心事!」她笑言演戲才是正職,更希望日後多參與公益慈善工作。說到底,婚姻才是女人最大的投資,「我哋老夫老妻,識得互相尊重及俾空間對方,我係我,唔會為迎合另一半改變自己。依家一張卡、一束花又或者一個 whatsapp,我已經覺得好浪漫。」生活小情趣,明啦!
她直言今日的成功全靠努力,最重要是不怕蝕底。從演藝、生意經聊到與老公的小互動,我看見了巨星劉嘉玲的不同面貌,她可以很認真,也可以很窩心。 

其他影片
劉嘉玲 開心過活

Profile
 
劉嘉玲 Carina Lau
出生日期: 1965年 12月 8日
出生地:中國蘇州
身高: 5呎 5吋
體重: 108磅
語言:廣東話、國語、英語、吳語

簡歷: 80年隨父母移居香港,加入無線電視藝員訓練班。 84年,演出《新紮師兄》一劇擔任女主角而走紅。 88年,因與梁朝偉合演舞台劇《花心大丈夫》而擦出愛火花。 98年,主演《自梳》獲金紫荊最佳女主角獎。 08年,她與梁朝偉在不丹結婚。 11年,終於憑《狄仁傑之通天帝國》,獲金像獎最佳女主角。 15年,憑舞台劇《杜老誌》獲香港舞台劇最佳女主角獎,同年獲波爾多玫瑰山莊酒莊授勳「左岸名莊騎士榮譽會員」。

主要作品:電視劇《射雕英雄傳》(83),《新紥師兄》(84),《楊家將》(85),《義不容情》(89)。電影《江湖情》(87),《阿飛正傳》(91),《阮玲玉》(92),《金枝玉葉》(94),《自梳》(97),《 2046》(04),《好奇害死貓》(06),《狄仁傑之通天帝國》(10),《讓子彈飛》(10),《過界》(13),《賭城風雲 II》(15)。唱片《真情流露》(94),《相信愛情》(95),《情冷卻》(96)。舞台劇《花心大丈夫》(88),《煙雨紅船》(00-01),《杜老誌》(14-15)。

Instagram: carinalau1208

我不完美
 

Carina Lau
18K黃金鑲綠寶石、紫水晶、黃晶、粉紅色電氣石、藍寶石及鑽石古董頸鏈(showpiece)
BVLGARI

劉嘉玲歷年拍片無數,任何角色都演繹得揮灑自如,直到 11年以電影《狄仁傑之通天帝國》武則天一角,才首次奪得金像獎影后殊榮,
「我做任何事都全情投入,盡力做到最好。人生係要經歷艱苦,成功嘅人係必須要付出努力,我係一個好例子。」回望過去,她遇過很多考驗與挫折,天性樂觀開朗,讓她一次又一次捱過去,現在的劉嘉玲怎看自己的人生?還有甚麼欠缺呢?
「我一直懷着感恩嘅心過日子,我覺得自己好幸運,付出努力最終有回報。依家嘅劉嘉玲未算係完美女人,我認為完美女人係要善良、慈悲,仲要身體及思想健康,我仍在學習中。」嘉玲未免太謙!
「我認我有私心,點解人要學佛向善?因為人天生係自私,但最緊要唔好傷害到人,最終自己食番個果。」
嘉玲擁有成功的演藝事業,近年銳意從商,先後在北京、上海及香港等地投資夜店、餐廳、家品店等,去年底更創立「嘉玲面膜」,更在網上賣紅酒兼設計手錶,八足咁多爪,「人生短暫,有機會應該嘗試,贏輸唔重要,過程先係最珍貴。」一副女強人姿態,我想有日她息影從商,未免太可惜。
「我一直有拍戲,拍戲先係我正職,唔會息影,一日有角色啱自己都會繼續演。」向粉絲們(包括我)大派定心丸。

老夫老妻
 
嘉玲的另一半梁朝偉,是一個沉默寡言的萬人迷,我依稀記得她曾說過,自己愛幽默又玩得的男人,偏偏二人性格迥異,一靜一動。
「大家性格好唔同,但有時自己都唔知自己想點,冇得要求另一半同自己一模一樣,最重要係學識欣賞對方,互相尊重及俾空間大家。
「我哋好少嗌交,因為佢好少嘢講,哈……其實以前我哋嗌交會各不相讓,可以幾日唔睬大家,但依家唔會斤斤計較,更加唔想傷大家感情,寧願唔出聲各自走開。」不明白為何當初嘉玲會選了一個大悶蛋。
「佢都有幽默一面,只係大家睇唔到,而且佢為我做過好多浪漫嘅事,呢啲浪漫唔一定係甜言蜜語,送心思禮物又或者包餐廳撐枱腳,而係一啲經歷。一齊咁耐,仲講咩浪漫?感覺好老夫老妻,唔理咩日子,見到啱嘅嘢都會買俾對方,都算係小情趣。」畢竟二人由拍拖到成為夫妻,共同生活了近三十年,時間的磨合令彼此變得更有默契;然而當梁朝偉前面的女人,應該不容易吧!
「好多人話我性格強,但我唔會為迎合人哋,甚至另一半而改變自己。」有性格,我欣賞,做自己永遠是最舒服的,就連嘉玲都說愈來愈喜歡現在的自己。

14年
嘉玲話最愛去旅行,喺大自然吸取正能量,世界之大,令自己睇化好多咁話!

14年
與梁朝偉由拍拖到結婚經歷很多,這種老夫老妻感覺最細水長流。

15年
嘉玲出名夠義氣,圈外圈內朋友多籮籮,佢話識朋友先睇佢哋善良嘅一面。

不怕蝕底
 
劉嘉玲人緣甚廣,公認是圈中的義氣仔女,圈中好友多不勝數,包括王菲、趙薇與那英等,「我唔識得拒絕人,亦唔會計較,我最講信用,唔會出賣朋友,亦唔怕蝕底,好抵得諗,所以班朋友叫我做俠女!我覺得有人搵我笨,證明我仲有價值俾人利用,點都好,最重要唔好傷我心,否則一世做唔番朋友。」她直言過去的經歷,令自己變得寬容善良,覺得甚麼事情都可以捱得過。
「我廿幾年冇打麻將,依家好少去夜街,人大咗,變得成熟,注重健康,我每日 keep住跑步或打波,食得清淡,仲要控制食量,會定期飲果汁排毒。」活得健康又自在,難怪皮膚白滑又好身材,「美魔女」當之無愧。

Carina Lau
18K黃金鑲彩色半寶石(共 296.88卡)花形頸鏈$2,187,500 BVLGARI

Carina Lau
18K玫瑰金鑲珊瑚及 52.61卡鑽石蛇形頸鏈$2,257,500 BVLGARI

後記
 
這次訪問,令我不自覺地愛上劉嘉玲。
沒有挑剔衣服,沒有挑剔燈光,攝影師甫要求,她便擺出不同甫士,
更笑說:「影我影得靚啲呀!」
訪問時,自信、從容自在地與我談笑風生,無事不可對人言,而我最想知女人該如何讓自己快樂?
「做自己想做的,讓自己快樂的。」十二字真言緊記。
劉嘉玲的笑臉與友善態度,讓我們所有人帶住好心情收工。
BVLGARI
中環置地遮打大廈 G3號鋪
2523 8057
撰文:劉慰思
形象: Kanako B Koga
攝影: Wingshya 
化妝:+0
髮型: Ken Hui
鳴謝: BVLGARI

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()